¹ Nɔna wong lemɓa ni shoko, anangko nɔ pele lemɓa ye ni mini. ² N kagn ye aruu nɔ. N kanign tɔ̃ving ani aru nɔni, Ng a nɔ yãye a gbaare a vere goro. Ng sɔng a yãaye ng anɔ ana jaasooye ɓe de zee jaaveye ɓa a Kirisi bii. ³ Ng zani vɔɔ wuko, anaɓe sɔkɔ jíngle Hawawu yãa ni kpɛ̃ni, nɔ lereni daa wa feefe ni nɔ kpelenkpe ani yuu a Kirisi bii. ⁴ Na wongye shɔngɓɔ tok na ɛnɔ bii a waa yãa Yeso ɓɔɔ ye ɓa anaɓe wo waase nɔ ɓa. Nɔ na sɔɔ tee suru ɓɔye ɓa anaɓe nɔ tee tẽtẽ ɓa, Nɔ na sɔɔ tee zong rutɔ̃ving ɓɔye ɓa anaɓe nɔ tee tẽtẽ ɓa, Nɔ peng yuye ni viɓemi ni vɛniǃ ⁵ An zeni, ng ɓa shong tɔkɔlɔng a vusu shɔngɓe yii ɓayi yuu ni yiɓi bɔrɔ jaarɔkeni. ⁶ Aru ng na ɓa shɔngɓe shɔng mantewo shãngni yãa vɛ̃ni ɓa, ng ɓa shɔngɓe shɔng daa mantewo zeni viɓa. A mong walikãng, a vii walikãng wo̊ tase nɔye anangko. ⁷ Ng pele ruvĩni ɓe ng de toseyu ɓaya? Aruɓe ng waase nɔ rutɔving ɓee Laa ⁸ Ng raa jaka Laayi a tele viyiseni na ayi na aruɓe ng daa pele shongni anɔ bii. ⁹ Alaɓe ng wɔng anɔ bi, ng yɔreni sii ani ng de yɔre shɔngɓɔ ɓa. Ɓi shɔngɓe yii ɛ a Makadoki ko yii ang viɓe ng kase walikãng. Avi walikãng ng daa yaɓa ng wɔng vii yɔreni yuu anɔ bii ɓa, ng watĩng jɔ ananko. ¹⁰ Anaɓe nungoko Kirisi ang bii, ng bongseni yuu ɓemi shɔng rise yãa ɓa a kati koo Achia. ¹¹ Aruviya? Aruɓe ng de kase nɔ ɓaya? Laa zeye. ¹² Ng sɔng watĩngni ananko. aruɓe ng da zãre shongɓɔyi dɔ̃rɔng ɓeyi kaseke yii kpaa dɔ̃rɔng yii wɔng ana woko a vibe yii bongse yuu aruni. ¹³ Aru shɔngwayi yiɓi jaarɔkeni yãa lakeni yii. ɓɔɔ shɔngɓe yii pele shongni jingni yãa. Yii vɔ̃se yiyuu ni yiɓi jaarɔkeni ɓee Kirisi. ¹⁴ Ɓemi ɓa vii zanibi ɓa, aruviya, Shelan vɔ̃se wuyuu ana shɔng shongni zeni ¹⁵ Ɓii bɔrɔ vii zani bii wu jaadoyi yi vɔ̃se yiyuu ye ana jaadɔɔ tɔ̃ving.Ying kpa jɔ viɓe yii pele ɓe ko. ¹⁶ N shãng ye tɔti, shɔngɓɔ na zemɓa ni N shɔng shoko ɓa. Nɔna tɔye anangko, Nɔ sɔɔ teng jɔ ana shoko aruɓe N daa bongse yuu pota. ¹⁷ Viɓe N shãng ni bongseni yuu ɓe kaakabi mi- N shãng yãa ɓa ana Daayere shãng ɓa-N shãng ana shɔngshoko. ¹⁸ Aɓe shɔng vɛ̃ni yii bongseyuu a vusu bii, N bongse yuu jɔ anangko. ¹⁹ Aru nɔ tãa tɔ̃ving kpengseni yuu ni shɔng shokoyi, no kpɛ̃ɛ kɔtɔ ni nɔ yuuǃ ²⁰ Aru nɔ pengse yuu ni shɔng ɓe maare nɔ ye, na sɔɔ dose nɔ ye, shɔngɓi na rise nɔ shoko ye, shɔngɓi na bongsewu yuu ye, na sɔ nungmɔye a watĩng. ²¹ N shãng aruwu yusɛ ni wo kaaka ɓe woda pele vimi ɓa. Shɔngɓɔ nang shii ni kaaka-N shãng ana shɔng shoko-N shii ni kaaka. ²² Yiɓi shong Yahuda ya? N jɔ anangko, yiɓi shong Isrela ya? N jɔ anangko. Yiɓi Ibrayi jètãri ya? N jɔ anangko. ²³ Yiɓi Kirisi jaadɔɔ ya? ( N shãng yaã ana shɔng nangka) Miko ɓɔrɔ. A vusu shongni, a maani dɔɔ a gãayã, a nungni ɓe shɔng daa zenungɓa shɔng gãayi, a zeni vii vɔni vẽni. ²⁴ A shɔng Yahudayi yibi N tee shangla wa yaa maani kɔtɔ "nungni bototo kopitu nuko bɛ goro" ²⁵ Shɔng nung ni lasaka. Shɔng longni tãra. Ya tàti ng wete a vusu tuusi. N roye a vusu mɛɛ là ni zii. ²⁶ N wa zantiye vɛni, a kpãareni a vusu mɛɛ, a kpãareni a shɔngɓɔyi na. N kpa kpãareniye a mazungyi na. N kpa kpãareniye a shɔngɓe ɓa wo yãa ko ɓa na. N kpãareye a bɔrɔ ko, N kpãareye a jingti, N kpãareye a vusu yang, N kpãreye a mazungyi ɓeyi lake yãa na. ²⁷ N pele shongni ye vɛni ni kpãareni, a mɔng zii vɛni beng de roo nurong ɓa, a wɔko ni sɔtimɛɛ, N zii yãa La' ye vɛ̃ni, a vusu tãari ni bii wati. ²⁸ a vimi walikãng, ni lereni ɓe dikidi aru shɔng jaka Laayi. ²⁹ We wu kaakabi ɓa weya, N ɓa shɔngɓe wu kaakabi baya? B́é shɔng shing wuke wu wete vɛni, N de sɔɔ shaare ɓa? ³⁰ N nang bongseyu kɔtɔ, ng bongseyu a mɔngɓe ng taseke ng kaakabi ɓa. ³¹ Laa ni Daa ɓɔɔ Daayere Yesɔ, ɓe wu zuuku ani ɓe sɔnyã ɓa tingkiring, zeye N lake yãa ɓaǃ ³² A Damasiku, shɔng ladong ɓe wu a Kpanti Aritasi shingke shɔng gaa tipi Damasiku aru shɔng ying. ³³ Shɔng sɔɔ ɓoseng a vusu ɓiiti a kese wu ni yãa kaasi koo ɓi, N sɔng kpenseng yuu a wu na.