¹ Majwi a mwene lemwele — chitele chije chi ba mu longethele baina. ² Bika, munage? bakajo, obe mwana wa kutunda mwimo lyange? bika bi u thetela, nwama wa ku lithunga kwange? ³ Kethi wane binthzili byobe ku banakathzi, indi nambe bingila byobe kuli baje bakaku nyengetha binyene. ⁴ Kuchaba pandele bimyene, obe lemwele kuchaba pandele bimyene kuunwa binyu, indi nambe baka ku yula ku shaka manene kunwa bwala, ⁵ mwafwa umwona ngwe bapenda cho bebala mashiko aje bakakowa kwonwa kumba mbunge kuli bije bibina pande baje boshe baka kuyanda. ⁶ Ana bwala kuli uje ali a ngenge ya kuthsa na binyu kuli baje bali mu bukalu bwa kana manene. ⁷ Chojo anwa mangana ebale buutu bwendi na ku jeneka kwanuka kayando kendi. ⁸ Endekelako baje ku batha kulyendekelako bakebo babenya, imanenako baje bali a ngenge ya kuthsa mangana ba wane ya bibi naba pande. ⁹ Bendekeleko na kuba thompelako mwa buthunga na ku bendekelako baje banu baka kuutwa na baje ba ku jeneka ngendi bawane bije bya ba pande. ¹⁰ Iyayo ou atha kuwana munakathzi wa theo? theteko yendi ina tubakana mainanya a theo. ¹¹ Mbunge ya munalume wendi ya kulahela muli ikeye, cho munalalume wendi kaka kal kautu embwe. ¹² Mukaku lingila munalume wendi byuma bya bibwa likamatangwa endi oshe kukwethi mambe litangwa limo lyai lya ka linga bya bibi kuli munalume wendi. ¹³ Ayama ku thetela bwanda na ku pangetha butongwe bwa maboko endi. ¹⁴ Ikeye napwoni ngwe aje mato a baka kulanda na ku landulula, chojo a nena byakulya byendi kutunda ku lyala. ¹⁵ kenduka oku na lthathekandalichi tunke na kwana byakulya ku bakanjubo yendi, cho na ku pangela kuli bangamba bendi banakathzi bije bi bana pande ku linga. ¹⁶ A yongola ku landa lihya chojo na ku landa a lindanda; cho na fweeto ya kufuma mu bipangi bya maboko endi a kuna lihya lija bushuka bwa binyu. ¹⁷ A panga na binthzili byendi byoshe chojo maboko endi a apwa kukola manene. ¹⁸ A tanekeya bwino bibyatha ku mu nenela nganyo yakama; chonjo buthsiki bwoshe ndeya yendi kuyethi kuthzina. ¹⁹ Choja a kambeka maboko endi a limbambale, cho maboko endi a kwatelela buje bwanda bubuli na kuli thzengununa. ²⁰ Cho a ka tandunula liboko lyendi na ku kwatha tuutu, naku tandubula liboko iyendi kuli baje bawa kalekeya na kubakwatha. ²¹ Ikeye kethi kuli jakamena nwendi wa naanga yendi yoshe a ka ithzikila mu duthzalo bwa lithiza bwa kubenga. ²² Chojo a tongo binanga bya ku fwika a bulili bwendi, buthzalo bwa bubwa lingu bwa ku benguluka. ²³ Chojo na munalume wendi ba mu tamekeya kuje ku bikolobya nganda, omu mwa ka tumbama na bakulunu ba muje mulifuti. ²⁴ Cho a katongo buthzalo bwa binanga na kulandetha, cholalo a ka landetha na miba kuli baje baka ku landa na kulandulula. ²⁵ Bamu fwika mu binthzili na kathingimiko kakama, chojo kethi kuli jakamena na byuma bije binatha kwija ku lutwe. ²⁶ A kashama kanwa kendi na manwa cho na lishiko lya kabumbi lya kala a lilimi lyendi thimbu yoshe. ²⁷ A kapu wa kuli jakamena a katumbameno ka naanga yendi thimbu yoshe cho a ka byana ku kala munu wa mulwa. ²⁸ Chojo bana bendi baka tatuka na ku mutumbula nwabo wa wendi a ka mushangathzala, na kwendeka ngwendi, '' ²⁹ banakathzi ba bengi bana lingi bya bingi bya bibwa, olojo yobe unaba tubakama boshe'' ³⁰ Chitso cha munu chika kwitha, na bubwa bwa chihanga bwa pwa bwa ngochongocho, oloni uje munakathzi ya ka thzibi Yehoba lyoba, uje ikeye baka shangathzala. ³¹ Chojo mwaneni fweto ya ku fwilamo ije yama pangela na maboko endi, ngechi etheleni bipangi bya maboko bya munganda.