¹ Kn ni wuni a yãawe, won gɔ̃ɔre nɔ ni nɔ na tee Laa pãnti ɓa kɔvɛ̃ ɓa. ² Aru shãng ni, "A diki tɔ̃ɔving N tãa nɔ kɔtɔ, a diki kpengseni N yise nɔ naa." Milepĩn, hami la tɔ̃ɔving ɓi tiseye. Milepĩn, hami diki kpengseni e ye. ³ Wode shingshe shɔngɓɔ tara dɔɔ kɔseni a tĩng ɓa, arugoko wode kase ɓa wo vipeleni wu sɔɔ tumpu ɓa. ⁴ Anaɓiko, kɔ a dɔɔrɔng ɓeweya wo shing wu yuu anaa Laa jaashoni a gn maani, a kpãareni, a yuu yoreni, a tãani rãng, ⁵ a ɓooni nuni, a maani dɔɔ a gãyã, a yãa gã, a vipeleni kpãareni, a zãreni nungrong zii roni, a tãni wɔ̃ko, ⁶ A kpelenkpe, a vii zeni, a lemɓa, a yiseni wee naa, a Suru Tɔ̃ɔving, a kaseni nung goko, ⁷ a rutɔ̃ɔving, a Laa kaaka. Wo visii ɓee shɔng yato ɓolongɓo ɓee kaa nashang ɓɔɔ ɓee kaa nagãng. ⁸ Wo Laa shɔng vii shoni a bongseni ɓɔɔ kpãareni, a leseni rĩng ɓɔɔ dɔɔni, anaa shɔng lakeni aɓe wo shɔng nungoko. ⁹ Wo pele vipeleni ɓe anaa shɔng ɓe de ze ɓa, aruviya wo zeye vɛ̃ni, anaa woni won vɔ kɔtɔ, a tumpu ɓi-zemiǃ- wo dongni suruni, woni shɔng kpãrewo kɔtɔ aru wo vipeleni, a tumpu ɓi shɔng de nung wo vɔɔɓa. ¹⁰ Wo pele vipeleni anaa shɔng yato viki, a tumpu ɓi wo pele puru yato dikidi, anaa shɔng rãng, a tumpu ɓi wo kpa viinaa; naa shɔngɓe viɓɔ ɓani ɓa, a atumpu ɓi wo sɔɔ kpa vii walikang. ¹¹ Wo shangshenɔ ruu nungoko walikãng, shɔng Koronti, wo sĩngsĩng puni gbãa. ¹² Wode zãre nɔ viɓɔ ɓa, nɔko nɔ zãre nɔ yuu a nɔ sĩngsĩng. ¹³ Hami, a kɔseni tɔ̃ɔving- N shãng yãa ni nɔni anaa wojaayi-nɔ punɔ sĩngsĩng tɔti gbãa. ¹⁴ Nɔ na ɓase yuɓa ni shɔngɓe yi de a zɔ̃ng ɓa. Ɓivi ɓase shɔng yato ɓolongɓo ni shɔng ɓe yii dung rudani ɓa viya? Ɓivi wɔ̃ngse mɔng tĩngri ni zeni viya? ¹⁵ Ɓi yãaɓaseni ɓewe daa ɓase Kirisi ni Beliya viya? Kɔ ɓivi ɓase shɔng zɔng ani ni shɔngɓe yii azɔng ɓa viya? ¹⁶ Ɓi yãaɓaseni ɓeweya a titi jaka Laa ni vaa ni viya? Aruviya, woko jaka Laa, anaɓe Laa shang ɓe "N wɔng a yii titi N sɔɔ kn ayi titi. N wɔng yii Laa, ying sɔng wɔng N shɔng bii." ¹⁷ Na anangko, "Nɔ keta ayi titi, nɔ sɛ̃ɛ nɔ yuu," Laa shãng. "Nɔna lii vii rĩinte ɓa, N sɔɔ tenɔ. ¹⁸ N wɔ̃ng nɔ Yerejaa, nɔ sɔɔ wɔ̃ng N jaayii," ɓi Daayere Yuranko shãng ke.