¹ Mazũngyi, shↄng na yi shↄngɓↄↄ ye ni zↄng ruvĩni ɓↄↄ ni, shↄngɓe nↄ a suru nↄ sɔↄrewu a suru ɓee rooreni yuu. Nↄ kↄnↄ yuu jↄ, aruɓe nↄ daa wete ɓa a maseni ɓa. ² Nↄ too wee kpiteni, nↄ dũng ruudani Kirisi. ³ Shↄngɓe na mile wu yuu weni wuɓi viɓↄↄ, aɓe wuɓa viɓↄↄ ɓa, lakewu yuu ye. ⁴ Shↄng ɓeweya wu masewu vipeleni, wu yuu yↄↄreni daa shii jↄ awu yuu ko shee ɓe daa ta shↄngɓↄↄ ɓa. ⁵ Kↄ shↄng ɓeweya N, towu vikpiteni. ⁶ Shↄngɓe shɔng mante wu ruu wu waare ruu tɔ̃ving walikãng ni shↄngɓe mante ɓe. ⁷ Shɔng na lake mↄ ɓa. Shↄng ɓaase Laa ɓa, aruviya viɓe shↄngzeng ru ɓe daa gbaa jↄ wuko. ⁸ Shↄngɓe na ru lↄkↄ a bii, jↄ a bii ko daa gbaa dooseni. Shↄngɓe na ru lↄkↄ a Suru, daa gbaa Suru ɓe daa sɔ̃ↄyãa ɓa. ⁹ Wona vↄse bii ɓa a vipeleni ɓa, aruviya laa na tiseye wong yee too lↄkↄ kↄtↄ, wona de kake gbĩnti ɓa. ¹⁰ Anaa ɓemi, ɓe wo dɔ̃rↄng ani mi, wo pele shↄngzeng walikãng vi tɔ̃ving, yãagɓangɓang ni shↄngɓe yii wɔ̃ng a yee zↄng ani. ¹¹ Nↄ ze bↄrↄ labini ɓeng binkenↄ ni N naa pĩng. ¹² Shↄngɓe yii na kase peleni vi tɔ̃ving a bii yii de kase ɓa nↄ wɔ̃ng shↄng shaa dingli ɓa. Yii pele ɓemi aru zaani vↄↄ kpãareni jisheni Kirisi. ¹³ Ɓa shↄngɓe shɔng yereyi shaa ko shee yii kɔɔ ruudani ɓa, yii kase jↄ shɔngwu yere nɔ shaa aruɓe yidaa gↄↄre aru nↄni ɓe. ¹⁴ N daa gↄↄre ɓa kↄvɛ̃ ɓa, n gↄↄre aru wo Daayere Yeso Kirisi, ɓe Koodanga yii jishe wu aru mini, N jↄ aru koodanga. ¹⁵ Kↄ shↄngɓe shɔng yereyi shaa kↄ shↄngɓe yii shaa dingli, yiɓa viɓↄↄ ang bii ɓa, viɓe liseng ɓe wuko polo takeni. ¹⁶ Lemɓa a shↄngɓe yii pele viɓe lii ɓe walikang, wↄni ɓatata ɓↄↄ taani nugn kↄn wu wↄn ni yini, kↄ a Israyila ɓee Laa yii yuu. ¹⁷ E anaa hãmi a waatĩng shↄngɓↄↄ na kpãareng tↄɓa, aruviya N too ang bii vi zeni Yeso. ¹⁸ Pãnti wo Daayere Yeso Kirisi wu wɔ̃ng ni nↄ suru ni, mazũngyi. Ananko.