¹ Alaɓiko N ze vijĩngti de keni a vusu waapo. Wu jeeyi ani kopi ɓɔɔ yuuyi nawatati. A wu yuu jeeyi ɓi kitiri kopi, ɓɔɔ a wu yuu ɓeweya ɓi rĩng dãanilaayi. ² Vijĩngti ɓemi ɓe N zee wu ana gɓɛ̃ɛ. Wu dɔɔ ana gbagba dɔɔ, ɓɔɔ wu yãa ana zingãng yãa. Sɔkǎng ɓi aa wu kaakana, wu ladong kpanti, ɓɔɔ wu bɔrɔ kaakanaa ani aru wu wu rookpanti. ³ Goro vijĩngti ɓi ɓɔɔ yuu dee weni bɔrɔngbɔ risi ani, vizeniwuko shɔng sɔɔ gangte wu bɔrɔngbɔ risi ɓi. Biizaa koodanga walikãng alaɓe yii de dũng vijĩngti ɓini. ⁴ Yii sɔɔ gbãare sɔkãng ɓi jɔ, aruviya wuko aa vijĩngti ɓi wu kaakanaa ani. Yii gɓãare vijĩngti ɓi. jɔ, asɔɔ watĩng ni shãngni, “Ɓiwe ana vijĩngti weya?" ɓɔɔ "Ɓiwe daa nungbang ni wuni weya?" ⁵ Shɔng aa vijĩngti ɓi yãashãngni ɓe daa shãngyãa tooseniyu ɓɔɔ dãalaa. Shɔng yaasewu dɔ̃rɔng wu tase wu kaakana ani ɓee shele laaziti atu ziti. ⁶ Arugko vijĩngti ɓi puu wu yãa asɔɔ dãa Laa, a dãa wu rĩng ɓɔɔ wu tabanaku, shɔngɓe yii wɔ̃ng a koolapaa. ⁷ Shɔng yaase vijĩngti ɓi dɔ̃rɔng wu taa sii ni Laa shɔng kpelengkpeyi wu sɔɔ shaayi a sii. Tɔti, shɔng aa kaakanaa ani a yuu yãako ɓeweya, shɔngzeng, yãakoo, ɓɔɔ koo. ⁸ Shɔngɓe yii wɔ̃ng a koodanga walikãng ying gbãare wu, shɔngɓe shɔngɓeweya ɓe shɔng de binke wu rĩng ɓa a Labini ɓee Surubi ɓa, ɓee ɓi Jaamɛɛrɛ ɓe shɔng yeewu a looni tung koodanga. ⁹ Shɔngɓeweya wu shoo na ani, wu tãayi. ¹⁰ Shɔngɓe shɔng nang too wu a foosii, ng waa jɔ mɔng waani foosii ko. Shɔngɓe shɔng nang nungwu vɔɔ ni yewa, ni yewa ko shɔng nungwu vɔɔ. Wuko ɓaani yãa aru wɔ̃ngni lemɓa maanign ɓɔɔ gnshĩngn ɓee Laa shɔng kpelenkpeyi mi. ¹¹ Alaɓiko N zee vijĩngti ɓɔɔ de keeni a vusu koodanga. Wu jeeyi ani a yuu ziti ana mɛɛrɛ, sɔɔ shãngyãa ana sɔkãng. ¹² Tase wu kaakana ani a wu watĩng anaɓe vijĩngti ɓe shɔɔni pele ɓe, asɔɔ shĩng koodanga ɓɔɔ shɔngɓe yii a vusu yii gbãare vijĩngti ɓe shɔɔni- ɓe wu bɔrɔngbɔ riisi shɔng gante mi. ¹³ pele bɔrɔngbɔ viɓizaaniyi, a shĩng yaa wu lɔɔ koodanga a koolapa a shɔngzengyi watĩng. ¹⁴ Ni vibizaani ɓi shɔng aa wu kaakanaa aru vijĩnti ɓi, a laake shɔngɓe yi a vusu a koodanga, a gãaleyi ni yii gonte nungsuru ɓe vijĩngti-ɓe sii shɔng lesse wuni yeewa, ɓe wu dong ni nungpaani. ¹⁵ Shɔng yaase wu dɔrɔng wu aa vijĩngti wu nungsuru aruɓe nungsuru ɓi da shãngyãa wu sɔɔ shĩngke shɔng nung shɔngɓe yii bɛ̃ɛ gbãareni viijinti ɓi vɔɔ. ¹⁶ Wuko sɔɔ shĩng shɔngɓeweya, shɔng tɔkɔlɔng ɓɔɔ bɔrɔ, shɔngvinaa ɓɔɔ shɔngrang, shɔng wɔ̃ngniyu ɓɔɔ shɔng foo, yii tee vitaseni a yii naa nashãng kɔ a yii watĩng. ¹⁷ Viɓi kpãa kɔtɔ ɓe shɔngɓɔɔ wu woovi kɔ shɔng maale wu naɓa wu vitaseni ɓee vijĩngti ani ɓa, ɓe wuko, taseni ɓi wɔ̃ng ana wu rĩng. ¹⁸ Ɓemi ɓi ɓaaniyãa wɔ̃ngni kpɛ̃ɛni. Shɔngɓeweya wu zeni na ani, wu ɓaase vitaseni ɓee vijĩngti ɓi. Aruviya ɓemi ɓi vitaseni ɓee shɔngzeng. Wu jaagãani wuko 666.