¹ Arugɔko ng lere N enɔ bii tɔɓa ni viki yato ɓa. ² N na shing nɔ viki yato ye, ɓiwe daa shingke N pele puru yato weya naɓa shɔngɓe ng shing wu viki yato ba? ³ N binke nɔke aruɓe N na enɔ bii ye N daa kpa kɔngni gn ɓa a shɔngɓe yiko daa ang puru yato. N teni gn ani anɔ bii, aruuviya N puru yato ni nɔ ɓee ni goro. ⁴ Aruɓe in binke nɔ ni bɔrɔngbɔ kpãareni, ni viki yato ɓɔɔ mɛnung vɛni. N de biinke nɔ ɓa aruɓe nɔ daa kpaa viki yato ɓa. Aruviya, N kase nɔ zeke nɔ kaseni bong kɔtɔ ang bii. ⁵ Shɔngɓɔɔ na ese viki yato kɔtɔ, de ese ɓa aruu miko goro ɓa, a kaa ɓɔɔ -- ɓa ng yɔrenɔ - nɔ walikãng. ⁶ Kpãareni ɓee shɔng shɔngwa mi, tiseye anangko. ⁷ De litɔɓa nɔ kpãare wu ɓa, nɔ yasewu ruvĩni nɔ sɔɔ maasewu sĩnsĩng. Nɔ pele vimi aruuɓe wɔng ni viki yato daa jãwu kaaka ɓa. ⁸ Arugoko N gɔ̃ɔre nɔ, nɔ tasewu kaseni a gaa gbang. ⁹ Ɓemi ɓi viɓe shinke N biire nɔ, N maanɔ, N sɔɔ zeke kɔ nɔ daa dũng N yãa kɔtɔ a vii walikang. ¹⁰ Nɔna yaase shɔngɓɔɔ ruvĩni ye, N yaasewu ye jɔ. Ruvĩni ɓe N yaɓe -- N na yãa ruvĩni ɓɔɔ kɔtɔ -- Ruvĩni ɓi shɔng yãase nɔ ye a Kirisi waatĩng. ¹¹ Aruɓe Shelan daa tasewo wu kpɛ̃ɛni ɓa. Aruviya wɔ nung gbãati wu kpɛ̃ɛni ɓa. ¹² Daayere pureng dɔ̃ɔrɔng kɔtɔ alaɓe N e ɓundang Tariwasa N waayãa Kirisi amɔng ɓi. ¹³ N suru bii de rooɓa aruuviya N de kpa mazung Titusi ɓa amɔngɓi ɓa. N sɔɔ yaa mɔngɓi a waa koo Makadoki. ¹⁴ Dɔɔreni vɛ̃ɛni ɓi Laa ɓee, ɓe wuko dũngni woni dikidi wo waa tĩing a vusu Kirisi. Ni wo kaabii ko tase tɔ̃ɔving pungkeni sunansusu ɓee wu zenivi among walikãng. ¹⁵ Wo a Laa bii ana tɔ̃ɔving pungkeni sununu ɓee Kirisi, a titi shɔngɓe shong kpengseyi a shɔngɓe ying lese. ¹⁶ A shɔngɓe ying lese, ɓi punkeni ɓe ke mong vɔɔ asɔɔ waa mong vɔɔ. A shɔngɓe shɔng kpengseyi, ɓi pungkeni sununu ɓe ese suru a waa suru. Ɓiwee vimi tisewu weya? ¹⁷ Woɓa anaa shɔng gãasiyi ɓe yii maale ruu Laa aru kpani saka ɓa. Vipeleni wuko, ni ɓolongɓo sĩngsĩng, wo shãng Kirisi, anaa ɓe Laa shongwo ɓe, a Laa waatĩng.