¹ Aruviya kɔ bↄrↄ pirisi ɓeweya, ɓe shↄng rↄↄ wu a titi shↄngzengyi, shɔng rɔɔ wu aruɓe daa pele vii aru shↄngzengyi a vusu viɓe a dɔ̃rↄng Laa, aruɓe daa aa zĩngzini viani ɓↄɔ vishaareniyi aru ruvĩniyi. ² Wuko ng dũng ɓatata ni shↄngɓe yii a vusu zekĩngti ɓↄɔ shↄngɓe shↄng lakeyi ye ɓe, aruviya wu bibi wu ɓi shɔng bii jileni. ³ Aru viɓemi ko, wu bibi shɔng shĩng wu aa vishaareniyi aru wu ruvĩniyi, anaɓe pele jɔ aru shɔngzengyi ruvĩniyi. ⁴ Shↄngɓↄɔ ɓa goro ɓe kpaa bongni aru wu yuu ɓa. Vipeleniwuko, ɓi Laa ɓaa wu yãa anaɓe shↄng ɓaa Haruna yãa ɓe. ⁵ A dɔ̃rɔng gorongko, kɔ Kirisi aa wu yuu bongni kɔtɔ alaɓe riise wu yuu bɔrɔ pirisi. Viɓepelewuko, shɔngɓe sing shãngyãa ni wuni shãngni, "Mɔ ɓing Jaa; lami N rii mɔ Daa." ⁶ Wɔ̃ng ananko anaɓe shãng a mↄngɓɔↄ ni, "Mↄ ɓi pirisi dongdong atũmpu dɔɔknni ɓee Malikizadi." ⁷ A wu dikiyi ɓee wu a gigiri bii ɓe, Kirisi aa wu yuu zĩngzini a gɔ̃ↄrenilaa ɓɔɔ gɔ̃ɔreniyi ni yãa kaaniyi ɓɔɔ mɛ̃ɛnungyi a Laa bii, shɔngɓe zenung ye wu kpengse wu a vɔɔ naa, shↄng sɔɔ tãa wu aru wɔ̃ngni zaanilaa. ⁸ Kɔ ɓe taseke wu sii ɓi Jaa, mante ke wu dũngyãa a vusu viɓe kpãare ɓe. ⁹ Shↄng riise wu shɔngdang sɔɔ wɔ̃ng, aru shɔngɓeweya ɓe yii dũng wu yãa, sɔɔ shĩng kpengseni ɓe sɔ̃ɔyãa ɓa. ¹⁰ Laa shĩng wuke wɔ̃ng bↄrↄ pirisi atũmpu dɔɔknni Malikizadi. ¹¹ Wo vii ani vɛ̃ɛni ɓe wo daa shãng aru Yeso, vizeniwuko kpãa kↄtↄ wo shãng ni dĩngli ɓe tasaye ni nɔ rii shɔng zeknntiye a tãani. ¹² Aruviya ɓe taseke hãmi nɔ na waa shↄng manteniyi ye, nↄ dong kaseke shↄngɓɔɔ wu mante nɔ ruu kpatakpa dɔɔknniyi ɓee Laa ruuyi. Nↄng bee mĩng, ɓa kn gbatara ɓaǃ ¹³ Aruviya shↄngɓeweya ɓe ɓoo mĩng ko shee wu dong shɔngɓe de kpɛ̃ɛ ɓa ni ruu tɔ̃ɔving ɓa, aruviya wu dong wejaa tɔkɔlɔng. ¹⁴ Vizeniwuko kn gbatara ɓi shↄngɓe yii nung puuye ɓee. Ɓemi yikↄ shɔngɓe aru yii kpɛ̃ɛni yii mante zeniye aru vaaseni vitɔ̃ɔving atiti vinangka.