¹ Njambi wendekele kuli Mosesa na Alone na kwendeka ngwendi, ² "Endeka kuli bana bamu Isalele, na kwendeka kuli bakebo ngwove, 'ngwe woshe munalumeakatiwa na lijenge lije lili nakutunda kumubila wendi, cho napu wakwonowa kujela. ³ Kwonowa kujela chendi chinapu mulonbga welo lijenge. Nameme ngocho mubila wendi uli nakutunditha lijenge nameme linemana kutunda, napu wakwonowa kujela. ⁴ Hamwela woshe uje wakalalao ukapwa akwonowa kujela, na byuma byoshe bije byakatumbamao bikapwa bya kwonowa kujela. ⁵ Woshowo akwata mwela wendi napande kukusha buthzalo bwendi nakujwela ikeye babenya mu mema, na kupwa wakonowa kujela kwetetha mangwethzi. ⁶ Woshe uje akatumbama achuma choshe chije munalume nakwatiwa nalilenge natumbamene, uje munu napande kukusha buthzalo bwendi na kujwela ikeye babenya mu mema, nakupea akwoowa kujela kwetetha mabgwethzi. ⁷ Woshe uje akwta mubila wauje umo nakwatiwa na kutunditha lijenge napande akushe buthzalo bwendi na kujwela ikeye babenya mu mema, na kupwa akwonowa kujela kwetha mangwethzi.. ⁸ Umona munu ali nechi chili nakutunditha lijenge ajekwila ali umo wakujela, cho uje munu napande kukusha buthzalo bwendi na kujwela ikeye babenya mumem, cho akapwa wakujela kwetetha mangwethzi. ⁹ A chitwamo choshe chakinga chije chanendelao uje nakwatiwa na lijenge chikapwa chakwonowa kujela. ¹⁰ Cho woshowo akwata chuma choshe chije chakele muli uje munu akapwa wakwonowa kujela kweteha mangwethzi, na woshe uje ambata bije byuma napande kukusha buthzalo bwendi na kujwela ikeye babenya mu mema; cho akapwa wakwonowa kujela kweta mangwethzi. ¹¹ Woshe munu amukwata chakwonowa kujwela kuma boko endi na mema napande akushe buthzalo bwendi na kujwela ikeye babenya mu mjema, cho akapwa wa kujela. ¹² Yoshe ndeo yabuma ije yakwata uje nakwatiwa na lijenge inapande kuiibujula, na chitenga choshe cha mabaya chinapande kuchijabeka mu mema. ¹³ Ngwe uje wakwatiwile na lijenge nalibwaletha kutunda kuku kwatiwa chendi, napande kulitandela ikeye babenya matangwa aanu naabali akulibwaletha chendi, cho napande akushe buthzalo bwendi na kujwela ikeye babanya mu mema amumula. Cho akapwa wa kujela. ¹⁴ Alitangwa lya mu chitanu naatatu napande kwambata tuthzila ba mayembe babali nameme baana ba tutela babali nakwija kumesho a Njambi muchikolo cha tende yakuliwanena, kuje napande kwana baje tuthzila kuli kapilisitu. ¹⁵ Kapilisitu napande kubalambula, umo kupwa ngwe mulambu wabubi cho mukwabo kupwa ngwe chikombelo cha kwenyeka, cho kapilisitu amupangela cha kufwika ali ikeye kumesho a Njambi akukwatiea chendi. ¹⁶ Umona ngwe munalume alitunditha mbuto yaluthemo lwendi, napande kujwela mubila wendi woshe mu mema; nakupwa akwonowa kujela kweteha mangwthzi. ¹⁷ Nanga yoshe nameme lilambu lije lili nambuto yaluthemo lwa munalume binapande kubikusha na mema; bikapwe bya kwonowa kujela kwetetha mangwethzi. ¹⁸ Umona munalume alala na munakathzi cho akala na mbuto ya luthemo ya munalume, boshe banapande kujwela a mema na kupwa bakwonowa kujela kweteha mangwethzi. ¹⁹ Umona munakathzi nakulu, cho atwalelela nakukula chendi amatanga atanu naabali, cho woshowo a mukwata akapwa wakwonowa kuthzila kwetetha mangwethzi. ²⁰ Byuma byoshe bya nalalao athimbu ya kungonde yendi bikapwa bya kwonowa kujela; na byuma byoshe bije byanatumbama nabyo lalo bikapwa bya kwonowa kujela. ²¹ Woshowo akwata a mwela wendi napande kukusha buthzalo bwendi na kutana mu mema ikeye babenya; cho uje munu akapwa wakwonoa kujela kwetetha mangwethzi. ²² Woshowo akwata chili choshe chije cha tumbama o napande kukusha buthzalo bwendi na kutana ikeye babenya mu mema; cho uje munu akapwa akwonowa kujela kwetetha mangwethzi. ²³ Nameme chipwa a mwela nameme ali oshe aje anatumbama, umona munalume achikwata, cho uje munu akapwa wakwonowa kujela kwetetha mangwethzi. ²⁴ Umona munalume woshe alala nendi, umona bije byakwonowa kujela byalinakutunditha bimukwata, cho akapwa wakwonowa kujela a matangwa atanu na atatu. Woshe mwela ya lalao ukapwa wakwonowa kujela ²⁵ Umona munakathzi ali nakutunditha maninga a matangwa amangi aje kethi muthimbuyendi yakukula, nameme umona atunditha kupulakanetha muthimbu yendi yakukulilamo, athimbu ya matangwa oshe yakutunditha kwonowa kujela chendi, cho akapwa ngwe ali kumatangwa endi akungonde cho napu wakwonowa kujela. ²⁶ Mwela woshe uje walalao athimbu ya kutunditha kwa maninga endi akapwa ngwe uje mwela alalele athimbu ya kukula chendi, na byuma byoshe bya kutumbamao bikapwa bya kwonowa kujela, ngwe muje mwonowele kujela akukula chendi. ²⁷ Woshe uje akwata ali byoshe bije byuma a kapwa wakwonowa kujela; cho napande kukusha buthzalo bwendi na kutana ikeye babenya mu mema, cho akapwa wakwonowa kujela kwetetha mangwethzi. ²⁸ Oloni ngwe napu wakujela mukutunditha maninga endi, cho akalitandele ikeye babenya mantangwa akupwa atanu cho anima yao akapwa wa kujela. ²⁹ Alitangwa lya muchitanu naatatu napande kwambata tuthzila ba mayembe babali nameme bana batutela babali na kubanena kuli kapilisitu muchikolo cha tende ya kuliwanena. ³⁰ Cho kapilisitu akalambula kathzila umo kupwa ngwe mulambu wabubi cho bakwabo kupwa ngwe chikombelo chakwenyeka, cho akamupangele chakumufwika ali ikeye kumesho a Njambi a kwonowa kujela kwakutunda maninga endi. ³¹ Echi chikecho chimunapande kwangununa banu ba mu Isalele kubatunditha kukwonowa kujela chabo, cho kubakatha kukathsa mulonga wa kwonowa kujela chabo, omo njinaka tabanako yange, haje anjiyoyela akati kabo. ³² Awa akeo mathiko awoshe uje ali nakutunditha lijenge, ali munalume woshe uje mbuto yaluthemo lwendi luli nakutunda muli ikeye nakumupwitha kupwa wa kwonowa kujela, ³³ na ali munakathzi woshe uje ali kungonde, ali woshe uje ali nakutunditha lijenge, nameme munalume nameme munakathzi, cho na munalume woshe uje alala na munakathzi wakwonowa kujela.'''