¹ Kɔ N shãngyaa ni rɛtɛyi ɓe shɔngzengyi ɓɔɔ ɓe Laa shɔngshoniyi. Vizeniwuko N kasenishɔng na ɓaniɓa, N wɔ̃ngye ana gongong ɓee kaakeyãa kɔ ana saka rɔngni. ² Kɔ N viani ɓee shãngniyãazeni ani ɓɔɔ tooni vivɔ̃seni nungokoyi ɓɔɔ zeni, ɓɔɔ tɔti N na kpaa gnshĩngniye ɓe ng daa zɔ̃ɔ kɔɔpɔyi. N kasenishɔng na ɓaniɓa, N ɓa viɓɔɔ ɓa. ³ Kɔ N na aa ng vinaaye walikãng aru shɔng shaare shɔngrangyi, ɓɔɔ tɔti N na ang bii ye aru shaareni. Vizeniwuko N kasenishɔng na ɓaniɓa, N de Kpaa viɓɔɔ ɓa. ⁴ Kaseni wu ko lemɓa ɓɔɔ peletɔ̃ɔving. Kaseni ɓa kaanign ɓa ɓɔɔ ɓa bongseniyu. Kaseni ɓa tooseniyu ɓa ⁵ kɔ peleni ruu nangka. Bɛɛ ɓa wu vii kaseni yuu ɓa. Lese yato ɓa, kɔ gãa ruvĩniyi ɓe shɔng pele wu. ⁶ Pele puruyato ɓa a peleni vĩnivĩvĩ ɓa. Vipeleniwuko, pele puruyato a vusu nungoko. ⁷ Kaseni tii viyi walikãng, azɔng a viyi walikãng, tegn a viyi walikãng, ɓɔɔ maagn a viyi walikãng. ⁸ Kaseni sɔ̃ɔyãa ɓa, Shɔng nang kpaa yãashãngnizeniyi kɔtɔ, Ying tuuke walikãng, shãngniyãa rɛtɛ na ani, ying zii kɔtɔ, zenivi na ani, ng tuuke kɔtɔ. ⁹ Aruviya wo zee vii kaago wu sɔɔ shãngyãazeni kaago. ¹⁰ Vizeniwuko alaɓe ɓee ɓatata na ɛye, viɓe sii de sɔ̃ɔyãa ɓa ng tuuke kɔtɔ. ¹¹ Alaɓe N sii wejaa ɓe, N shãngyãa ana wejaa, N lere ana wejaa, N sɔɔ aa dĩngliruu ana weja. Alaɓe N rii bɔrɔye, N looke vipeleni ɓee wejaayi walikãng. ¹² Aruviya hãmi wo zee ɓatata a vizeninung, vizeniwuko hãmi wating ni wating. Hãmi N zee vii kaagoro, vizeniwuko hãmi N zeeye walikãng anaɓe shɔngzeng ɓe. ¹³ Vizeniwuko hãmi vii tati ɓemi ko ying shii titikiː gnshĩngni, tenign, ɓɔɔ kaseni. Vizeniwuko viɓe jãayi walikãng wuko kaseni.