¹ N gɔre kɔtɔ, kɔ ng kpa viɓɔɓa. N ze viɓe a tĩng ɓɔɔ Laa ruu ɓe shɔng vɔ̃se a Daayere bii. ² N ze shɔngɓɔ a vusu Kirisi saa kopatu dɛ̃ro ɓe daseke wu a vusu bii kɔ ɓa a vusu bii, ɓa, N de zeɓa, Laa zeye-shong towu a lapa ɓe tati. ³ N sɔng zeye shɔngwa-wu a vusubi, ko ɓa a vusu bii ɓa, N de zeɓa, Laa zeye ⁴ -shong towu a lapa Firidausi tãa ruɓe shɔng de yase shɔngzenyi ze ɓa sɔɔ shãng ɓa. ⁵ Aru shɔngwa ko N gɔre. Na aru N yuu N gɔre ɓa, ng ɓa aru ɓe ng kaakabi ɓa. ⁶ Nang kase ye ng gɔre , N wɔng ɓa shɔng shoko ɓa, aruviya N shãngyã nungoko. N zãreng yuu gɔreni, aruɓe shɔngɓɔ daa lereɓa aru viɓe ze ang bii kɔ viɓe tãake ang yãa ɓa. ⁷ B́e daa zãreng gɔreni aru bɔrɔ bɔngni ɓe shɔng ze a tĩng, shɔng kɔkɔ ang vusubi, shɔng ang, shɔng shongni shelan wu kpãareng ke-aruɓe N daa toseyuu ɓa. ⁸ Ya tati N gɔ̃re Daayere aru vimi, aruɓe daa toseng vimi angbi feefe. ⁹ A sɔɔ gãaleng ni "N pãnti ani vɛni aru nɔni, shong kpaa kaakabi ye a mɔngɓe kaaka ɓa ani ɓa." Arugoko N gɔre aruɓe N kaaka ɓa a bii ni ɓa, aruɓe Kirisi kaaka daa wɔng ang bii. ¹⁰ Arugoko N shii aru Kirisi ɓeng N kaaka ɓa ani ɓa, a dãani, a yɔreni a kpãareni , a vusu ɓooni bonne, aru alaɓe kaakabi ɓaniɓa, N sɔng kpaa kaaka. ¹¹ N rii shɔngshoko yeǃ Nɔko shing a vimi, aru N na wɔng vii dɔni anɔ bii. Aru N ɓa shɔng tɔkɔlong a titi jaadɔɔ ɓe yii bɔrɔngbɔ ɓa, abe taseke N viɓɔ ɓa. ¹² Viɓe taseke shɔngɓi ɓi jaadɔɔ shong taseyi a nɔ titi ni tinigni, vii taseni ɓɔɔ vi naa dangn vi zani bii . ¹³ Aru nɔ ɓa shɔng tɔkɔlon a shɔng dungni gãasiyi ɓa, vi goro wuko N de wɔngɓa vii yuyɔreni anɔ bii ɓaya? Nɔ yaseng ruvĩni ɓemi ta. ¹⁴ Zepĩnǃ N kase ng ɛ nɔ bii ɓee ya tati. N de kase ɓa ng wɔ̃ng vii yɔreni anɔ bii ɓa, N de bee viɓe ɓi nɔ ɓee ɓa. N kase nɔ. Aruviya woja yii maare vii ɓa aru yejayi ɓa.Ng ɓa, yejaa yii maare aru yii jaa yii. ¹⁵ N puru yato ani vɛ̃ni aru ng ringse vii walikãng aru nɔ suru. N na kase nɔ kɔtɔ vɛ̃ni, likɔtɔ nɔ kaseng jɔ pota ya? ¹⁶ Anaɓe vimi taseke, N de yɔrenɔ ɓa. B́e taseke N kpɛ̃ɛ vɛ̃ni, Miko N yinɔ jingni yãa. ¹⁷ N rise nɔ shoko kɔtɔ aruɓe N shɔng shɔngɓɔyi anɔ bii ya? ¹⁸ N shing Titusi wu waanɔ bii, N sɔng shɔng mazungɓɔ ni wuni. Titusi tɔ́kɔtɔ ni nɔ shɔng shoko ya? Wode kn ɓa ni dɔɔ goro ɓaya? ¹⁹ Anɔ zeni a e lami walikãng wo kɔwo yuko shee ya? A Laa tĩng wo shãng yãa a Kirisi, ni ani kaakabi walikãng, mazungyi. ²⁰ N zani vɔɔ wuko N na eye ng kpaa nɔ ɓa ana ɓe N kase ɓa. N zani wuko nɔ na eye nɔ daa kpang ɓa anaɓe nɔ kase ɓa. N zani wuko yãadong ng ɓonɔ titi kɔtɔ, nung dɔɔ , leseni yato kaani gn, kaseniyuu ni lɔni, bonseni yuu, ɓo wongni ɓe de liɓa. ²¹ N zani wuko ng na zuseye, N Laa ng tosengyuɓa anɔ bii ɓa. N zani aru ng daa leseyato ni shɔng ruvĩni hãmi ni shɔngɓe yide yayi wɔngni ruvĩni ɓɔɔ ruvĩni kɔng peleni ɓɔɔ sunɔ ɓe nɔ mante mi.