¹ Miko, Bulusi N ni N yuu, N gɔ̃ɔrenɔ, aruu Kirisi ɓe wu toseni yuu ɓa. N ɓa shɔng shãngni yãa ɓa N anɔ titi, N kaakabi ani N na a mɔng feefe. ² N gɔ̃ɔrenɔ ni, N na anɔ titi, N wɔ̃ng ɓa ni kaaka bii ɓɔɔ kaaka sĩngsĩng ni lereni ɓe N kase N wɔng ni kaaka bii ɓe N daa zãare shɔngɓe yii lereni wong kni a bii. ³ Wona sii kn a bii, wo taa sii ɓa ni wo kaaka bii ɓa. ⁴ Aru wo vii tani sii ɓa ni kaaka bii ɓa. Wo vii tani sii kaaka ani ɓe ke a Laa bii aru wu lese vi bɔrɔngbɔ. Wuko ese ruɓe shɔng janke a lere ɓa viɓɔɔ ɓa. ⁵ Wo sɔɞ lese viɓe bɔrɔngbɔ ɓeyi zãare Laa zeni. Wo to ruu mi walikãng yii dung Kirisi. ⁶ Wo sɔɔ wɔng aruɓe woda kpãare shɔngɓe yii dũng Laa yãa ɓa, ɓe nɔ dũngni Laa yãa na waye derere. ⁷ Nɔ ze viɓe anɔ tĩng mi gbang. Shɔngɓe na tɔɔye ni wuɓi Kirisi, wu sɔɔ yee nugn ni anaɓe wuɓi Kirisi shɔng, wo jɔ ananko. ⁸ N na toose yuu pota aruu wu kaaka ani, ɓe Daayere awo aruɓe daa pengnɔ ni lapa ɓani wu lese nɔ ɓa, N tãa yusɛ̃ɛ ɓa. ⁹ N de kaseɓa N disenɔ ni N labini ɓa. ¹⁰ Aru shɔngɓɔɔyi tɔni "Wu labini tɔ̃ɔving ni kaaka, wu bii jile kɔtɔ. Wu yãa shãngni de lii ɓa shɔng wu tãa ɓa." ¹¹ Ya zɔng shɔngwa yii ta yii zeke anaɓe wo shãng awo vusu labini ɓe wo naɓa a mɔni ɓa, wo kn jɔ ananko wona a mɔni. ¹² Wo ɓa shɔng tooseni yuu ɓe wo daa tase kɔ wo ɓase wo yuu ni shɔngɓe yii dɔɔ yii yuu ɓa. Arube yina maayi yuu ye kɔ yina tise yii yuuye ni shɔng gãasi, yii nung zenivi feefe ɓa ani ɓa. ¹³ Wo bibi, kɔ nukoviya, wong bɔngse yuɓa vɛ̃ɛni. Viɓe wɔng pele wuko, wong bɔngse wo yuu ɓa anaɓe Laa shingshe wo ɓe ɓa, ɓe daa waa nɔ bii walikãng. ¹⁴ Wo daa bɔngse yuɓa wu jãa kaaka ɓe wo de enɔ bii ɓa. Wo bibi wo shɔng shoni ɓee wani rutɔ̃ɔving ɓee Kirisi. ¹⁵ Wo de bɔngse yuu ɓa wu jãa shɔng gãasi ɓeyi pele shoni anɔ bii ɓa. Viɓe wo pele wuko, wo shing sĩngsĩng wuko ɓe nɔ ani zɔng de watĩngni de sɔɔ bɔngni, wo vipeleni anɔ bii daa bɔng kɔtɔ vɛ̃ɛni. ¹⁶ Aruɓe wo da waa rutɔ̃ɔving a koo ɓe ɓa anɔ bi maani ɓa, ɓani tooseni yuu aruu shongni ɓe shɔng peleye a mɔng ɓɔɔ ɓa. ¹⁷ "Shɔngɓe nang dɔɔwu yuu, wu dɔɔwu yuu a Daayere bii." ¹⁸ Aru ɓa shɔngɓe dɔɔwu yuu ko shɔng kase ɓa, ɓi shɔngɓe Daayere dɔɔwu ko shɔng kase.