¹ Wo tãayãaye ni shɔng peleni kɔng ani a nɔ titi, zɔng kɔng ɓe shɔng de daa shɔngɓe yii dũng la ɓa yii pele a yii titi ɓaː Shɔngɓɔɔ too yeɓi soo. ² Nɔng gɔɔre bii yaǃ De liiɓa nɔ pele vikiyato ɓaya, aruɓe shɔngɓe pele viɓemi shɔng daa kese wu a nɔ titi ɓaya? ³ Aruviya kɔ ɓe N ɓa nɔ titi ɓa a vusu bii, N ni nɔni a vusu suru. N ɓoore shɔngɓewa yooriye tɛ̃ɛtɛ̃ɛ, anaɓe nang sii a mɔni. ⁴ Alaɓe nɔ na museyuye a titi wo Daayere Yeso rĩng N ni nɔni a vusu suru. ɓɔɔ kaakana ɓee wo Daayere Yeso wu amɔni. ⁵ Nɔ daa shɔngveeye ɓemi ta a Shelan naa aru lese wu vikaseni bii, aruɓe wu suru daa kpeng a Daayere diki. ⁶ Nɔ gɔɔreni de liiɓa, nɔ de zee ɓa ni yisiti tɔkɔlɔng raa vusu bubula walikãng ɓaya? ⁷ Nɔ sɔɔke nɔ yuu ta a nɔ gbengti yisiti aruɓe nɔ daa rii vii weni polo, ɓe yisiti ɓa a vusu ɓa, anaɓe nɔ wɔ̃ngni tase ɓe. Aruviya Kirisi, wo Mɛrɛ Tuukeni, shɔng aa wu ana vishaareni. ⁸ Arugoko wo tɔ̃ɔrebi ɓe ɓele, ɓani gbengti bubula ɓa, yisiti ɓee gbengti dɔɔknni ɓɔɔ kparɛ̃vava. Vipeleni wuko, wo tɔ̃ɔrebi ta ni bubula ɓe yisiti ɓa ɓee shãngniyãa nungoko ɓɔɔ nungoko. ⁹ N binke nɔ ang labini ni nɔna ɓaase yuu ɓa ni shɔngkɔngyi ɓa. ¹⁰ N de shãng ɓa kɔ a kaaɓɔɔ aru shɔng peleni kɔng ɓee koodanga ɓemi ɓa kɔ aru shɔngnukn, kɔ shɔngɓɔɔniviyi, kɔ shɔng dũngni nãariyi, N shãng tɛ̃ɛtɛ̃ɛ ni yii wɔ̃ng fefe ni liikɔtɔ yii ke a shɔng koodangayi titi. ¹¹ Hãmi N binke nɔ ni nɔ na ɓaaseyu ɓa ni shɔnɓeweya ɓe shɔng ɓaa wu ni zũng sɔɔ wɔ̃ng a vusu peleni kɔng, kɔ shɔngnungkn, kɔ shɔng dũngni nãari, kɔ shɔng dãani shɔngyi, kɔ shɔng ɓoonivi, kɔ shɔngɓɔɔnivi. Nɔ na shaa kɔ vishãng ɓa ni zɔng shɔngɓemi ɓa. ¹² Aruvi N daa ɓoore shɔngɓe yii ɓa shɔng dũngniyi ɓa yoori viya? Vipeleni wuko, ɓa nɔ ko nɔ daa ɓoore shɔng dũngniyi yoori ɓaya? ¹³ Vizeniwuko Laa ɓoore shɔngɓe yii a gaa yoori. "Nɔ kese shɔng kparɛ̃vava a nɔ titi"