¹ Maja kpatakpa yii ng binke nɔ vimi aruɓe nɔ daa pele ruvĩni ɓa ɓe. Shɔngɓɔ na pele ruvĩni ye, wɔ Daa ɓe da yisewo na ani, Yeso Kirisi. ² Wuko ni wu yuu wɔse wu kpaa aru wo ruvĩni, ɓa aru wo ɓee kɔ shee ɓa, ni kodanga ni walikãng. ³ Ananko a wo kpaa wo zewuke, wɔ na dũng wu rudanni ye. ⁴ Shɔng ɓe na tɔye ''N ze Laa ye'' de dũng wu rudani ɓa ɓi shɔng yãlakeni ruu nungɔko ɓani wuniɓa. ⁵ Shɔng ɓe na kɔwu ruu ye, shɔng ɓi kɔ shɔng ɓe kase Laa ɓe, awu bii wuko kaseni ɓe yato goro, ananko wɔng zeke wɔ awu bii. ⁶ Shɔng ɓe na tɔye ni wuni Laa ni likotɔ wu wɔng anaɓe wɔng ɓe. ⁷ Shɔng ɓe N kasenɔ ɓe, ɓa ruu danni polo N bire nɔɓa, N bii jɔ gbenti tɛ̃ɛtɛ̃ɛ mikɔ.Gbenti ruudanni ɓe nɔ tã mi, wukɔ nɔn tãyii. ⁸ A ɛ lami N binke nɔ rudanni polo ɓe kirisi kaseɓa, be ananko a nɔ bii aruviya tĩngri sate kɔtɔ, zeni benke mɔng ye. ⁹ Shɔngɓe na tɔye N a zeni ang bɛ̃ɛ zungɓi N wu a tĩngri a e hãmi. ¹⁰ Shɔng ɓe na kase zungɓi ye wɔng a zeni viɓɔ ng shing ɓa wu kɔse dɔɔ ɓa. ¹¹ Shɔngɓe na bɛ̃ɛ zungɓi ye wu a tĩngri kn a tĩngri; de ze mɔng be ng waɓa, aruviya tĩngri kuwu nung ye. ¹² Majaayi, N binke nɔ vimi aruviya shɔng yãse nɔ ruvĩniye aru wu ring ¹³ Yejayi N binke nɔ aruviya nɔ ze shɔng ɓe wu sii ani shoni ye. Ja jekasa N binke nɔ vimi aruviya nɔ jãa nanka mi kaka ye, nɔ wɔja yii N binke nɔmi aruviya nɔ ze Daaye, ¹⁴ Yejayi N binke nɔ vimi aruviya nɔ zewu ye, shɔng ɓe wu sii ani a labe ko sii de roo ɓa. ja jekasiyii N binke nɔ vimi aruviya nɔ kaaka ani, ruu Laa N wɔng anɔ yato, Nɔ jãa nangka mi kaakaye. ¹⁵ Nɔ na kase koodanga ɓa, kɔ viɓe a vusu ɓa. Shɔng ɓe na kase koodanga ye, kaseni Daa ɓa awuni ɓa. ¹⁶ Aruviya vii Walikãng ɓe a koodanga-- ana vii sunɔ ɓee bii ɓɔ nung ɓɔɔ nanka peleni ɓee suru--ɓa Daa bii ɓa a koodanga. ¹⁷ Kodanga mi sɔ̃ɔ yã kɔtɔ ni wu vii nanka walikãng shɔng ɓe na pele viɓe Laa kase ng wɔng ni Suru ni dongo. ¹⁸ Jaayi, ɓemi ɓi sɔni yãa ko. Ana nɔ tãa ɓe shɔng ɓe de kase Kirisi ɓa, yii tɛni, kɔ hãmi yii shɔng gãasi yii eye, alaɓi kɔ wɔng zeke ni koodanga kpa sɔni yãye. ¹⁹ Yii keye awo titi, tɛ̃ɛtɛ̃ɛ sii yii ɓa wɔ ɓe ɓa. Ana sii yii ɓii wo ɓee, na e a na lãmi yina ni woni. Aruviya alaɓe yii na keye, taseke yii ɓani woni ɓa. ²⁰ Nɔ ɓe shɔng tɔ̃ving mi sɔkenɔye walikãng nɔ ze viɓe nungoko ye. ²¹ N bire nɔ vimi, ɓa aru nɔ de ze viɓe anangko ɓa, aruviya nɔ zeye yãjini ɓɔɔ ɓa nungoko ɓa. ²² We shɔng jini yãa weya, ɓi shɔngɓe lere yãa ni Yeso wuko Kirisi ya? Shɔngwa ko, shɔng ɓe de kase Kirisi ɓa, aruɓe bɛ̃ɛ Daa ɓɔɔ Jaa. ²³ Shɔngɓɔ da bɛ̃ɛ Jaa ɓa, wu kpaa Daa ɓa, shɔng ɓe na azɔng a Jaa kpaa Daa ye. ²⁴ Nɔ bibi viɓe sii nɔ tãa tɛ̃ɛtɛ ɓe wu wɔng anɔ sĩngsĩng. Viɓe nɔ tãa tɛtɛ na wɔnye nɔ yato , nɔ bibi nɔ wɔng a Jaa ɓɔ Daa. ²⁵ Viɓemi wuko yãa vaaseni ɓe vaase woɓe Suru ɓe sɔoyã ɓa. ²⁶ N binke nɔ vimiyi aruviya shɔngɓe ying beke yii ringsenɔ ɓe. ²⁷ Ana nɔ, sɔkeni ɓe nɔ kpaa mi, wɔng anɔ bii, nɔ de kase shɔngɓɔ tɔɓa wu mante nɔ. Ana ɓe sɔkeni mi mante vii walikãng, wuko vibe anangko ɓa jingni yãa ɓa, ana ɓe mante nɔ ɓe,nɔ wɔng a wuni. ²⁸ Hãmi, jaayi, nɔ wɔng awuni aruɓe na eye wu kpawo ni kaaka, aruɓe wɔ da tãa yusɛ ɓa a wu tĩng ɓa a diki ɓe na sɔye. ²⁹ Anaɓe nɔ zewu ye ɓi shɔng tɔ̃ving nɔ shingke shɔng walikãng ɓe yii pele vii tɔ̃ving ɓe ɓi yiko wu jaa yii.