¹ Haɓemi ɓing ɛni ɓee tati ɓe N ɛnɔ bii ɓe. "Likɔtɔ shong tãa yãa shãngni a shongzeng ziti kɔ tatiyi bii". ² N shãng yãa ye tɛ̃tɛ̃ aruviya shɔngɓe yii pele ruvĩni tɛ̃tɜ̃ ɓɔɔ shɔngɓe yii pele alaɓe N ɛnɔ bii ɓee yaa ziti, N shãng ye tɔti ; Alabe N na zuseye tɔti, N yayi ɓa. ³ N gãalenɔ aruɓe nɔ zee kirisi ng shãng yãa ning kaabi. De wɔng ɓa shɔng kaaka ɓa anɔ kaabi, Wu ni kaaka a nɔ bii. ⁴ Aruviya shɔng ɓawuna a là ɓa ni kaaka ɓa, wu hãmi ni suru ni Laa kaaka.Wojɔ ananko a wu bii ɓa ni kaaka ni ɓa, aruviya wɔngni wuni ni kaaka Laa anɔ titi. ⁵ Zeɳɔ yuta, nɔ zeke kɔ nɔ a gn shingni. maanɔ yuu ta. Nɔ de ze vimi ɓani aru nɔ yuu ɓaya, ni Yeso Kirisi wu a nɔ bii ɓaya? naɓa,ananko,nɔ wete maani ye. ⁶ N azongye nɔ zeye ni nɔ yuu wode wete maani ɓi ɓa. ⁷ Hãmi wɔng gɔ̃re Laa aruɓe nɔ daa pele viɓe de liɓe ɓa. N de gɔ̃re vimi ɓa aruɓe viɓe daa wɔngke ni wo daase maani ɓiye ɓa. Naɓa N ɡɔ̃re aruɓe nɔ daa pele viɓe likɔtɔ, kɔ ɓe wong zeke wo wete maaniye. ⁸ Aruviya wo de zenung peleni viɓɔɔ ɓa ayu viɓe nungoko ɓa, aru nungoko shee. ⁹ Wo puruyato ani wo kaaka na ɓa nɔ shɔng kaaka. Wong sɔng gɔ̃re aruɓe nɔ daa wɔng dang. ¹⁰ N bingke vimi alaɓeng feefe ni nɔni aruɓe N na anɔ bii N de kpãare nɔɓa aru kaaka ɓe ang naa ɓa--ɓe Daayere angke aruɓe N daa bongsenɔ ɓa ng satenɔ ɓa. ¹¹ A tumpu ɓi walikang, mazungyi, peleng puru yato, Nɔ pele vishongni ɓee kpengseni, nɔ maagn,nɔ lere zɔngo,nɔ wɔngni lemɓa. Laa ɓee kaseni ni lemɓa ng wɔng ni nɔni ¹² Nɔ jíi we yaã ni tɔ̃ving kɔseni Laa shɔng tɔ̃ving yii jinɔ yãa. ¹³ Pãnti ɓee Daayere Yeso Kirisi, Kaseni ɓee Laa, ni ɓaaseni yuu ɓee Tɔ̃ving Suru wu wɔngni nɔni walikãng.