¹ Yeso too nung ni paa a ze shↄngvinaa ɓe ying shĩng yii viani a vusu piivɔ̃seni. ² A ze soovↄɔ ɓↄↄ ng aa kɔpɔ ziti. ³ Arugoko shãngni, "Nungoko N gãale nɔ, sↄↄvↄↄ ɓemi shĩng viɓe jãa shɔngɓemiyi ɓee walikang. ⁴ Shɔngɓemiyi walikãng yii aa a titi yii vinaa vɛ̃ɛni. Soovɔↄ ɓemi, a wu vusu rang, shĩng viɓe a wu naa ɓe walikãng.” ⁵ Laɓe shↄngɓↄↄyi yii de shãngke yãani aru mɔngɔ̃ɔreni, kaɓe shↄng gonte wu ni tara sɔɔ liiye kpɛ̃rɛ̃rɛ ɓɔɔ vijengni, a shãngni, ⁶ "Aru viɓemiyi ɓe nↄng mileɓemi, diki teni alaɓe tara ɓɔɔ ɓa goro ɓe shɔng daa yaa a yuu we ɓↄↄ ɓe shↄng daa saateyi ɓa walikang a tipi ɓa. ⁷ Arugoko yii yɛ̃ɛ wu, ni “Shɔngmantenivi, alaɓewe viɓemiyi daa watĩng weya? Ɓivi daa tase laɓe viɓemiyi yii daa gaa waani tĩng weya?” ⁸ Yeso kase ni, "Nↄ shii gatangatang aruɓe shↄng daa lake nↄ ɓa. Aruviya shↄngzeng vɛ̃ɛni ying ɛ ang vusu rĩng, ni, N ɓi wuko,' ɓɔɔ, 'La kpaaye.' Nↄ na dũngyi ɓa a tũmpu ɓa. ⁹ Alaɓe nↄ na tãa yãa tanisiyiye ɓɔɔ yunipa yuyɔreniyi ye, nↄ na zaa vɔɔ ɓa, aruviya viɓemi ying watĩng shɔɔni walikãng, sɔ̃niyãa koodanga daa watĩng ɓa labĩnglabĩng ɓa, ¹⁰ A sↄↄ shãngshe yini, "Yãakoo ying yupa a yuu yãakoo, roonikpanti a yuu roonikpanti. ¹¹ Shɔng ze ziteni tipi bↄrↄngbↄ, a mɔng toktok wɔ̃ko ng luumɔng ɓɔɔ vↄↄ zɔngzɔng. Shɔng ze waniting vizaanibii ɓɔↄ bɔrɔngbɔ vitaseniyi a koolapa. ¹² Viɓe ying watĩng shɔɔni wu ko, ying yike nɔ ang sɔng kpãare nↄ, ying aa nↄ a mɔngɔreniyi ɓɔɔ a yee gãayãayi, ying waare nɔ a kpantiyi ɓɔɔ gomnayi watĩng aru N rĩng. ¹³ Ɓi wu ko ng aa nɔ dɔ̃rɔng vishãngni tɔ̃ɔving. ¹⁴ Arugoko nɔ sɔ̃reyãa shãngni a nↄ sĩngsĩng ni nↄng gonte nɔ bii ɓa aru nↄ kↄↄ nↄ yuu ɓa a tĩng, ¹⁵ aruviya N aa nↄ ruuyi ɓↄↄ kpɛ̃ɛni aruɓe nɔ shↄngpongyi yii daa kpaa dɔ̃rɔng shiini ɓa kɔ yii zenung nɔ wũnteni ɓa. ¹⁶ Vileseni wu ko nɔ yejaayi, zũngwayi, nↄ shↄngbiyi, ɓↄↄ wesangwayi ying vɔ̃ng a nↄ yuu ang sɔng nung nↄ shↄng gãasiyi vɔɔ. ¹⁷ Shɔngzengyi walikãng ying ɓɛ̃ɛ nɔ aru N rĩng. ¹⁸ Vizeni wu ko nↄ sisiyu ɓɔɔ goro daa lese ɓa. ¹⁹ Ni nↄ maanisĩngsĩng nↄng kpaa nɔ surubiyi. ²⁰ "Alaɓe nↄ na ze ye shɔng kĩngte Urushelima ye ni sojaayi, alaɓi ko nɔng too ni wu diki yaani tuyee kpaaye. ²¹ Alaɓi ko shↄngɓe yii a Yahuda yii yuu yii wa kɔpɔyi, shↄngɓe yii a ɓundang yii daa mɔng ɓi, shↄngɓe yisi a kaati koo yii na ɓoo vusu ɓundang ɓa. ²² Aruviya ɓemi ɓi diki kↄngsenign, aruɓe viɓe shↄng binkeyi walikãng daa waa ɓatata ɓe. ²³ Ɓivi nugn kɔ̃ngni sooye ɓe yii jaa a yato ɓɔɔ shↄngɓe yii dong aa jaa ming a dikiwayi. Aruviya shɔng kpaa bɔrↄngbɔ yuyↄreni a vusu tipi, ɓɔɔ rãanign a shↄngzeng ɓemiyi yuu. ²⁴ Ying wete a yãa yewa, shɔng sɔɔ maayi dɔɔ a dĩngre saka shɔng waareyi yãakooyi walikãng, shɔngɓe yidezelaɓa ying naale Urushelima ni dɔɔ wuwa laɓe yii daa sɔ̃reyãa ɓe. ²⁵ Shɔng ze vitaseni a vusu la, a vusu shele, ɓↄↄ a vusu sɛngyãayi, ɓɔɔ tɔti a vusu koodanga. Yãakooyi walikãng ying wɔ̃ng a vusu kpãreeni, ying yɔreyu aruviya mɛɛ wapɔ ng kaayãa wu sɔɔ wũngremɔng. ²⁶ Shↄng kpaa veeyeyi ɓe ying vↄɔle aru zaani ɓɔɔ gnshĩngni ɓee viɓeyi daa ɛ a yuu koodanga ɓe. Aruviya kaaka ɓee koolapa ng zite kɔtɔ. ²⁷ Alaɓiko ying ze Jaa Shↄngzeng teni a vusu yãasi ni kaaka ɓↄↄ bɔrↄngbɔ bongseni. ²⁸ Vizeni wu ko alaɓe viɓemi yii na de watĩngni, nↄ yupa nɔ sɔɔ peng yuu, aruviya nɔ kpengseni kpaaye maani.” ²⁹ Yeso gãale yii yãagani ni, "Mile lasĩngri ta, ɓɔɔ gãasi layi walikãng. ³⁰ Alaɓe yina de kese yuu ni, nɔ ze ni nɔ yuu nↄ sɔɔ too ni kpɛɛ kpaaye maani. ³¹ Jɔ ananko, alaɓe nↄ na ze viɓemi ye de watĩng ni, nↄ too ni Laa roonikpanti kpaaye. ³² Nungoko N gãale nↄ, laakoo ɓemi daa tuuke ɓa naɓa viɓemiyi walikãng yii watĩngye ɓa. ³³ Koolapa ɓɔɔ koodanga ying tuuke a kaati, vizeni wu ko N ruushãngni daa tuuke ɓa. ³⁴ Vizeni wu ko nↄ kɔɔ nɔ yuu, aruɓe nↄ sĩngsĩng daa kpite ɓa ni ɓoonivi vɛ̃ɛni ɓↄↄ riseni yuu ni ɓooniviyi ɓɔɔ yɔreniyu a yuu vikoodanga ɓa, aruɓe dikiwa daa sɔɔ kpaa nɔ bii ɓa ɓanijangɓaseni ɓa ³⁵ ana jang. Aruviya ng ɛ a shↄngɓe yii wɔ̃ng walikang a watĩng koodanga yuu. ³⁶ Vizeni wu ko nↄ wɔ̃ng ni zeni dikidi, nɔ gɔ̃ↄrelaa aruɓe nↄ daa wɔ̃ng ni kaaka nɔ kpaa dɔ̃rɔng kpɛngni a yuu viɓe ying watĩng ɓe, ɓɔɔ tɔti aruɓe nɔ daa zenung shiini a Jaa Shↄngzeng watĩng. ³⁷ Arugoko mantevi ni la a vusu mɔngɔ̃ɔrenilaa, sɔɔ kee gaa ni zii a waa wɔ̃ng a yukɔpɔ ɓe shɔng ɓaani Olivi. ³⁸ Shɔngzengyi walikãng yii kee ni gandi ziɓini aruɓe yii daa tãa wu a mɔngɔ̃ɔreni.