¹ Cho kachitolilileni kuli ebi ali na kwendeka Yehoba ngwendi, "Katuka managan u langulule oni ng'anda yobe ku malundu, echa minkinda ithzibe ljwi lyobe. ² Thzibene, eni malundu, ku yayabala cha Yehoba, yeni lubula lwa ku myaka yoshe lwa kaye. Mwafwa Yehoba ali na ng'anda na banu bendi, chojo nautwala ku njubo ya milonga ngechi aka thompetha Isalela. ³ Yeni banu bange, bikajo binji namilingi yange? Kumanu mu ngila mukajo njina pwoni chitele yange kuli yeni? Kachinji kumbululeni tai! ⁴ Mwafwa yange nja mitundithile mu chifuti cha Ingitu na ku mi pwitha mu njubo ya bundungo. Njami tuminine Mosesa, Aloni na Miliyamu. ⁵ Eni banu bange, ka chimikeni tai bije bya yongwele ku linga Mbalaki mwene wa Mowabi kuli yeni, cho na mujoni mwa mukumbulwile mbalamu uje muna Mboele a thimbu ije mwa fumine ku shitimu na kuya ku Ngilungalu, mangana mu thzubuke bwino bilinga bya bungulu bwa Yehoba." ⁶ Cho bikajo binji na pande ku nena kuli Yehoba, a thimbu inji bulyama athi kuli Njambi wa mwilu? Njije kuli ikeye na milambu ya kulumba tai, ndi nambe na bana ba bingombe baje bali lika na mwaka umo wa ku themuka? ⁷ Kumani Yehoba natha ku bwahelela na makulukathzi a bankomba ba tununu tai, indi nambe na makulukathzi likumi a bindonga bya mathzi? Indi njina pandyoni kwana munange wa twatwa a bubi bwange, bushuka bwa mubila wange ku bwanena a bubi bwa mwonyo wange? ⁸ Olojo na ku leketha laja, yobe munu, bije binapu bya bibwa na bije Yehoba a tonda kuli yobe: Linga mwa buthunga, thzema kabumbi, na kwenda mu kulikehetha na Njambi yobe. ⁹ Chojo lijwi lya Yehoba lili na ku tambekela ali ije nganda —nameme bene mulelo maana a ka thingimika lithzina lyobe: "Tolilileni kuli echi chibanthzi, na kuli ou yana chaka ano. ¹⁰ Kuli bufuko buli mu binjubo bya banu ba babi buje bana wanena mu bingila bya kwiba na ku kwitha umona ngwe ikeye ali na ku likwathetha bipetheletho bya kunyanyamena manene. ¹¹ Kumani nji thambetha batijo munu ku mulonga wa kwiba na ku kwitha umona ngwe ikeye ali na ku likwathetha bipetheletho bya bwithi, bije bili na kulema kwa makuli? ¹² Chojo baje ba ku fuka bana shulumo na bukenya, baje ba tunga muje bendeka makuli, ngechi na lilimi lyabo mu tunwa twabo lika kwithi lika. ¹³ Ngechibene yange njimi binjithoni, kumi withila athi, na kumi nyongetha a mulonga wa bibi byeni. ¹⁴ Chojo mu kalya olojo kumu kakuta; mupulungwa weni anga bene uka kala mukati keni. Cho mukatulika byuma olojo ku mukatha ku bi nyunga bwino, cho chije chi mu ketheka ku nyunga cho yange nji ka chi nyongetha na mukwale. ¹⁵ Chojo mu ka kuna bimbuto oloni ku mu ka teje embwe; muka kamuna mathzi a olibe olojo kumuka kamuna bushuka bwa mubinyu na ku kela binyu olojo yeni kumu kanu bije binyu embwe. ¹⁶ Ebi byoshe bika lingika kuli yeni mwafwa yeni mu na kabangeya mashiko a Omuli, na bilinga byoshe bya mu njubo ya Ahambu. Muna kabangeya ku nangula chabo, chojo na mu chifwechi nji mi nyongetha na boshe ba tunga muli yobe bakaba shaula na kuba jola, cho na banu bange kwoshe ba kamishaula yeni.