¹ Anaɓe sii a gaani ,wo taake, a zeni wo nung, ɓe wo mileke wo naa like aru ruu suru-- ² wo kpaa zeni suruye, wo kpaa zeniye wo shãngye wo sɔ waase nɔ suru ɓe sɔyãa ɓa, ɓe sii ni, Daa ɓe shɔng taasewo. ³ Vii ɓe wo zee a tãa ɓe wo sɔɔ gãale nɔ, aruɓe nɔ daa ɓaase yuni woni. Wo ɓaaseni yuu ni Daa ɓɔɔ wu Jaa, Yeso Kirisi. ⁴ Jɔ anangko, wɔng binke nɔ viɓemi yii aruɓe wo puuru yato da wɔng batata ɓe. ⁵ Ɓemɓi yãa waani ɓe wo tãa awu bii asɔɔ waase nɔ ɓeː Laa ɓi ɓengni, tĩngri ɓa wu bii ni ɓa. ⁶ Wo na tɔye wo ɓaase yuu ni wuni asɔɔ kĩng a tĩngri, wo jĩnyãye ru nungoko tɔ ɓa awo bii ɓa. ⁷ Wo nang kn a mɔng ɓengkeni anaɓe wu jɔ a ɓengkeni ɓe, wo wɔngni yãwe aning weni, wu Jaa Yeso kpaa ng sɔke wo a vusu ruvini walikãng. ⁸ Wona tɔye wo ruvĩni ɓani ɓa, wong lake wo yuu, ruu nungoko ɓa wo titi ɓa. ⁹ Wona sɔɔ shãng wo ruvini ye, wu shɔng nungoko ng sɔng sɔke wo ruvĩni walikãng. ¹⁰ Wona tɔye wo de pele ruvĩni ɓa, wo rise wu ye shɔng lakeni yãa, wu ruu tɔɓa awo bii ɓa.