¹ Hãmi aru vishãng ɓe shɔng aa nãariyi ɓeː Wo zeeye ni wo walikãng wo zeeni ani. Zeeni ɛse bongseni yuu, vizeniwuko kaseni maa shɔng kɔtɔ. ² Shɔngɓɔɔ na lereye ni zee viɓɔɔye, shɔngwaa de zee viɓe liike wu zee walikãng ɓa. ³ Vizeniwuko shɔngɓɔɔ na kase Laa kɔtɔ, shɔngwaa Laa zee wu zɔngye. ⁴ Arugoko, aru shaani vishãng ɓee shɔng aa nãariyiː Wo zeeye ni nãa ɓee koodanga ɓemi ɓa viɓɔɔ ɓa ɓɔɔ Laa ɓɔɔ tɔti ɓa naɓa goro ɓa. ⁵ Aruviya na wɔ̃ngye zɔng laa ɓɔɔyi ani, kɔ a a lapa kɔ a koodanga (Anaɓe "nãariyi" ani vɛ̃ɛni ɓɔɔ "daayereyi" ani vɛɛni), ⁶ Niɓemi walikãng Laa goro ko shee, Daa, ɓe a wu bii ko viyi walikãng ɓɔɔ aru wu ko woni surubi, ɓɔɔ Daayere goro Yeso Kirisi, ɓɔɔ ɓeni wu bii ko viyi walikãng loo, ɓɔɔ ni wu bii ko wo looke. ⁷ Niɓemi walikãng, zeni ɓemi ɓa a shɔngzengyi walikãng yii bii ɓa. Vipelewuko, shɔngɓɔɔ yii atũmpu yii dũng nãari, ɓɔɔ yii ko yii shaa vishãng ɓemi weni ɓii viɓɔɔ ɓe shɔng aa nãari. Arugoko yii lereni leseye aruviya jileye. ⁸ Vizeniwuko vishãng ng waare wo Laa bii ɓa. Wo ɓa gbalangba ɓa wo na de shaa ɓa, kɔ wo tɔ̃ɔving wo na shaaye. ⁹ Vizeniwuko no lere ɓatata aru nɔ ani naa wɔ̃ngni kɔvɛ̃ daa wɔ̃ng ɓa wu ko dĩngli shɔngɓe wu gnshĩngni tɔkɔlɔng wu wete ɓa. ¹⁰ Aruviya na wɔ̃ngye shɔngɓɔɔ na zee mɔye, ɓe wu zeni ani, ng shaa vishãng a nãari jaaka. Wu lereni ɓee kaaka ɓa de kpaa kaaka ɓe daa shaa viɓe shɔng aa nãariyi ɓaya? ¹¹ Arugoko aru nɔ zeni a yuu viɓe nungoko ɓee nãariyi, shɔngɓe wu kaaka ɓa, shɔngɓe aru wuko Kirisi vɔɔ, na leseye. ¹² Hãmi, alaɓe nɔ na pele zũngwayi ruvĩniye ɓɔɔ nɔ sɔɔ leseyi lereniyi ɓe kaaka ɓa ye, nɔ pele Kirisi ruvĩniye. ¹³ Arugoko, vishãng na daa shĩng mazũng kɔtɔ wu kɔse dɔɔ, N shaa wɔɔpɔ tɔɔɓa, aruɓe N daa shĩng mazũng ɓa wu wete ɓa.