¹ Shɔngɓe N kaseyi vɛni ɓe, aɓe wo vaseni mi ani, wo sɔke wo yuta a vi walikãng ɓe daa lesewo bii ni wo suru ni. Wo wɔng ni yato ɓolongɓo wo zaa Laa. ² Nɔ gonte wo jakaǃ Wode pele shɔngɓɔ ruvĩini ɓa. Wode lese shɔngɓɔ ɓa kɔ wo sha shɔngɓɔ kaaka ɓa. ³ N de shãng rumi ɓa aruu N lese nɔ ɓa. Aruu sĩng N shãng ye tẽtẽ ni nɔ awo sĩngsĩng, ni wɔng vɔɔ a yãawe, wong sɔng wɔng ni suruni a yãawe. ⁴ N azɔng ye vɛ̃ni anɔ bii, N vãareni ani vɛ̃ni aruu nɔni. N kpa maani yato ye. N puru yato ani vɛ̃ni kɔ a wo vusu kpãreni mi walik̃ang. ⁵ Aɓe wo e Makidoni, wo bii de kpa wɔkeni ɓa. Aruviya, wo kpa yuyɔɔreni a dɔɔrɔng totok ni yãa gɔngseni a gaa asɔɔ kpa zaani a vusu. ⁶ Aruviya Laa, ɓe maase shɔng ɓe yii kaaka ɓa ani ɓa sĩngsĩng, wu maase wo sĩngsĩng a eni Titusi. ⁷ Ɓa aru wu eni ko she wo kpa maani sĩngsĩ̃ng a Laa bii ɓa. Jɔ aru maaseni sĩngsĩng ɓe Titusi kpa anɔ bii ɓe. Gãalewo aruu nɔ bɔrɔ kaseni, aru nɔ yato viki, ni nɔ shingni kaaka ang bii. Arugoko N kpa yato puru ye jãakaaka ye. ⁸ Kɔ ɓe N labini shingye nɔ pele viki yato ye, N de yɔɔre yuu ɓa. A tumpu ɓi N yɔɔre yuu kɔtɔ aru N labini ɓe shing nɔ pele viki yato mi, kɔ aruɓe a la pota kɔvɛ. ⁹ Hami N kpa puru yato ye, ɓa aru ɓe nɔ wɔngni viki yato ɓa, aruu nɔ yato viki shingye nɔ yanɔ ruvĩni ye. Aru nɔ pele viki yato zɔng ɓe Laa kase ɓe, aruɓe nɔ de ɓoo kpaãreni ɓa kɔvɛ aru woni ɓa. ¹⁰ Aru viki yato ɓe e a Laa bii ese yani ruvĩini ɓe ese sɔɔreniya kpẽngseni ɓa ni yɔɔreni yuu ɓa. Viki yato ɓee kodanga, wuko ese vɔni. ¹¹ Nɔ zeni zɔng kaaka shingni gn ɓee Laa yato leseni ɓe ese anɔ bii mi. N maasenɔ ɓoni gn shingni wu taseke nɔ ruvĩni ɓa ani ɓa. N nɔ maase nɔ bongni yato leseni, nɔ zaani vɔɔ, ɓɔɔ nɔ shini yato, nɔ kaaka ani, ɓɔɔ nɔ shini sĩngsĩng aruu shɔng wu pele vi tɔ̃ɔving ɓeǃ A vimi walikãng, nɔ tase nɔ yuu ye ni nɔ ruvĩni ɓa a yuu rumi niɓa. ¹² kɔ ɓe N biinke nɔ, N de biinkenɔ ɓa aru shɔng ruvĩni ɓi ɓa, kɔ aru shɔngɓe shɔng pele wu ruvĩni, N binke aruu nɔ kaaka ani awo bii wuu kpa zeni a Laa tĩng. ¹³ Aruvimi ko shingke wo kpa maani gn. A ɓase ni wo maani yato, wo sɔɔ pele puru yato vɛni aru Titusi puru yato, aru wu suru kpa tɔ̃ɔving ni nɔni walikãng. ¹⁴ Aruu N na tase gɔɔreni ye wu bii aru mɔni, N de tãa yuusɛ̃ɛ ɓa. A ka ɓɔ, anaa vii walikãng ɓe wo shangshenɔ anangko, wo gɔɔreni anɔ yuu aru Titusi taseye nungoko. ¹⁵ Wu kaseni nɔ ani awu sĩngsĩng bɔrɔ aɓe N na yenugnye aru nɔ tãani yãa walikãng, anaa ɓe nɔ tewuke ni zaani ɓɔɔ biiyãsɛni. ¹⁶ N puru yato ani aru ɓe N azɔng ye anɔ bii.