¹ Liyongoleni amo mubaboshe na kuli kungulula, eni banu ba kujeneka shwamwa— ² thimbu kanda chithinganyeka ba chishulithe cho na lije litangwa likayita ngwe lijungu, thimbu kanda bukalu bwa kutewetha bwa Shukulu bwije ali yenu, thimbu kanda lije litangwa lya bukalu bwakama bwa Shukulu bwije ali yeni. ³ Thethzeleni Shukulu, yeni boshe banu baka kulilumbilitha ano athi baje bali na kwononoka mashiko endi! Theteleni kuthungama. Theteleni kulikeetha, cho amo baka mikinga a litangwa lya bukalu bwa Shukulu. ⁴ Mwafwa mu Ngaza baka tundamo, cho Ashikeloni ikalumuka ngundu. Baka Ashindondi bakaba shekamo na thimbu ya mutanya, cho Ekiloni ba kaijundula! ⁵ Bukalu bwakama ku banu bakala ku ngenge ya mema a kalunga, lije lifuti lya baka Kelethite! Yeni Shukulu na mitengulukila. Kanani, lifuti lya baka Filisitina. Nji kaminyongetha nomu na umo weni wai aka thalao. ⁶ Cho oni ije ngenge ya mema a kalunga ikemuka kwa kulithila na kushokolako bimaanga. ⁷ Lije lifuti lya kungenge ya mema a kalunga likapwa lya banu ba thaleleo mu njubo ya Yunda, baje bakalithilao ma butanga abo a bimaanga. Nathimbu ya chingwthzi na mathikathzama banu babo baka shulubala mu binjubo bya a Ashikeloni, mwafwa Shukulu Njambi yabo akakala amo nabo na kutunditha bundungo bwabo. ⁸ 'Njathzibi kutemba cha baka Moabi na matuka abanu baka Amoni athimbu bakele na kutomba banu bange cho na kujeneka kukabangeya mashiko a binginga byabo. ⁹ Choni, omu njili nakuyoya—echi kulithinga cha Shukulu wa bimbunga. Njambi wa Isalela akapwa nge Sondoma, cho na banu ba Amoni nge Ngomola; mutambela wa shaku wa puta bya kujwa na bimbulu bya mongwa, ibathethza aya myaka. Oloni banu bange bana thalao bakabipukula, cho bije banu bange ba kathalao baka bithswana." ¹⁰ Ebi bikasholoka ku banu baku Moabi na Amoni mwafwa aku lyaletha kwabo, akulinga ba lishashele na kushaula banu ba Shukulu wa bithzili byoshe. ¹¹ Cho Shukulu ba muthziba lyoba, mwafwa akanyongetha tulunga twoshe twa ano athi. Munu woshe akalifukula kuli ikeye. woshe kumutambela wendi, kutunda ku myela yaku bingenge bya mafuti oshe. ¹² Neni baka Kushite lalo mukathsa ku mukwale wange, ¹³ cho na liboko lya Njambi likalwitha baka kunto na kunyongetha Asiliya, mangana Ninive a kayipwithe ngundu na mambo, mwakuminina ngwe ndinda. ¹⁴ Cho matanga aka butama muje, tuthitu boshe ba mu mafuti; boshe makungulu na makwika bakala a bimanda byendi. Majwi a mutambi aka tuwukila mu binjanena; mitumbo ya bibuju bikakala mu bikolo; mikambo yendi ya kendale a ka ashanda. ¹⁵ Eyi yikeyo ije nganda yaibwa muje ba yoyele kujeneka lyoba, muje banu ba yongwele mu bimbunge byabo ngwabo, "Yange, cho kukwethi wa kwetheka amo nange." Bati inapu ngundu, mutambela wa kukalamo tuthitu. Munu woshe uje etilako aka lithithumuna na kujundula ng'ome yendi na kuimika.