¹ Hãmi dĩngli ruu ɓe wong shãng a mↄmi wukoː Wo bɔrɔ Pirisi ani ɓe wɔ̃ng a kaa nashang ɓee ladong Yuranko a vusu koolapa. ² Wu ɓi jaadɔɔ a vusu mɔng tɔ̃ɔvĩng, nungoko tabanaku ɓee Dayere, ɓa ɓe shɔngzeng, gonte ɓa. ³ Aru ɓɔrɔ pirisiyi walikãng shɔng rɔɔyi aru yii aa vi ani ɓɔɔ vi shaareni. Arugoko liikɔtɔ shɔng aa viɓɔɔ. ⁴ Hãmi na Kirisi wu dong a Koodanga, na wɔ̃ng ɓa Pirisi ɓa kɔ pota, ɓe wɔ̃ng ye shɔngɓe yida aa vi ani ni dɔ̃rɔng ruudani. ⁵ Yii wɔ̃ng ana vi kɔseni ɓɔɔ yĩngsi viɓe yii a koolapa. Wɔ̃ng jɔ anaɓe Laa gɔ̃ɔ Muusa yuu shoo alaɓe sii de bee dɔ̃rɔng gonte tabanaku niː Laa shãng ni “Mile pĩn mɔ pele vi ɓi ɓatata anaɓe shɔng tase mɔ a yuu kɔpɔ ɓe.” ⁶ Hãmi Kirisi te tɔ̃ɔving mɔng shonni ye, anaɓe wuko tɔti shɔng gonteni ruu mani yãa, ɓe a yuu tɔ̃ɔvĩng vaaseniyi. ⁷ Aruviya yãa mani ɓe shɔɔni na ɓa tɔ̃ɔving ɓa, shɔng na de bee ɓe ziti tɔti ɓa. ⁸ Alaɓe Laa kpaa yuyɔreni ye ni shɔngzeng yini, shãng ni, "Zepĩn, diki teni- Dayere shãng- ɓe N pele polo yãa mani ni yee Isrela ɓɔɔ Yahuza. ⁹ Daa wɔ̃ng ɓa zɔng yãa mani ɓe N pele ni yebɔngɓi yii ɓa a diki ɓe N tooyi a naa a keseyi a tipi Masari. Aru yide dũng yãa mani ɓa, N de sɔɔ mile yii ɓa ni nung tɔ̃ɔving ɓa-ɓi viɓe Daayere shãng. ¹⁰ Ɓemi ɓi yãa mani ɓe N daa pele ni Isrela yee ɓe a tũmpu diki wayi anaɓe Daayere shãng ɓe. N shĩng N ruudani ayi yato, N sɔɔ binke ayi sĩngsĩng. N wɔ̃ng yii Laa, ying sɔɔ wɔ̃ng jɔ N shɔng. ¹¹ Ying mante yii shɔng kooyi tɔɓa kɔ zũngɓiyi ɓa, ni, 'Ze Daayere ta.' Aruviya yii walikãng ying zeng ke, viɓe yii shɔng tɔkɔlɔng awa shɔng bɔrɔ. ¹² Aruviya N wɔ̃ng shɔng nugn kɔngni aru yii ruvĩni, N sɔɔ ye nugn tɔɓa aru yii ruvĩni ɓa." ¹³ Ni ɓaani yãa mani ɓemi "polo," yaa yãa mani ɓee shɔɔni wu wɔng vi nanka, viɓe rii nanka ye ɓɔɔ gɓenti ye ng rĩng ɓani jãng ɓani ɓa.