¹ Yeso sɔɔ gãale wu jaadↄↄyi ni, "Nungoko shɔng kpaa tara kↄseni dↄↄ kɔtɔ, ɓi vi nugn kↄngni shↄngɓe ni wu bii ko viɓi daa ɛkeǃ ² Ing wɔ̃ngse wu ɓatata shↄng maase wu tara rɛɛ a tuu shↄng sɔɔ loke wu a yoo wapo ɓe daa shĩng ke jaa kpatakpa ɓemiyi goro yii kↄse dↄↄ ɓe. ³ Kɔ mↄ yuu ta, zũngwa na pele ruvĩni ye, mↄ gɔ̃ↄ wu shoo, na sɔɔ kɔse ye, mↄ yaase wu ruvĩni. ⁴ Na pele mↄ ruvĩni ye ya nawa tati a diki, kɔ wa ya nawa tati a sɔↄ zuse mɔ bii, a shãngni, 'N kɔse ye, mɔ yaase wu ruvĩni. ⁵ Jaa rɔɔniyi yii gãale Daayere ni, “Shãngshe wo gnshĩngni ta." ⁶ Daayere shãngni, 'Kↄ nɔ gnshĩngni ani ana jenung musuta, mↄng zenung gãale ni la nɔri ɓemi kɔtɔ, 'Zɔ̃ↄta amɔng, mↄ sɔɔ waa mɔ shↄↄ a wapo,' ing sɔng dũng mↄ yãa shãngni. ⁷ Ɓe we a nↄ titi, ɓe wu jaashoni ani ɓe ing Lang gong kɔ ing gaa mɛrɛ, daa gãale wu kɔtɔ alaɓe na zuse ye a gaa, 'Ɛta ɓani jang ɓaseni ɓa mɔ wɔ̃ng a tipi mↄ shaa vishang weya? ⁸ Daa gãale wu ɓa shɔɔni ni, 'Gonteng viɓↄↄ ta N shaa, mↄ sɔɔ maa soozũng a farabi mɔ sɔɔ peleng shoni wu waa laɓe N daa sɔ̃ɔre yãa vishang shaani ɓɔɔ booni. Alaɓini ko mↄng sↄↄ shaa mↄ sɔɔ boo jɔ'? ⁹ De dↄↄre jaashoni ɓi ɓa aruviya pele viɓe shↄng shĩng wu pele ɓe, daa pele kɔtɔ ya? ¹⁰ Nↄ jↄ ananko, alaɓe nɔ na sɔ̃ɔre yãa viɓe shↄng tↄↄni nɔ pele ɓe, nↄ tↄↄni, 'Wↄ ɓa jaashoniyi tɔ̃ↄving ɓa. Aruviya wo pele viɓe likɔtɔ wo pele ɓe”. ¹¹ Ɛke alaɓe wu a dɔ̃rↄng waani Urushelima a sↄↄ dũng nungɓɛlɛ tipi Samaria ɓↄↄ Galilii. ¹² Alaɓe ɓoo vusu jekoo ɓↄↄ, amɔng wa ko shↄng vibiyi kop yii kɔse ni wuni. Yii shii fefe ni wuni ¹³ a sɔɔ peng yiri yãa ni kaaka! a shãngni, "Yeso, yubɔrↄ, tãa wↄ nugn kↄ̃ngni ta. ¹⁴ Alaɓe ze yii ye, a gãale yii ni, waata nɔ tase nɔ yuu a firisiyi bii. Alaɓe yii de waani yii kpaa sɔkeni. ¹⁵ Alaɓe goro a yii titi ze ye wu bii gante ye, a zuse, ni kaaka yiri yãa a aa Laa bongni. ¹⁶ A wete ni watĩng a Yeso dↄↄ, a aa wu dↄↄreni. Hãmi wu sii ɓi shɔng Samariya. ¹⁷ Alaɓi ko Yeso shãngni, “Ɓa shɔngzengyi kop shɔng sɔɔke yii ɓa ya? Gãasi nuko ɓɛ̃ɛgoro yii weya? ¹⁸ Shↄng ɓↄↄ tɔ ɓa ɓe zuse aru wu aa Laa bongseni ɓa ya, na ɓa foo goro mi ɓa?" ¹⁹ A gãale wu ni, Yupata, mɔ waayi, mↄ shĩngni gn gante mↄ ye." ²⁰ Shↄng Farisayi yii yɛ̃ɛ wu ni Laa roonikpanti da ɛ a la weya, Yeso koseyi a shãngni, “RooniKpanti ɓee Laa daa ɛ ɓa ni shĩngni nung ɓatata ɓa” ²¹ Kɔ shɔng daa shãng kɔtɔ ni, 'Zepĩn, wu ko mi, 'Wu ko waǃ' Aruviya zepĩn, roonikpanti ɓee Laa a nɔ titi.” ²² A gãale wu jaadↄↄyi ni, "Diki teni ɓe nↄ daa ɓee ke nↄ ze Jaa Shↄngzeng wu dikiyi, vi leseni wu ko nↄng ze ɓa. ²³ Alaɓi ko ying gãale nↄ ni, 'Ze, mↄngwa taǃ Ze, mↄng ɓemi taǃ. Nↄ na ke ɓa kɔ nↄ yuu a yii tũmpu ɓa, ²⁴ anaɓe ɓenkeni ɓenke kpɛ̃rɛ̃rɛ̃ alaɓe na ɓeng ye a kaa lapa ɓɔɔ wu sɔɔ waa kaa lapa ɓɔɔ, ananko Jaa Shↄngzeng ing wɔ̃ng a wu diki. ²⁵ Vi leseni wu ko shↄↄni N ɓoo vi kpaareni vɛ̃ɛni shɔng laakoo mi yii sɔɔ ɓɛ̃ɛ wu. ²⁶ Anaɓe watĩng a Nuhu dikiyi, jɔ ananko daa sɔɔ watĩng a Jaa Shɔngzeng diki. ²⁷ Yii shaake, yii ɓoo ke, a pele gɓare, ɓɔɔ ani gɓare a wa diki ɓe Nuhu ɓoo vuzu tuusi-mɛɛ tuvĩng sɔɔ ɛke a dose yii walikãng. ²⁸ A dɔ̃rɔng gorong ko, anaɓe watĩng ke a Lotu wu dikiyi-yii de shaani ɓɔɔ ɓooni, yii de wooni ɓɔɔ maaleni, yii de ruu vini ɓɔɔ maani yee. ²⁹ Vi leseni wu ko a diki ɓe Lotu yaa Sodom, shɔng sãa mɛɛ yaa ɓɔɔ nung yaa a lapa a sɔɔ dose yii walikang. ³⁰ A tũmpu dɔ̃rɔng gorong ko ing wɔ̃ng ananko a diki ɓe shɔ̃ng tase Jaa Shɔngzeng. ³¹ A diki wa shↄngɓe wu a lapa jaka wu na lɔɔ ɓa wu kɛsɛ wu viyee a gaa ɓa, ananko jɔ shɔngɓe wu a kulu na zuse yee ɓa. ³² Ye nugn ta ni Lotu soo. ³³ Shↄngɓe na kase ke wu kpesengse wu surubi ing kpaa ɓa, shɔngɓe na sɔɔ lese wu surubi ye ing kpengse wu kↄtↄ. ³⁴ N gãale nↄ, a zii wa shↄng kpaa shↄngzeng ziti ying roo a yuu kɔngsi goro. Shɔng too goro, shↄng sɔɔ yaa goro. ³⁵ Shɔng kpaa sooye ɓↄↄyi ziti ying nang zee a yãawe. Shↄng too goro ɓɔɔ, shↄng sɔɔ yaa goro ɓɔɔ. ³⁶ Shɔng kpaa shↄngzeng ɓɔɔyi ziti a kulu shↄng too goro ɓɔɔ, shɔng sɔɔ yaa goro ɓↄↄ. ³⁷ Yii yɛ̃ɛ wu ni, 'Amↄng ɓe we ya, Dayere? A gãale yii ni, "Mↄngɓe gɓɔli ani ɓe jãashaavↄyi yii mↄↄ a mↄng ɓi ko a yãawe.