¹ Arugoko hãmi, wo ya ruu gaani ɓee Kirisi wo sɔɔ watĩng a bongni. Wo na lotung ɓe yaaseni ruvĩni tɔɓa a vusu vɔɔni vipeleniyi ɓa ɓɔɔ ɓee gnshĩngni a vusu Laa, ² kↄ wo dũng dĩngli manteni aru batizimayi, shĩngsheni naayi a shɔng yuu, yunipaa ɓee vɔɔ a yusaa, ɓↄɔ ɓooreni Yori ɓe sɔ̃ɔyãaɓa. ³ Wo bibi wong pele viɓemi kɔtɔ Laa na yaa wo ye. ⁴ Arugoko kpãa kↄtↄ aru shↄngɓe sii yii nungpuuye, shɔngɓe yii sii tãa Laa anivi ye, shɔngɓe yii sii kn ye a vusu Suru Ɓolongɓo, ⁵ ɓɔɔ shɔngɓe yii sii tãa Laa ruu tɔ̃ɔving ye ɓↄɔ wu kaaka ɓee saa ɓe ng ɛ a tĩng ɓe ye, ⁶ vizeniwuko ɓi shↄngɓewe yii sↄɔ tũmpu weya-ng kpãa kↄtↄ shɔng sɔɔreyi tɔti yii yaayi ruvĩni. Viɓemi taseke yii jishe Jaa Laa ye tɔti ni yii yuu, yii sɔɔ aa wu yusɛ̃ɛ ye a gaa gbang. ⁷ Aruviya tipi ɓe ɓoo ala mɛ̃ɛ sãani ng tɛ̃ɛ a wu yuu, ɓe sɔɔ shĩng wusiyi yii rii tɔ̃ɔving aru shɔngɓe yii pele shoni a wu yuu ɓe-ɓemi wuko tipi ɓe kpaa zuuku a Laa bii. ⁸ Vizeniwuko na kese kↄɔkↄ ye ɓↄɔ koonilayi ye, ɓa tɔti vitɔ̃ɔving ɓa sɔɔ kpaaye wu lese ke. Wu sɔ̃ↄniyãa wuko shaareni. ⁹ Vizeniwuko wo zeye nungoko vii tɔ̃ɔving ani aru nɔni. mazungyi goro ɓe, viɓeyi a yuu kpengseni, kɔ ɓe wong shãngyãa ana ɓemi. ¹⁰ Aruviya Laa ɓa shↄnglakenishɔng ɓa. Daa suke nugn nↄ vipeleni ɓɔↄ kaseni ɓe nↄ tase aru wu rĩng ɓa, aruviya nↄ pele wu shↄng ɓolongɓoyi shoniyi, nↄ dong watĩng tɔti ni peleni shoni aru yini. ¹¹ Wo kase vɛ̃ɛni wuko nↄ shɔngɓeweya wu tase zɔng ani kaaka ɓemi na sɔ̃ɔyãa ɓa, aruɓe daa shĩng nɔ tenign wu wɔ̃ng nungoko. ¹² Viɓemi wɔ̃ngke aruɓe nↄ daa wɔ̃ng shↄng dɔmpa ɓa, vizeniwuko nↄ wɔ̃ng shↄng dũngni dɔɔ shↄngɓe aru gnshĩngni ɓↄɔ lemɓa ying kpaa vii vaaseniyi. ¹³ Aruviya alaɓe Laa vaase Iɓirayi, a tengse ni wu yuu, aruɓe da zenung tengseni ɓa ani shↄngɓɔɔ ɓe jãng ɓa. ¹⁴ Ang tɔni, “N tɛ̃ɛre mↄ zuuku ang amↄ pãnti ɓↄɔ mↄ shãariyi” ¹⁵ Ananko Iɓirayi kpaa viɓe Laa vaase wu ɓe alaɓe gani lemɓa. ¹⁶ Shↄngzeng yii tengse ni shↄngɓe jãayi ɓe. A tumpu ɓi yii na leseye ɓe yii tengseni wɔ̃ng ana sɔɔreni yãa. ¹⁷ A laɓe Laa kase ke wu tase a gaa gbang shɔngɓe yii wu jaa rooni ladong ɓe shↄng vaase ɓe, wu ruɓe kↄↄse ɓa ɓe, tengse aru wu yuu ɓini ani tengseni. ¹⁸ Pele vimi aru vii zit mi ɓe shↄng kↄɔse ɓa --aruviya kpã kɔtɔ Laa wu lakeyãa,-- wo shɔngɓe wo kpaa mↄng vↄ̃ni mi, wo wↄ̃ng ni anizɔng a viɓe wo shingn ani mi. ¹⁹ Wo gn shini mi, ɓi wo shↄng kↄↄreni suru, ɓe teenign, ɓↄɔ ɓee shↄng zɔng ani ɓe, wuko ng ɓosewo mↄng gini, ²⁰ mↄngɓe aru wɔkeni Yeso gaa ɓoniye a wo tĩng, a ruɓe wuko ng wↄ̃ng bɔrↄ pirisi dongdong ɓe shↄng tise wuni Malkisadi.