¹ Watĩng a diki wɔkeni bↄↄ, alaɓe ɓoo goro yubɔrↄ Farisayi ɓↄↄ vusu yee aru wu shaa bubula, yii shĩngshe wu nung a bii dɔrɔrɔ. ² Zepĩn, amɔni shɔng vↄɔ ɓↄↄ ani ɓe kpãare vɔɔ dↄↄ ni naa nↄleni. ³ Yeso yɛ̃ɛ shↄngzeni ruudani ɓee shɔng Yahuda ɓɔɔ shↄng Farisayi, "Ɓi rudani shɔng gante shɔng a diki Wɔ̃keni ya, kɔ ɓa? ⁴ Yii wɔng sĩngsĩngsĩng. Yeso sɔɔ yii wu, a gante wu ke, a sɔɔ vaase wu yaa. ⁵ A sↄↄ gãale yii ni, "Ɓi we anↄ titimi ɓe wu jaa ani kɔ wu jaalakoropi na wete ye a toomɛɛ a diki Wↄkeni daa kese wu ɓa ɓani jang ɓaseni ɓa viya?" ⁶ Yii de zenung wu koseni yãa ɓↄↄ ɓa aru viɓemiyi ɓa. ⁷ Alaɓe Yeso ze viɓe shↄngɓe shↄng ɓaa yii yãa ying rɔɔ ladɔng ɓee bɔrɔ, a shãngshe yii yãagani, a gãale yii ni, ⁸ "Shↄngɓↄɔ na ɓaa nↄ yãa ye amↄng gbare bii tɔ̃reni, nↄ na wɔ̃ng ɓa a mↄng ladɔng bɔrɔ ɓa, aruviya shↄng naa sii ɓaa shɔngɓↄↄ yãa ɓe jãa mↄ kↄtↄ ni bɔrɔ. ⁹ Alaɓe shↄngɓe ɓaa nↄ yãa zĩngzini na ɛ ye, ing gãale mↄ ni, 'Yupata mↄ yaase shↄng ɓemi mↄng wɔ̃ng ɓemi,' ni yusɛ̃ mɔng waa wɔ̃ng a ladɔng ɓe tɔkɔlɔng. ¹⁰ Alaɓe shɔng na ɓaa nↄ yãa ye a mɔng shaani vishãng tɔ̃reni bii, mɔ waa wɔ̃ng a Ladong tɔkɔlɔng, aru alaɓe shɔngɓe ɓaa mɔ yãa na ɛ ye, daa gãale mↄ ni, 'Masang, wɔ̃ngta a ladong bɔrɔ,' Amɔng ɓi ko mɔng kpaa bongni a tĩng shɔ̃ngɓe yii wɔ̃ng a yuu teburu ni mɔni ¹¹ Aruviya shↄngɓe na bongse wu yuu ye, shↄng loore wu ni dii, shɔngɓe na sɔɔ roore yuu ye shɔng bongse wu. ¹² Yeso sↄↄ shãngshe shɔngveeye ɓe ɓaa wu yãa ni, "Alaɓe mɔ nang aa shↄng vishãng tɔ̃reni bii, mↄ na ɓaa ɓa mɔ wosangyi kɔ zũngwayi kɔ mↄ shↄng bii yii kɔ mɔ shↄng yãakasi yee ɓe wu shɔng vina, aruviya yii daa ɓaa mↄ yãa jↄ yii kↄngse mɔ nung, mɔng sɔɔ te viɓe mɔɔ aa yii ɓe. ¹³ Alaɓe mↄ nang aa shɔng vishãng tɔ̃reni bii, mↄ ɓaa shɔng rangyi, shↄng dↄↄ ɓa yii, shↄng dɔɔ ɓaniyi, ɓɔɔ shɔng nung gbãatiyi, ¹⁴ mↄng sɔɔ kpaa zuuku kɔtɔ, aruviya ying zenung mɔ shoreni ɓa. Aru shɔng shore mɔ a diki yunipaa ɓee shɔ̃ng yato bolongboyi." ¹⁵ Alaɓe shɔng goro ɓe wɔ̃ngni Yeso a teburu tãa ruuɓemiyi ye walikãng, a gãale wu ni, "Zuuku ɓi shɔngɓe ing shaa bubula a roonikpanti ɓee Laa” ¹⁶ Yeso sɔɔ gãale wu ni, “shↄngɓↄↄ gonte bɔrɔngbɔ vishãng shaani ɓee gbare a sɔɔ ɓaa shↄng vɛ̃ɛni yãa. ¹⁷ A la vishãng shaani, a shong wu jaashoni wu gãale shɔngɓe ɓaa yii yãa, 'Nɔ ɛ ta, aruviya shɔng gonte mɔng ye ɓatata. ¹⁸ Yii walikãng yii gaa ani yãa bii raani, shɔng shɔɔni gãale wu ni, N woo tipi, vi ɓɔɔ ɓa ɓe daa zãreng waani N ze ɓa. Ɓɔngɓɔng yaasɛng dɔ̃rɔng. ¹⁹ Goro ɓɔɔ shãngni, 'N woo napo langni mↄng yãa gbaa maani; N kase N waa tãa yii zɔng langni mɔng. Ɓɔngɓɔng yaasɛng dɔ̃rɔng.' ²⁰ "Shↄngveeye ɓↄↄ shãng ni, 'N dong maa gbare kↄtↄ, Arugoko N daa zenung ɛni ɓa.' ²¹ Jaashoni ɓi ɛ a gãale wu yubɔrɔ viɓemiyi, Alaɓi ko yubɔrɔ yee ɓi lese yato a sɔɔ gãale wu jaashoni ni, 'Waa dɔ̃rɔng jaayi ta ɓɔɔ bɔrɔ yuu dɔ̃rɔng ɓe tipi ni dɔɔni mↄ waa ɛse shɔng rangyi, ɓɔɔ shɔng dɔɔ ɓayi, ɓɔɔ shɔng nung gbãatiyi, ɓɔɔ shɔng dɔɔ ɓaniyi ta a mɔng,'. ²² Jaashoni ɓi shãng ni, 'Yubɔrɔ, N pele viɓe mↄ kɔseng yaa aru ni ye, ni ɓemi walikãng gãasi jaaka dong yaa ani.' ²³ Yubɔrɔ ɓi gãale jaashoni ɓi ni, 'Waata a yuu dɔ̃rɔng bongyi ɓɔɔ kati katiyi mɔ sɔɔ shĩng yii ɛ gbali gbali, aruɓe N yee daa yii ɓe. ²⁴ N Aruviya N gãale nɔ, shɔngɓɔɔ ɓa goro a titi shɔngɓe N ɓaa yii yãa daa tãng vishang a yãa ɓa.'" ²⁵ Hãmi mɔɔ vɛ̃ɛni yising waa ni wu ni, a sɔɔ raa nung a gãale yii ni, ²⁶ "Shↄngɓe na ɛ N bii ye na de sɔɔ bɛ̃ɛ yeɓi, yĩngɓi, wu soo, jaa yi, zũngɓiyi ɓↄↄ naaɓiyi, ɓɔɔ wu surubi ɓa, daa zenung wɔ̃ngni N jaadↄↄ ɓa. ²⁷ Shↄngɓe na daa too wu la jisheni ɓa wu sɔɔ dũng ɓa, daa zenung wɔ̃ngni N jaadↄↄ ɓa. ²⁸ Aruviya ɓi we a nↄ titi ɓemi ɓe kase ke wu maa jaaka lapa daa wɔ̃ng ɓa shↄↄni wu sɔɔ gãa viɓe daa too ɓe kɔ viɓe kase ke waa ye ɓatata ya? ²⁹ Na ɓa ananko ɓa, alaɓe na loo tung ye de sɔɔ zenung ɓa wu sɔ̃ↄre yãa ɓa, shↄngɓe yii na ze ye walikãng ying gaa wu baaseni, ³⁰ ni, 'Shↄngveeye ɓemi gaa jaaka maani ye de zenung sɔ̃ↄreni yãa ɓa.' ³¹ Kɔ ɓi kpanti ɓe we, alaɓe ing waa wu tãase ni kpanti ɓɔɔ a taani sii, daa wɔ̃ng ɓa shↄↄni wu te yãa shãngni aru kɔ daa zenung kↄtↄ wu taasi ni wu shↄngzeng labong kopi ni a yuu kpanti ɓe ɛ wu yuu ni shↄngzeng labong bãati ni ya? ³² Na ɓa ananko ɓa, alaɓe gãasi soja na dong fefe, wu shong shɔngɓɔɔyi yii waa yɛ̃ɛ dɔɔ beeni wɔ̃ngni ɓatata. ³³ Arugoko, nↄ shↄngɓɔɔ ɓe na daa yaa wu vinaayi ɓa walikãng ɓa, daa zenung wu wɔng N jaadↄↄ ɓa. ³⁴ Tãa ɓi vi tɔ̃ɔving, alaɓe tãa na vaase ye ni wu tɔ̃ↄni ni, daa wãnke tɔti nukoviya? ³⁵ Daa wɔ̃ng tɔ ɓa vi tɔ̃ↄving a tipi ɓa kɔ wu wɔ̃ng ana pudĩngdĩng. Shↄng wↄse a gaa. Shↄngɓe wu shoo ani, wu tãa ke."