¹ Cho banu ba bubu bakatewa chakujeneka nou ali nakubasheka, olni babuthunga bapwa bakuthimpa ngwe muna ndumba. ² Mwafwa a mabukalu a mulufuti, mukakala ba kakuyula babangi, oloni na munu waka thzibikitha mu mangana, mukufuti mukoloka thimbu yakama. ³ Munu wakutwa uje ayandetha bakwabo biutu napu ngwe nyonthzi ya likubula shoke ije yathethza yabihitha bya kulya. ⁴ Baje bana thethza lithiko na kushangala banu babubi, oloni baje banyunga lithiko bakalu nabo. ⁵ Munu wa bubi kethi kulinga mwa mubwa embwe, oloni uje ashaka Yehoba akathzibithitha byoshe. ⁶ Chinapu cha chibwa munu wa kuutwa uje enda mu buthunga bwendi kutubakana munu wa kufuka uje enda mu bupakupaku mu ngila yendi. ⁷ Ou woshe anyunga lithiko ikeye mwana uje akathzibithitha, oloni uje alikwata buthendo na wa kujujuka akathzibitha shwamwa ishe. ⁸ Umona munu apangetha bwana bwendi bwa bufuko na kuhakelao thotho yakama cho bufuko bwendi bukaya kuli mukwabo uje ali na ngothzi ali banu ba kuutwa. ⁹ Umona umo atengulula litwi lyendi kutunda kukuthzibithitha lithiko , nameme limbelo lyendi napanga mulonga. ¹⁰ Woshe owo atangula bakabuthunga nakubatwala mungila ya bubi cho akawila mumbulu yendi babenya. ¹¹ Munu wakufuka akalimono kupwa muka maana mu mesho endi, oloni munu wa kuutwa uje akathzibithitha akamutubakana. ¹² Omo babuthunga bahyana, kukakala kubwaelela kwa kama manene; oloni omo baka bubi ba katuka, banu bakali shandoka. ¹³ Woshe ashweka bubi bwendi kakatha kubethzika, oloni uje woshe alyana na kubuthethzha baka mumwetha ñeke. ¹⁴ Uje akayoyo thimbu yoshe na kathingimiko wapwa wakukwithula, oloni uje akakoletha mbunge yendi akawila mu bukalu. ¹⁵ Mwene uje ayandetha baka kuutwa nape ngwe kwonena chandumba nameme mbeya uje wa bukalu. ¹⁶ Mwene uje wa kwonowa kuthzibithitha wapwa muka kuyandetha manene. ¹⁷ Umona munu na lemenena na maninga a munu, cho atewa ndoo noho akatsila cho umo akamukwatha. ¹⁸ Wosho owo enda mubuthunga baka muyobola, oloni uje kuka ngila yendi ya buma kupakupa chili akawa. ¹⁹ Uje apanga mu lihya lyendi akakala na byakulya bya bingi, oloni wosho owo aka kabangeya bolwa mukushaka kufuka cho akakala mu buhutu bwa bwingi. ²⁰ Munu walukulaelo akatambula kukwithula kwa kama manene, oloni uje awana bufuko mubwathi bwathi kakatha kuya chakujeneka kumwana kashitiko. ²¹ Kethi chachbwa kumwetha chibembulu oloni nameme kambathzubwila kalikende munu atha kubulumuna. ²² Munu kethi kwana akathzanguwila ha bufuko, oloni kathzibukithile ngwendi kuutwa chikaija ali ikeye. ²³ Wosho owo olola mukwabo, kulutwe aka wana kutetela kwa kama kutunda kuli ikeye kubakana uje wa majwi achibembulu. ²⁴ Woshe uje abila ishe na baina na kwendeka ngwendi, "Buje kethi bubi," cho napu muka kakathendo wa uje mukakushandola. ²⁵ Munu wanuna akashangumuna kunena kuli chokota, oloni uje na kulaela muli Yehoba akafuka. ²⁶ Woshe aka kulaela mumbnge yendi babenya wapwa chilema, oloni wosho owo enda mumangana baka muyobola. ²⁷ Woshe uje ana bakuutwa kakonowa chimo, oloni wosho owo akashoka mesho endi kuli bakebo akatambula bithingo bya bingi. ²⁸ Omo bakabubi bakatuka, banu bakalishweke babenya; oloni omo bathzimangana, cho ba buthunga balanenako.