¹ Shɔngɓe na azɔng ye ni Yeso Kirisi ɓii Laa yewu.shɔngɓe na sɔɔ kase Daa ye kase jaa ɓe yewu ye. ² Bemi ko tase ni wo kase Laa jaa yii kɔtɔː wona kase Laa ye wo sɔɔ dũng wu rudanni yii. ³ Bemi ko Laa kaseni a wo yisewu rudanni. Wu rudanni de kpite shɔng ɓa. ⁴ Shɔngɓe naɓi Laa yewu jãa koodanga kaaka ye. Bemi ɓi kaaka ɓe jãa koodanga kaaka, kɔ wo zɔng ani. ⁵ Biwe jãa koodanga kaaka weya? Bi shɔngɓe azɔng ni Yeso ɓi Laa Jaa ɓe. ⁶ Bemɓi shɔngɓe e a mɛɛ ɓɔɔ kpaaː Yeso Kirisi. De e. ɓa ni mɛɛ ko shee ɓa, tɔ ni kpaa ni mɛɛ. ⁷ Bi Suru shang rumi, aruviya Suru ɓi nungoko. vi tati ɓe tase nungoko ɓeː ⁸ Suru, mɛɛ, ɓɔɔ kpaa. Tatimi yi yãa goro. ⁹ Wona te yãashãngni ɓee shɔngzeng ye. Laa yãashãngni bɔrɔngɓɔ ko. ¹⁰ Shɔngɓe na azɔng ye a Laa Jaa shãng kɔtɔ ni wu yuu. Shɔngɓe nade azɔng ɓa ni Laa takewu ɓa ɓi shɔng yãajini, aruɓe de azɔng ɓa a Laa yãashãngni aru wu Jaa ɓa. ¹¹ Yãashani, wuko ni; Laa awo Suru ɓe sɔ̃ɔyãa ɓa, Suru mi awu Jaa. shɔngɓe na te Jaa ye wu Suru ani. ¹² Shɔngɓe wu Jaa Laa na ɓa ani ɓa wu Suru ɓa ani ɓa. ¹³ N binke nɔ vimi nɔ zeke ni nɔ Suru ɓe sɔyãa ɓa ani---- shɔngɓe nɔ azɔng a Laa Jaa ring ɓe. ¹⁴ Wo kpaa kaaka mi awu bii ni, wona gɔ̃ɔre vi ni wu kaabii, daa tãwo kɔtɔ. ¹⁵ Wona zeye ni tãwo ye ---- a viɓe wo gɔ̃ɔre ɓe - wo zeye wong kpaa viɓe wo gɔ̃ɔre kɔtɔ. ¹⁶ Shɔngɓe na ze zungɓi ɓe pele ruvĩni ɓe de waa vɔni ɓa, wu gɔ̃ɔre aru wuni, Laa daa sɔɔrewu Suru kɔtɔ. N tɔɔ shɔngɓe yi ruvĩni de waa ɓee vɔni ɓa. ¹⁷ Ruvĩni ɓɔɔ ɓe waare shɔng vɔni ani; n de tɔɔ ɓamo nɔ gɔ̃ɔre aruni ɓa. Shɔngɓe yi ɓa shɔng tɔ̃ɔving ɓa yiɓi shɔng ruvĩni, ruvĩni ɓɔɔ ɓe waare shɔng vɔni ɓa ani. ¹⁸ Wo zeye shɔngɓe naɓi laa yewu pele ruvĩni ɓa. Shɔngɓe naɓi Laa yewu yuu kɔtɔ, vĩnivĩvĩ daa lesewu ɓa. ¹⁹ Wo zeye wobi Laa ɓee, wo zeye koodanga wali jin yãa ni kaka vĩnivĩvĩ. ²⁰ Wwo a shɔngɓe wuko nungoko, awu Laa Jaa eke a awo zeni wo zeke wuko nungoko wa a shɔngɓe wuko nungoko, awu Jaa Yeso Kirisi. Bem ɓi Laa nungoko wu suru ani. ²¹ N jaa yi, nɔ yaa vaa dũni