¹ Munu ou atambula ku;ongetha oloni akoletha thingo yendi bakaipokola mu thimbu yakatubakana kulikanguka. ² Omwo banu babuthunga batuma, banu bakakininina, oloni oshe munu wa bubi ikeye mukakuyula, banu bateta ³ Ou woshe wathzema maana anenetha ishe kukininina, oloni ou endela hamo na bikoi anyongetha bufuko bwendi. ⁴ Mwene akatungu lifuti na kuyula chachibwa, oloni ou alomba mathzika kanwa akalibwitha hathi. ⁵ Munu alenya mukwabo anakulijalela bwanda ku myanja yendi ibenya. ⁶ Mu bubi bwa munu wa bibi muli likambwila, oloni munun wa buthunga emba na kukininina. ⁷ Munu wabuthunga atanekeya lithetha lya chihutu; munu wa bibi kethi kuthzibithitha mangana nkana. ⁸ Mukakulimbulula akabweke nganda mu tuhya, oloni baje ba maana bakatundithako matoto.. ⁹ Omwo munu wa maana akala na ñanda na chilema, akalubala na kujola, cho kukwethi kupwa kuhwima. ¹⁰ Banu bakwitila maninga bathzinda uje wakwilika mulonga na kuthetela mwonyo wamuka kulongwa. ¹¹ Chilema akanene sipilitu yendi yoshe,oloni munu wa maana akabipanga. ¹² Oshe mukakuyula aka maana ku makuli, bakabipangi bendi boshe bakababihitha. ¹³ Munu wakuyanda na muka kulyatelela mukwabo banapu bakulifwa, mwafwa Yehoba akana cheke kumesho abo boshe. ¹⁴ Oshe ngwe mwene abatwila baka kuhutw mu buthunga, litanda lyendi likakala myaka yoshe. ¹⁵ Chbaanthzi na kwolola bikana maana, oloni mwana ibechelela kutunda ku kumunyanyametha akanenetha shwama ba ina. ¹⁶ Omwo banu ba bibi bakala halitanda, kuteta chikama, olonibanu babuthunga bamona kuwa chabaje banu ba bibi. ¹⁷ Endekela munobe cho akwana kuhwima; cho anena bubwa mu mwonyo wobe. ¹⁸ Oku kukwethi kumona cha bupolofeto bana bakai chiyeyeye, oloni ou akanyungu mashiko napu wa kubethzika. ¹⁹ Ndungo kubethi kumwolola kwitila mu lijwi embwe, mwafwa nambe athzibithitha, kukwatha kukala kukumbulula. ²⁰ Unamonoko munu ou ali nawathi mu majwi endi ndi? Kuli kutalelela chakama kuli chilema kutubakana ikeye. ²¹ Ou akanyunga ndungo yendi kutunda kubukwenje, kushongo yacho kukakala bukalu. ²² Munu wa kunyengwa akendula miyoyo cho mukulunu wa kulubala akabulumuna bubi bwabwingi. ²³ Kulithziba cha munu chikamunenene hathi, oloni ou ali na sipilitu ya kulyononona baka mwana bulemu. ²⁴ Ou akendela hamo na mwithzi thzinda mwonyo wendi; athziba chithingo cho katha kwendeka nambe chimo. ²⁵ Lyoba lya munu likapnga likambwila, oloni ou akulahela muli Yehoba baka munyunga. ²⁶ Babangi banapu baje bakathetela chihanga cha muka kuyula, oloni kuli Yehoba kukatundu kubatula cha munu chachibwa. ²⁷ Munu wakujeneka buthunga napu wakushawitha kuli munu wa buthunga, oloni ou woshe wakuthungama ngila yendi napu wakushawitha kuli munu wa bibi.