¹ N mileke asɔɔ ze jaamɛɛrɛ shiiye a yuu Kɔpɔ Siyona. Shɔngzeng sii yini wuni 144,000 ɓe wu rĩng ɓɔɔ wu Daa rĩng a yii watĩng. ² N tãa yiri yãa a koolapa ɓe ng kaayãa ana wuniyãa ɓe mɛɛyi ɓɔɔ langni yãa zãngla. Kaaniyãa ɓe N tãa ɓe wɔ̃ng ana shɔngnungni vũngtayi ying nung vũngtaa. ³ Yii tãng soo polo a tĩng ladong kpanti ɓɔɔ a watĩng vitakeni ɓe yii suru ani dɛ̃ɛrɔ ɓɔɔ shɔngbɔrɔyi. Shɔngɓɔɔ ɓa goro ɓe daa zenung manteni ɓa naɓa shɔng 144,000 ɓe shɔng wooyi a koodanga ɓe. ⁴ Ɓemi ɓi shɔngɓe yii de lese bii ɓa nii sooyeyi ɓa, aruviya yii yise yii yuu kpelengkpe ɓani peleni kɔng ɓa. Ɓemi ɓi yiko shɔngɓe yii dũng Jaamɛɛrɛ amɔngɓe waa walikãng. Shɔngɓemi yiko shɔngɓe shɔng kpengseyi a titi shɔngzengyi ana shɔɔnirɛnilayi aru Laa ɓɔɔ aru Jaamɛɛrɛ. ⁵ Shɔng de kpaa jĩngniyãa ɓa a yii vusu yãa; Yii ruvini ɓa yuu ɓa. ⁶ N ze Laa shɔngshoni ɓɔɔ ng duu a lapa, ɓe wu poloruu tɔ̃ɔving ɓe sɔ̃ɔyãa ɓa ani wu waase shɔngɓe yii wɔ̃ng a vusu koodanga-a koo ɓeweya, yãakoo, yãashangni, ɓɔɔ shɔngzengyi. ⁷ A ɓaa yãa ni kaaka yiriyãa, "Nɔ zaa Laa nɔ sɔɔ aa wu bongni. Aruviya wu la yori ɓooni ɛye. Gbãare wu ta, shɔngɓe taake koolapa, koodanga, waapo, ɓɔɔ nunungyi ɓee mɛɛ. ⁸ Laashɔngsho ɓɔɔ-ɓee ziti - dũng wu, ashãngni “Weteye, bɔrɔ Babila weteye, ɓe ɓɔɔle yãakooyi walikǎng yii ɓoo mɛɛrɛnila ɓee wu kaseni kɔng peleni." ⁹ Laa shɔngshoni ɓɔɔ-ɓee tati dũng yii, ashãng ni kaaka yiriyãa, “Shɔngɓe na gɓãare vijĩngti ye ɓɔɔ wu nungsuru ye sɔɔ tee wu vitaseniye a wu wating kɔ a wu naa, ¹⁰ ng sɔɔ ɓoo pota ɓe mɛɛrɛnila ɓe Laa wu rinign, mɛɛrɛnila ɓe shɔng tɛ̃ɛye ɓanirãaseni ɓa a vusu jewa ɓee wu leseniyato. Shɔngɓe na ɓooye shɔng kpãare wu ni yaa ɓɔɔ mumushelengyaa a Laa wu kpelengkpe shɔngshoniyi watĩng ɓɔɔ a Jaamɛɛrɛ watĩng. ¹¹ Zĩngriyãa ɓe yii kpãareni waa lapa dongdong ɓɔɔ dongdong, yii wɔ̃keni ɓaniɓa zii ni la ni-shɔng gbãare vijĩngti ɓemiyi ɓɔɔ wu nungsuru, ɓɔɔ shɔngɓeweya ɓe yii tee wu vitaseni ɓee wu rĩng. ¹² Ɓemi ɓi ɓaaniyãa lemɓa maanign ɓee Laa wu shɔng kpelengkpeyi, shɔngɓe yii dũng rudangni ɓee Laa yii sɔɔ shĩngn a Yeso. ¹³ N tãa yiriyãa a koolapa ng shãngni, "Binke viɓemitaː Zuuku ɓi shɔngɓe yii vɔɔ a vusu Daayere ɓe. "Anangko," Suru shãngke, "aruɓe yii daa wɔ̃ke a yii yuu shoniyi, aruviya yii vipeleni ng dũngyi." ¹⁴ N mileke, yãssi puru ɓɔɔ ani. Shɔngɓe wɔ̃ng a yuu yãssi ɓi wɔ̃ng ana jaa shɔngzeng. Wu Kitiri ɓe gɔli ani a wu yuu ɓɔɔ shaani zãngsĩng a wu naa. ¹⁵ Alaɓiko Laa shɔngshoni ɓɔɔ kee a vusu jaakalaa asɔɔ ɓaa yãa ni kaaka yiriyãa a shɔngɓe wɔ̃ng a yuu yãasiː Too mɔ zãngsĩng ta mɔ yeeni vinagba. Aruviya la ɓe tooni vinagba ɛye, ɓe taseyeni la tooni vinagba ɓee koodanga peleye." ¹⁶ Alaɓiko shɔngɓe wɔ̃ng a vusu yãasi ɓi gaa shĩngni wu zãngsĩng a koodanga, asɔɔ too vinagba ɓe koodanga. ¹⁷ Laa shɔngshoni ɓɔɔ kee a vusu jaakalaa ɓe a vusu koolapa; wu shaani zãngsĩng jɔ a naa ni. ¹⁸ Laa shɔngshoni ɓɔɔ kee tɔti a vusu alta ɓee gãasi, ɓe wu kaakanaa ani yuu yaa. A ɓaa yãa ni kaaka yiriyãa a shɔngɓe wu shaani zãngsĩng a naa. "Too mɔ shaani zãngsĩng ta mɔ sɔɔ muse a jeva jeva rɛnilayi a vusu layi ɓee Koodanga, aruviya yii rɛnila zũngye. ¹⁹ Laa shɔngshoni sɔɔ shĩng wu zãngsĩng a koodanga asɔɔ too vinagba nungrɛnila ɓee Koodanga. A sɔɔ tɛ̃ɛyi a vusu bɔrɔ vikãngni rɛnila ɓee Laa rinign. ²⁰ Shɔng naale vikãngni rɛ̃nila ɓi ni dɔɔ a kuuku ɓundang ɓi, kpaa sɔɔ tɛ̃ɛ a vusu ɓi a waa bongni gbangtang wu viyiniyãa, a waa sitadiyu 1,600.