¹ Mazungyi, nɔna azong ɓa a suruyi kɔvɛ̃ ɓa. Vi peleni wuko, nɔ maa suruyi aru nɔ zee ke kɔ yii ke a Laa bii, aruviya shɔng zeni lakeni shɔng yii keye a koodanga. ² A dɔ̃rɔng miko nɔng zee Laa Suru-suru ɓe na shãng ni Yeso Kirisi e ning gigiri bii a Laa bii, ³ suru ɓe na de sɔɔ shãng yãa aru Yeso eni ɓa de ke ɓa Laa bii ɓa. Ɓemi ɓi suru bɛ̃ni Kirisi, ɓe nɔ tãa ke da eke, hãmi eye tẽtẽ a koodanga. ⁴ Nɔ ke a Laa bii, wojaayi, nɔ sɔɔ jãwu kaaka ye, aruviya shɔngɓe anɔ vusu bii jãa ɓe a koodanga kɔtɔ. ⁵ Yii ke a koodanga; arugoko viɓe yii shãng ke a koodanga, koodanga sɔɔ tãyi yãa. ⁶ Wo ke a Laa bii. Shɔngɓe na zee Laa ye tãwo yãa. Shɔngɓe na de e ɓa a Laa bii ɓa tãa wo ɓa. A dɔrɔng ko wo ze suru ɓee nungoko ɓɔ suru ɓee yuyoreni. ⁷ Mazungyi, wo kase we, aruviya kaseni ke a Laa bii, shɔngɓe na sɔɔ tase kaseni ye ɓi Laa yewu sɔɔ ze Laa ye. ⁸ Shɔngɓe na tase kaseni ɓa de ze Laa ɓa, aruviya Laa ɓi kaseni. ⁹ Aru ɓemi kaseni Laa tasewu yuu awo bii, Laa shong wu jaa ɓe goro tinting a koodanga aruɓe wodaa wɔ̃ng aru wuni ɓe. ¹⁰ A kaseni mi, ɓa woko wo kase Laa ɓa, ɓi wuko kasewo, a shɔng wu Jaa ɓe awu yuu aru wo ruvĩni. ¹¹ Mazungyi, Laa na kasewo ana ɓemi likɔtɔ wo kase wee jɔ. ¹² Shɔngɓɔɔ de ze Laa ɓa. Wona kase wee kɔtɔ, Laa daa wɔ̃ngni woni, wu kaseni daa wɔngni kaaka ni awo bii. ¹³ Aru ɓemi ko wong zeni wo wɔ̃ngni wuni, wu bibi wujɔ ni woni, aruviya awo wu gãasi suru. ¹⁴ Wo zeye, wo sɔɔ azɔngye ni Laa shong wu Jaa ni wu wɔng shɔng kpengseni koodanga. ¹⁵ Shɔngɓe na shãng ye ni Yeso ɓi Laa Jaa, Laa daa wɔ̃ngni wuni, wu jɔ a Laa. ¹⁶ Wo zeye wo sɔɔ azɔng ye ni kaseni ɓe Laa kaseni wo ɓe.Laa ɓi kaseni, shɔng ɓe na wɔ̃ngye a wu kaseni wɔng a Laa, Laa jɔ awu vusu bii. ¹⁷ Aru ɓemi ko, kaseni wɔ̃ng ni kaaka ni awo titi, aruɓe wo tenign ani a diki ɓooni yoori, anaɓe wu wɔ̃ngi ɓe, wo ananko a koodanga ni. ¹⁸ Vɔɔ zaani ɓa a kaseni ɓa. Kaseni ɓe ni kaaka lante vɔɔzaani kɔtɔ, aruviya vɔɔzaani kn ni gɔ̃ni yuushoo. Aruviya shɔngɓe na zaavɔɔ de too kaseni ɓa ni kaaka ni ɓa. ¹⁹ Wo tase kaseni aruɓe Laa ko kasewo shɔɔni. ²⁰ Shɔngɓe na tɔɔye ni "N Kase Laa" na bɛ̃ɛ zungɓi ye, wuɓi shɔng yãa jini. Aruviya shɔngɓe nade kase zungɓi ɓe, milewu ni nung ɓe, daa zenung kaseni Laa ɓa de zewu ɓani nung ɓa. ²¹ Bemi ɓi rudanni ɓewo kpaa awu bii ɓe ko niː Shɔngɓe na kase Laa kɔtɔ wu kase zungɓi jɔ ananko.