¹ Aru wɔ̃ngni kɔvɛ̃ Kirisi kpengse wo. Arugoko, nɔ shii gatanga, nɔ na wɔ̃ng tↄɓa a kpãareni wɔ̃ngni foo ɓa. ² Mile pĩn, miko, Bulusi, N gãale nɔ nↄ na yaa ye shɔng yere nɔ shaa ye, Kirisi daa wɔ̃ng ɓa vi tɔ̃ving a laɓɔɔ a nↄ bii ɓa. ³ N shãngshe nɔ tɔti walikãng ni shↄngɓe na yaa ye shɔ̃ng yere wu shaa ye ng dũng ruudani walikãng. ⁴ Nↄ rↄɔ nɔ yuu ye a Kirisi, nɔ ɓi shↄng ɓe nɔ kpeng ni ruudani mi; nↄ tãani Laa ani tɔ̃ving tↄɓa. ⁵ Aru Suru, ni shĩngni gn, wong ga shĩngni kaka gn ɓe ruu tɔ̃ving. ⁶ A vusu Kirisi Yeso yeni shaa kɔ shaa dingli ɓa viɓɔɔ bɔrɔ ɓa, ɓi shĩngni gn ng pele shongni ni dɔ̃rɔng kaseni. ⁷ Nↄ sii kĩn ɓatata. Ɓi wee zãare nↄ dũngni ruu nungoko weya? ⁸ Vi gɔ̃ɔni sĩngsĩng mi de ke ɓa a shↄngɓe ɓa nↄ yãa ɓa! ⁹ Sɛ̃kɛ̃ goro ko lese mɛɛ. ¹⁰ N kaaka sĩngsĩng ani a Daayere bii ni nↄna lere ɓa a yuu viɓɔɔ toki ɓa. Shɔngɓe ng yɔↄrenↄ mi ng kpãare ɓooni yoori kↄtↄ, kↄ wuko weya. ¹¹ Mazungyi, nang sɔɔ waayãa aru yeeni shaa, aruvi shↄng kpãareng ki viya? Na aru waa ko shɔng zɔ̃ɔ lajisheng ni ɓe shĩng shɔng woteni ye. ¹² Aru shↄngɓe ying yↄɔre nↄ ɓe, Na ɓi N kaseni yina zↄ̃ɔ yii yuu ni gaa! ¹³ Aruviya shↄng ɓa nↄ yãa aru keseni yuu, mazungyi. Nↄ na rise nↄ keni ɓa wu wɔ̃ng dɔ̃rɔng bii ɓa; vi peleni wuko, Ni kaseni nɔ dũng wee jɔ. ¹⁴ Aru ruudani walikãng sɔ̃ɔyã a yuu ruu goro miko, "Nↄ kase nɔ shɔngkasi yee anaa nɔ yuu." ¹⁵ Nɔ nang sɔɔ yɔngke wee ang sɔɔ shaale wee, nɔ mile pĩn kiriki aru ɓe nɔ daa lese wee ɓa. ¹⁶ N gãale nɔ, Nↄ kn a vusu Suru aru ɓe nↄ daa pele viɓe sɛ̃ɛbi kase ɓa. ¹⁷ Aru viya kaseni sɛ̃ɛ bii nung bang ni ruu Suru, kaseni ruu Suru nung bang ni vi sɛ̃ɛbi. Aru yi kaare ni weeni, aruɓe nↄ daa pele viɓe nɔ kase ɓa ɓe. ¹⁸ Na ɓi Suru ng dũng ni nɔ ni, nɔ tↄɓa a vusu ruudani ɓa. ¹⁹ Hãmi vipeleni ɓe sɛ̃ɛbi yi a gaa gbangː peleni kↄng, ruu nanka, kaseni vi zɔng-zɔng, ²⁰ kaseni vi koodanga, peleni paa, nungni bang, leseni yato ni weeni, kaani gn, gɔ̃leni wee gãgã, nungni wee aru vi koodanga, bɛ̃ɛni wee, vaseni yuu, ²¹ gn kaani, ɓooni saa, peleni puru yato aru ɓooni saa, ni gãasi vi ɓemi yi walikãng. N gɔ̃ɔnɔ yuushoo, anaaɓe N gɔ̃ɔye tɛ̃tɛ̃ ɓe, ni shɔngɓe yii pele zɔng vi ɓemiyi ying kpaa Laa rooni kpanti ɓee koolapa ɓa. ²² Vizeni wuko reni Suru yiko kaseni, puru yato, wɔ̃ngni ɓatata, peleni lemɓa, tɔ̃ving taseni, peleni pãnti, ani zɔng ²³ rooreni yuu, ɓↄↄ yini yuu; ruudani ɓa a yuu zↄng vi ɓemi yii ɓa. ²⁴ Shↄngɓe yii ɓi Yeso ɓee yii jishe sɛ̃ɛbi ye ni wu kaaka ɓɔɔ wu vi kaseniyi. ²⁵ Wona wɔ̃ng a vusu Suru, wo sɔɔ kn jɔ ni Suru. ²⁶ Wona wɔ̃ng ɓa shɔng toseni yuu ɓa, ni leseni wee yato, ɓoo kaani gn ni wee ni ɓa.