¹ Wode gaa dɔɔni yuu ni tɔti ya? Wode kase labini dɔɔni ɓe ke anɔ bii kɔ daa waa nɔ bii ɓa, anaa gãasi shɔngzeng, wo kase kɔtɔ ya? ² Nɔ biibii nɔko wo labini ani naa, ɓe shɔng binke awo sĩngsĩng; ɓe shɔngzeng walikãng yii zeye yii sɔɔ ɓaleye. ³ Nɔ taseye ni nɔko labini ɓe a Kirisi bii, wo vii taseni ɓe awo mɔng vipeleni, shɔng de binke ɓa ni mɛɛ labini ɓa, shɔng binke ni Suru Laa. Shɔng de binke ɓa a bii tara sɛɛni ɓa, shɔng binke a bii lasɛɛni ɓe a shɔngzeng sĩngsĩng. ⁴ Ɓemi ɓi kaaka ɓewo kpa a Kirisi bii a Laa waatĩng. ⁵ Wode zenung ɓa wo tɔni viɓemi ke awo bii ɓa, wo shãngni wuko, wo zenivi ke a Laa bii. ⁶ Ɓi Laa shinke wo wɔng wu jaadɔɔ ɓee polo maniyãa. Maniyãami ɓa ɓe labini ɓa, ɓi ɓee suru. Aruviya labini nung vɔɔ kɔtɔ, Suru ã shɔng Surubi. ⁷ Hami mɔng vii peleni ɓee vɔɔ--shɔng ɓile a tarayi-- eni bongseni ɓe jaa Isrela yide ze Muusa waatĩng ɓa ni yi nung derere ɓa. Ɓemi aruviya bongseni ɓe awu waatĩng, bongseni ɓe alekɔtɔ ɓe ⁸ Bongseni ɓee mɔng vii peleni suru daa wɔng nukoviya? ⁹ Ng vii peleni ɓee leseni wu bongseni ani, daa wɔng nukovi vi peleni ɓee yato ɓolonɓo ing kpa bongseni vɛɛni ɓayaǃ ¹⁰ Ananko, viɓe sii tɛ̃tɛ̃ wu bongseni ani bongseni ɓi tɔɓa a kn ni, aru bongseni ɓɔɔ ɓe jã yãa. ¹¹ Viɓe na sii dase kɔtɔ wu bongseni na a bii, viɓe wu dondong wu bongseni daa wɔng nukoviyaǃ ¹² Ɓe wɔngke wo tenign ani, wo kaakabi ani vɛɛni. ¹³ Wo ɓa na Muusa ɓa, ɓe kuke wu watĩng ni fara aruuɓe jaa Isrela yii na zewu watĩng derere ɓa a sɔ̃ɔniyãa bongseni ɓe sɔ̃ɔyãa kɔtɔ ɓe. ¹⁴ Yii sĩngsĩng lake kɔtɔ. A e diki ɓemi, alaɓe yina ɓale gbenti maaniyãa, fara kuni waatĩng ɓewa dong ani. Shɔng de zɔ̃ɔ ɓa, aruuviya a Kirisi ko shee zɔ̃ɔke. ¹⁵ Kɔ anaa lami, shɔng na ɓale ruu Muusa ye, fara waatĩng kuni kuke yii sĩngsĩng. ¹⁶ Shɔngɓe na sɔ Laa bii ye, fara waatĩng kuni waa shɔng too ye ni kati. ¹⁷ Hami Daayere ɓi Suru. Mɔng ɓe Suru Daayere ani, yaanibii ani. ¹⁸ Wo walikãng hami, ɓe wo wating ɓa kuni ɓa, ze Daayere bongseni ye. Shɔng kɔse wo ye a vusu bongseni ɓee maani a sɔɔ waa ɓɔɔ, anaa ɓe Daayere,ɓi wuko Suru.