¹ Yehoba wendekele kuli Mosesa ngwendi, ² "Endeka kuli banu ba Isalela, nakubaleka ngwobe, 'Ebi bikebyo bilika bya nangula Yehoba, ebi mwapande kuthzimbula kupwa kukunguluka cha kuthzila binapu bilika byange bya thimbu yoshe. ³ Munatha kupanga ha matangwa atanu na limo, oloni lyamu chitanu na abali linapu lya Sabata lya kuhwima, kukunguluka cha kuthzila. Kumwapandele kupanga chimo mwafwa linapu lya Sabata ya Yehoba mu myela yoshe omwo mukayoyela. ⁴ Ebi binapu bilika byanangula bya Yehoba, kukunguluka chakuthzila echi mwapande kuthzimbula hathimbu ya kwangula: ⁵ Mungonde yabu banga, halitangwa lyamu likumi na mwana amungonde ha kukya, ikapwa kwitilila cha Yehoba. ⁶ Halitangwa lyamu likumi na atanu lya ngonde umolika linapu lya chilika cha likende lya kujeneka muthima lya Yehoba. Hamatangwa atanu na abali mwapande kulya likende lya kujeneka muthima. ⁷ Litangwa lya bubanga mwapande kulitundithako na kukungulukila hamo; kumupanga chipangi chimo habipangi byeni embwe. ⁸ Mukatwala mulambu wa kulya kuli Yehoba ha matangwa atanu na abali. Litangwa lyamu chitanu na abali linapu lya kukunguluka libana tundithako kuli Yehoba, cho halitangwa lije kumwapandele kupanga chimo ha bipangi byeni byaha litangwa. ⁹ Yehoba wendekele kuli Mosesa, ngwendi, ¹⁰ "Endeka kuli banu ba Isalela na kubaleka ngwobe, 'Omwo mukaija mu lifuti lije njikamyana, cho omwo mukateja mbuto ya kulibanga kuli kapilisitu. ¹¹ Akajundula uje mukuta wa mbuto kuli Yehoba nakuwana kuli likeye, mangana akaitabele hali yeni. Chinapu ha litangwa linengi mu Sabata olyo kapilisitu akajundula na kuyana kuli yange. ¹² Halitangwa omwo mukajundula chije chikuta cha mbuto na kuchana kuli yange, mwapande kwana maanga wa chinalume ali na mwaka umo cho wakujeneka katenga kupwa mulambu wa kulumba kuli Yehoba. ¹³ Mulambu wa mbuto wapande kupwa makilo abali a bunga bwa bubwa bwaku kumbathana na mathzi, bwana bwa kupanga mu tuya kuli Yehoba, bukatuhule bweko bwa kutobala, hamo nabwo mulambu wa kunwa wa binyu, theteko mubuwana. ¹⁴ Kumwapandele kulya likende, nambe lyakocha nameme mbuto ya kutonola, kweta ha litangwa limo lika limukanena ou mulambu kuli Njambi yeni. Echi chikapwa chilongetha cha kwilila myaka yoshe mu bithemunwina bya banu beni boshe, mu myela yoshe imukayoyela. ¹⁵ Kuputuka ha litangwa lyengile ha Sabata likeko litangwa mwanenene chikuta cha mbuto ya mulambu wa kumwetha—labeni mathimana atanu na abali akushula. ¹⁶ Mwapande kulaba matangwa makumi atanu, eli likapwa litangwa lyakutunda ha litangwa lyamu chitanu na abali.Cho mwapande kunena mulambu wa mbuto yaiha kuli Yehoba. ¹⁷ Mwapande kunena kutunda mu binjubo byeni mikasha ibali ya makende. Yapande kuipanga na bunga bwabubwa nakupangetha muthima; ikapwa milambu ya kumwetha ya bushuka bwa kulibanga kuli Yehoba. ¹⁸ Mwapande kunena hamo na makende bimaanga batanu na babali ba mwaka umo bakujeneka katenga, muna ngombe umo, na bankomba ba bimanga babali. Byapande kupwa mulambu wa kulumba kuli Yehoba, hamo na mulambu wa mbuto na mulambu wabo wa kunwa, mulambu banapanga kwitila mu tuya cho utuhula bweko bwakutobala kuli Yehoba. ¹⁹ Mwapande kwana membe wa nkomba kupwa mulambu wa bubi, na bimaanga bankomba babali ba mwaka umo kupwa ng'ombelo, kupwa mulambu wa kulinunga. ²⁰ Kapilisitu napande kubyana hamo na makende a bushuka bwa kulibanga ku mesho a Yehoba, nakubyana kuli likeye hamo na bimaanga babali kupwa mulambu. Bikapwa milambu ya kuthzila kuli Yehoba bwa kapilisitu. ²¹ Mwapande kunena kuthzimbula hali lije bene litangwa. Kukapwa kukunguluka cha kuthzila, cho kumwapandele kupanga chipangi cheka embwe. Echi chikapwa kulongetha cha kwilika mu chithemunwina cha banu beni mu myela yoshe omwo mukayoyela. ²² Omwo mukateja kulya cha lifuti, kumwapandele kuteja na kumanetha mu bimbango byoshe bya lihya lyeni, cho kumwapandele kukungulula mbuto ya kuteja cheni choshe. Mwapande kubithethzela tuhutu na metandinda. Yange Yehoba Njambi yeni." ²³ Yehoba wendekele kuli Mosesa, ngwendi, ²⁴ "Endeka kuli banu ba Isalela kubaleka ngwobe, 'Mungonde wabutanu na bibali, litangwa lya bubanga lyoyo ngonde likapwa lya kuhwima kuli yeni, na kwimba cha bipembe kupwa chanukitho, na kukunguluka cha kuthzila. ²⁵ Kumwapandele kupanga chimo, cho mwapande kwana ng'ombelo ya kupanga kwitila mu tuya kuli Yehoba.''' ²⁶ Cho Yehoba wendekele kuli Mosesa, ngwendi, ²⁷ "Choni ha litangwa lya mulikumi lya ngonde wa mu chitanu na bibali binapu litangwa lya kulijeletha. Chinapu kukunguluka cha kuthzila, cho mwapande kulyononona yeni babenya na kwana mulambu wa kwitila mu tuya kuli Yehoba. ²⁸ Kumwapandele kupanga hali lije litangwa mwafwa linapu litangwa lya kulijeletha, kupanga chilika cha kulijeletha yeni babenya kuli Yehoba Njambi yeni. ²⁹ Owo woshe kakalyononona babenya hali lije litangwa napande kumutunditha ku banu bendi. ³⁰ Owo woshe akapanga hali lije litangwa, Yange, Yehoba, njikamunyongetha kutunda mukati ka banu bendi. ³¹ Kumwapandele kupanga chifwa choshe cha chipangi hali lije litangwa. Echi chikapwa kulongetha cha kwilila mu bithemunwina bya banu beeni mu myela mukayoyela yoshe. ³² Eli litangwa lyapande kupwa Sabata kuli yeni lya kuhwima lika, cho mwapande kulyononona yeni babenya halitangwa lya butanu na awana amu ngonde ku mangwethzi . Kutunda mangwethzi kuya mangwethzi mukathzilile Sabata yeni.'' ³³ Yehoba wendekele kuli Mosesa, ngwendi, ³⁴ "Endeka kuli banu ba Isalalela, ngwobe, ' Halitangwa lyamu likumi na atanu lya mungonde wabu tanu na bibali likapwa lya chilika cha bithzalo bya Yehoba, Chikambata matangwa atanu na abali. ³⁵ Halitangwa lya bubanga kwapande kupwa kukunguluka cha kuthzila. Kumwapandele kupanga chipangi choshe embwe. ³⁶ Mumatangwa atanu na abali mwapande kwana ng'ombelo ya kwitila mu tuya kuli Yehoba. Halitangwa lya mu chitanu na atatu kunapande kupwa kukunguluka cha kuthzila, cho mwapande kulinga ng'ombelo ya kwana na tuya kuli Yehoba. Echi chinapu kukunguluka cha kulyana, cho kumwapandele kupanga chipangi chimo embwe. ³⁷ Ebi bikebyo bilika banangula bya Yehoba, ebi mwapande kuthzimbula kupwa kukunguluka kwa kuthzila mukane ng'ombelo ya kwitila mu tuya kuli Yehoba, mulambu wa kulumba nou wa mbuto, ng'ombelo na mulambu wa kunwa, umo naumo halitangwa lyawo. ³⁸ Ebi bilika bikapwa bya kwakela ku Sabata ya Yehoba na mabwana eni, kulithinga cheni choshe, na milambu yeni yoshe ya kulyana ije mukana kuli Yehoba. ³⁹ Kutaletha ha chilika cha bithzango, ha litangwa lyabu likumi na atanu a mungonde yabu tanu na bibali, omwo mukakungulula bushuka bwa mu lifuti, mwapande kunyunga echi chilika cha Yehoba ha matangwa atanu na abali. Litangwa lya bubanga likapwa lya kuhwima bene, na litangwa lya butanu na atatu lalo likapwa lya butanu na atatu lalo likapwa lya kuhwima bene. ⁴⁰ Halitangwa lya bubanga mwapande kwambata bushuka bwa bubwa kutunda ku biti, mu minango ya biti bya mushakabale, na minango ya maputa a miti ya kuthzika, na myatho ya kutu ndonga, cho mukajolela kuli Yehoba Njambi yeni ha matangwa atanu na abali. ⁴¹ Ha matangwa atanu na abali mu mwaka mu mwaka, mwapande kubwahelela echi chilika cha Yehoba. Echi chikapwa chilongetha cha kwilila mu bithemunwina bya banu beni mu myela yoshe omwo baka yoyela. Mwapande kubwahelela echi chilika mu ngonde wamu chitanu na bibali. ⁴² Mwapande kuyoyela mu bithzango bya bindondo ha matangwa atanu na abali. Boshe baje bathemukile mu Isalela bapande kuyoyela mu bithzango bya bindondo ha matangwa atanu na abali, ⁴³ mangana bana beni, chithemunwina hanima ya chithemunwina, bakathe kulilongetha mungila munjapangelele banu ba Isalela kuyoyela mu bithzango bya ngachije omwo njaba twamemenene kutunda mu lifuti lya Ingitu. Yange Yehoba Njambi yeni.'''' ⁴⁴ Mungilei, Mosesa wathzimbwile kuli banu bamu Isalela bilika bibanangula bya Yehoba.