¹ Miko ɓɔɔ, mazũngyi, wo de shãngyãa ɓa ni nɔ ɓi shɔng suru yii ɓa, vizeniwuko wo shãngyãa ni shɔng sɛ̃ɛbiyi, ana wejaayi a vusu Kirisi. ² N shaare nɔ ni ming, ɓani lakeni vishãng ɓa, aruviya nɔ sii de waa shaani ɓa; kɔ hãmi nɔ de waa shaani ɓa. ³ Aruviya nɔ dong a sɛ̃ɛbi. Aruvi gnkaani ɓɔɔ yãadong ani a nɔ titi viya, nɔ wɔ̃ngni ɓa a vusu sɛ̃ɛbi ɓaya, ɓɔɔ nɔ wɔ̃ngni ɓa ɓee shɔngzeng ɓaya? ⁴ Aruviya alaɓe shɔngɓɔɔ na shãngye, "N dũng Bulusi" ɓɔɔ tɔti ni "N dũng Apolosi," nɔ ɓa shɔngzengyi ɓa kɔvɛ̃ ɓaya? ⁵ Hami ɓi we Apolosi weya? Ɓi we Bulusi weya? jaafooyi ɓe ni yii kaa bii nɔ azɔng ɓaya, anaɓe Daayere aa wo vipeleni totok ɓe. ⁶ N ruuviye Apolosi sɔɔ aa mɛɛ ye, vizeniwuko Laa sɔɔ bongseyi. ⁷ Arugoko hãmi, ɓa shɔngɓe ruuvi kɔ shɔngɓe aa mɛɛ yii ɓi viɓɔɔ. Vizeniwuko ɓi Laa ɓe aa yii bongni ɓe. ⁸ Hãmi shɔngɓe ruuviyi ɓɔɔ shɔngɓe tɛ̃ɛ mɛɛ yii goro, shɔngɓewaya ng tee jɔ wu vidɔɔyɔni ko. ⁹ Aruviya wo ɓi Laa wesang shoniyi. Nɔ ɓi Laa guru, Laa maaniyee. ¹⁰ Anaɓe shɔng ang Laa pãnti N wɔ̃ng shɔng maanimɔng tɔ̃ɔving, N loo tung yee shɔngɓɔɔ tok sɔɔ maamɔng a yupa. Vizeniwuko shɔngɓeweya yii shĩng nung aru yii maamɔng ɓatata a yupa. ¹¹ Aruviya shɔngɓɔɔ ɓe daa loo tung mɔng ɓɔɔ tok ɓe jãa ɓe shɔng looye ɓe, wu ko, Yeso Kirisi. ¹² Hãmi shɔngɓeweya na loo tung ye ni zinari, siliva, tɔ̃ɔving tarayi, la, wusi, kɔ lapãri. ¹³ Wu vishoni ng tase a gaa, aruviya diki teni a tĩng ɓe ng tase ɓe. Aruviya ng tase a vusu yaa. Yaa ɓi ng maa tɔ̃ɔving viɓe shɔngɓeweya yii pele ɓe. ¹⁴ Shɔngɓeweya wu shoni na shiiye, N tee vidɔɔyɔni, ¹⁵ Shɔngɓeweya wu vishoni na shaareye, ng kpaa kpãare, vizeniwuko wu bibi ng kpeng kɔtɔ, anaɓe daa kpeng a yãa yaa. ¹⁶ Nɔ de zee ɓa ni nɔ ɓi Laa jaaka ɓaya ɓɔɔ Laa Suru wɔ̃ng a nɔ vusu bii ɓaya? ¹⁷ Shɔngɓe na lese Laa jaakaye, Laa ng lese shɔngɓi jɔ. Aruviya Laa jaaka ɓi tɔ̃ɔving, nɔ jɔ anangko. ¹⁸ Shɔngɓɔɔ na lake wu yuu ɓa. shɔngɓeweya a nɔ titi na shãngye ni wu ɓi shɔng kpɛ̃ɛni a koodanga ɓemi, wu riise wu yuu ta, "viwureni" aruɓe daa rii shɔng kpɛ̃ɛni. ¹⁹ Aruviya kpɛ̃ɛni ɓe koodanga ɓi viwureni a Laa bii. Aruviya shɔng binke ni, "Wu ko yiike shɔngkpɛ̃ɛni a yii vusu vikpɛ̃ɛni." ²⁰ Shãng tɔti, "Laa zee shɔngkpɛ̃ɛniyi lereniye ni ɓi vii nangka." ²¹ Aru vĩmiko, shɔngɓɔɔ naa gɔɔre ɓa ni shɔngzengyi ɓa. Aruviya vii walikãng ɓi mɔ ɓee ko. ²² Kɔ ɓi Bulusi, kɔ Apolosi, kɔ Kefasi, kɔ koodanga, kɔ surubi, kɔ vɔɔ, kɔ viɓeyi hãmi, kɔ viɓe yii daa ɛ ɓe. Yii walikãng ɓi mɔ ɓe ko, ²³ ɓɔɔ nɔ ɓi Kirisi ɓee, Kirisi wu ɓi jɔ Laa ɓee.