¹ Wo kase nɔ zeke, mazungyi, aru pãnti ɓe Laa a shɔng jaka Laa ɓee koo Makadoni. ² Alaɓe shɔng tãyi yãa ni bɔrɔngbɔ kpãareni, yii bòrɔ puru yato ni yii gbitingbi rang ɓe kese bɔrɔngbɔ vinaa ani vɛ̃ɛni. ³ Aruu in shang kɔtɔ nin yii ake a titi viɓe ayi naa, ni ɓe yii kaaka ani de wà ɓa, ni ani yii kaseni yato. ⁴ Yi gɔ̃ɔrewo ni singsing goro aruu dɔrɔng vaseni vina a mɔng Laa wu ɓolongɓo shɔngyi ⁵ Ɓemi de watĩng anaɓe wo sii shingn ɓa, yii ayi yuu ko shoni a Daayere bo awo bii ni Laa kaseni. ⁶ Arugoko wo gãale Titusi, ɓe watĩngye ni vipeleni, wu sɔ̃ɔre yãa vi pãnti ɓe sii gaye anɔ bii. ⁷ Aruɓe nɔ daa bong a mɔng pele ni vii walikãng-a vusu anizɔng, a shãngni yãa, a zeni vii walikãng, ni ani kaaka walikãng, ni kaseni ɓe nɔ tasewo ɓe. Arugoko nɔ kpaake nɔ watĩngye vɛ̃ɛni a mɔng pãnti peleni. ⁸ N de shãng ɓemi ɓa ni yãa danni ɓa, N shãngke aru N maanɔ kaseni yato goro ni nɔ taseni bii ɓee shɔng walikãng. ⁹ Nɔ ze pãnti ɓe a wo Daayere Yeso Kirisi bii ye. Aɓe wu shɔng vinaa, sɔɔ rii shɔng rang, aru ɓe awu rang nɔ daa rii shɔng vinaa. ¹⁰ Aruu rumi N kpɛ̃re nɔ aruɓe daa yise nɔ naa. Saa goro ɓe dase ke, nɔ de watĩng ɓa ni viɓɔ ko shee ɓa, nɔ taseke ni nɔng pele kɔtɔ. ¹¹ Sɔ̃ɔre yãa ta hami. Anaɓe nɔ ani yato ni kaseni peleni sii ani, nɔ watĩng jɔ anangko wu sɔɔyãa, nɔ Laa peleni na ani. ¹² Nɔna kase nɔ peleni vimi anami likɔtɔ, ɓitɔ vi teni. Wu wɔngta aru viɓe shɔngɓɔ wu ɓee ani, ɓa aru viɓe wu ɓee ɓa ani ɓa. ¹³ Ɓa aru wu shing rooni sĩngsĩng a shɔngɓɔyi bii, ɓɔɔ kpãareni aru nɔni wo kase wu wɔ̃ng ɓatata. ¹⁴ Nɔ vinaa ɓe shang vɛ̃ɛni hami wuko ng sɔng ayi jɔ alaɓe yi vinaa ɓa ani ɓa. Viɓeng wɔngke aruɓe shɔng wayi vinaa vɛ̃ɛni daa anɔ viɓe nɔ kase, wu sɔɔ wɔ̃ng ɓatata. ¹⁵ Anaɓe shɔng binke ke "Shɔngɓe wu vii vɛ̃ɛni de ya gãasi ɓa, shɔngɓe wu ɓee pota de kaa rang ɓa." ¹⁶ Dɔɔreni a Laa bii, ɓe shing a Titusi sĩngsĩng anaɓe shing jɔ ang sĩngsĩng aru nɔni. ¹⁷ Aruɓe de teɓa wo gɔ̃ɔreni ko shee ɓa, sɔ tase bii vɛ̃ɛni aru ruɓi. Enɔ bii ni wu kaseni. ¹⁸ Wo shongshewu a yãawe ni mazung ɓe shɔng dɔwuye a jaka Laa walikãng aru wu vipeleni ɓe waa yãa rutɔ̃ɔving. ¹⁹ Ɓa ɓemi ko shee ɓa, shɔng rɔwu a jaka Laa yii wu wɔng wo shɔng kni vipeleni ɓee ani naa pãnti, ɓe wuko tase bɔngni Daayere ni wu yuu ɓɔɔ wo vii tɔ̃ɔving. ²⁰ Wong yuke aruɓe shɔngɓɔ na kaa yãa vɔɔ ɓa aru ani ɓe wo peleɓa. ²¹ Wo shing gn wo pele viɓe lii kɔtɔ, ɓa a Daayere tĩng ko shee ɓa, wong tase a shɔng bii walikãng, ²² Wong sɔng shong mazung ɓɔɔ ni yini. Wo mawuye a dɔrɔng walikãng ɓe wo kpaa wuke ng zenung vipeleni kɔtɔ vɛ̃ɛni. Kase kɔtɔ wu pele aru wu kaaka gn ɓee ani zɔng amɔ bii. ²³ Aru Titusi, wuɓi N shɔɔ ɓɔɔ N shɔng vipeleni aru nɔni, Aru mazungyi, yii ɓi shɔng shoni ɓee jaka Laa walikãng. Yiɓi bɔngni a Kirisi bii. ²⁴ Nɔ taseyi nɔ tikiki kaseni, nɔ sɔ tase shɔng jaka Laayi viɓe shingke wong vãare aru nɔni.