¹ Aje majwi a Angale muna Yakehu — uje chitele. Ou munu alyana mukwendeka kuli Itiyela, kuli Itiyele na Ukale: ² Buthunga bene njinapu ngwe katitu kutabakana munu woshe, cho kunjethi nacho kuthzibithitha cha bunu. ³ Kunjalilongethele maana, nambe kupwa na mangana auje wakuthzila. ⁴ Iya waile mwilu nakwilkuka? Iya wakungulwile lihunthzi mukati ka maboko endi? Iya wathzenegelele meema mumu kanjo? Iya ou natungu bishong byoshe bya kaye? Lithzina lyendi iya, cholithzina lya munendi iya? Chili bene muthzibuka! ⁵ Lijwi lyoshe lya Njambi bakalyetheka; napu ntelo kuli baje bakabanda muli ikeye. ⁶ Kethi mwakele ku majwi endi, ngochongocho akaminyanyametha, cho bakakuwana kupwa uwamakuli. ⁷ Byuma bibali njilomba kuli yobe ebi; kethi uba byanethe kuli yange thimbu kanda njithse: ⁸ Aka byuma bya ngocho na makuli kulako kutunda kuli yobe. Kethi unjane buhutu nameme bufuko, njechele lika njilye kulya echi chinapu change. ⁹ Mwafwa oshe njikala na byabingi, njikatha kukubyana nakwendeka ngwange, "Yehoba napu iya?" Nambe oshe njipwa chihutu, njikatha kwiba na kushaula lithzina lya Njambi yange. ¹⁰ Kethi ushaule ndungo kumesho a shukulu yendi, ngochongocho akakuthinga cho bakakuwanena mulonga. ¹¹ Kwakala chikota chije chikathingi ba ishe cho kuchethi kubethzikitha ba ina. ¹² Kwakala chikota chije chapwa cha kujela mu mesho abo babenya, oloni kubaba chapwa cha kujela mu mesho abo babenya, oloni kubabakushile ku mathzilo abo. ¹³ Kwakala chikota ocho mesho abo bawajundul kwilu, cho helu hamuyati bati oku biñabeyo bya mesho abo bakajundula! ¹⁴ Kwakala chikota ocho mayo abo apwa mikwale cho bimbange byabo byapwa bimoko, cho batha kunyongetha bihutu kutunda ha kaye nabaka kuthetela kutunda hakatika banu. ¹⁵ Lishinju akala na bana babanakathzi babali: "Ana na kwana," bakalila. Kwakala byuma bitatu bije kubyendekele ngwabo, "Kyeho": ¹⁶ Shiole; limo lya bumba; lifuti lije kulyethi kukuta na meema; na tuhya tukonowa kwendeka ngwabo, "Kyeho!" ¹⁷ Lisho lije likalilumbulula ishe na kusholola kulyononona kuli ina bakamutia kuli bindeba hamingulunga cho baka balya ku makubi. ¹⁸ Kwakala byuma bitatu ebi byabibwa muli yange, biwana ebi kunjethi kuthzibithitha: ¹⁹ bingila bya ngonga mwilu; ngila ya linyoka ha limanya; ngila ya mbopolo mu mbunge ya kalunga ndonga; na ngila ya munalume ali na mwanike wa munakathzi. ²⁰ Ei ikeyo ngila ya chikwithzi: akale nakuthikumuna kanwa kendi nakwendeka ngwendi, "Kunjapangele mwa bubi." ²¹ Kwithi ya byuma bitatu kaye kaka jaja, cho kwithi ya biwana kubyatha kutabela. ²² Ndungo omwo bamupwitha mwene; chilema omwo bamukutitha na kulya; ²³ munakathzi bathzinda omwo ashomboka; na ndungo wamunakathzi omwo ambata mwela wa shukwa ina wa munakathzi. ²⁴ Byuma biwana ha kaye byabi ndondo olojo byapwa bya maana manene: ²⁵ baje tulongolo bapwa tuthitu baje kubatakamene, oloni bakabwahetha kulya chabo mu ndombo; ²⁶ baje bishanda kubapwile tuthitu bakama embwe, oloni bakatungu membe=o abo mu mamanya. ²⁷ Bimbimba kubakele na mwene, oloni booshe bakende mu bimunga. ²⁸ Ngwe musulu, watha kumukwata mumaboko obe abali, oloni akawanena mu binganda bya bimyene. ²⁹ Kwakala byuma bitatu bije byapwa bya bibwa bije bikabwaheletha omwo bakende mu kwenda chabyo na biwana bije bikabwaheletha omwo bakende: ³⁰ Ndumba, watakama manene hatuthitu bamushwata — kethi kutenguluka kutunda kubyana bili byoshe; ³¹ mushosho wa ndemba, membe; na mwene ou mashwalale bakala ku yehi nendi. ³² Oshe ngwe unakala uchilema, kulijundula obe ibenya, nameme oshe ukatengulula bubi— aka liboko lyobe ha kanwa bobe. ³³ Ngwe mashwe abananinganga akapanga mbata cho ngwe majulu a munu akatuhuka maninga oshe ngwe banawathindakana, mukemo bilinga bapanga mukulubala bikatuhula kuthzunga.