¹ Shukulu wendekele kuli Mosesa - echi chasholokele anima ya kuthsa kwa baana ba banalume ba bali ba Aloni, omwo ba shwenene kumuyeyi na Shukulu na kuthsa. ² Shukulu wendekele kuli Mosesa ngwendi, '' Leka ndolome yobe Aloni kethi akobele ali thimbu ili yoshe muje mumwela wakuthzila manene uli mukati ka libamba, alutwe lwa muuko waku kithula uje uli a chikasha. Oshe alingamo, athsa, mwafwa mukemwo mu njika sholokela mulishelwa akamwa ya muuko wa chikasha cha chikumiyo. ³ Cho omu mukemwo Aloni napande ku kobelela mukati ka mwela wa kuthzila manene . Napande kukobela na mubamba ngombe wa nkomba kupwitha ngwe n'ombelo ya bubi,cho na muna maanga kupwa bwana bwa kulumba. ⁴ Napande kuthzala nanga ya kujela, cho napande thzala kaputulula ka kwithi, cho npande kuthzala mwiba wa nanga na nanga ya kalupusa . Ebi bithzalo bya kujela. Napande kujwela a mubila mumema cho athzale ebi bithzalo. ⁵ Napande kwambata kutunda kumbunga ya banu ba muIsalela bithzamba ba bimembe ba bali kupwa mulambu wakulumba na muna maanga kupwa nge mulambu wa kwenyeka. ⁶ Cho oni Aloni napande kunena ngombe wa nkomba nge bwana bwa bubi, obu bupwa bwendi, ku kunekela chendi na naanga yendi. ⁷ Cho lalo anene bithzamba ba bali ba bimembe na kubaaka kumesho a Shukulu a chikolo cha mbalaka ya chiwano. ⁸ Cho Aloni watele n'gela a bimembe ba bali, ng'ela imo ya kushakula membe umo wa Shukulu, ikwabo ng'ela ya kushakula membe wa kwechela aye . ⁹ Cho oni Aloni napande kutwala uje membe ya shakwile wa Shukulu , na ku kalambula uje membe nge mulambu wa bubi . ¹⁰ Oloni uje membe ya echele kuya napande ku munena kuli Shukulu na mwonyo wendi, ku konekela bubi bwa banu amwechele aliyile mushwata. ¹¹ Cho Alini anene uje ngombe wa nkomba kupwa mulambu wa bubi, ou akapwa wendi. Napande kulijeletha ibenya amo na naanga yendi, cho napande kuthsiya uje ngombe nge mulambu wa bubi bwendi ibenya. ¹² Aloni napande kwambata chikango cha kushula na manungu a kwenyuka tuya twa kutunda a mutula kutwala kumesho a Shukulu, na maboko endi akushula na isense ya kutwa bwino, na kubinena ebi kumwela wa kuthzila . ¹³ Amuje akake isense atuya ku mesho a Shukulu mangana bwithi butunda a isense bwathe kufwika a chifwiko cha chikasha cha chikumiiyo . Napande kuchilinga echi mangana kethi akathse. ¹⁴ Akambate maniga amo auje nkomba ya ngombe na ku wa shamwina na munye wendi a lutwe lwa muuko wa chikumiyo. Napande ku shamwina maninga amo na munye wendi katanu na kabali alutwe lwa muuko wa chikumiyo . ¹⁵ Anima yebi a ka thsiye membe ya bwana bwa kufwika bubi buje bwa banu na kunena maninga endi mukati ka mwela wa kujela. Akuje a kapangethe aje maninga ngwe muje na pangethele maninga a nkomba ya ngombe: Awa shamwine akamwa ya muuko wa chikasha athinoni a kashamwine alutwe lwa muuko wa chikumiyo. ¹⁶ A kaambethe uje mwela wakujela mwafwa ya bilinga bya biibi bya banu ba Isalela, cho na mwafwa ya kwalumuka kwabo na bubi bwabo byoshe. Napande kukalinga lalo echi kuje ku tende ya chiwano , akuje Njambi akayoyela mukati kabo, kumesho abilinga byabo bya biibi. ¹⁷ Naumo wai napande kukala mutende ya chiwano omu akobelamo Aloni na kwaambetha mumwela wa kujela manene,na kubanga nomu akatuukamo na nomu na manetha kwaambetha bubi bwendi babenya na bubi bwa naanga yendi, na bubi bwa mbunga yoshe ya Isalela . ¹⁸ Napande kutuuka kuya kumutula echi chili nge kumesho a Njambi na kwaambetha, cho napande kwambata maninga amo a ngombe wa nkomba nawa a membe na kuwaka ku mambinga a na thzenguluka mutula woshe. ¹⁹ Napande ku shamwina maninga amo a mutula na mulabo wendi bithimbu bitanu na bibali ku ujeletha na ku upwitha wa kujela kuli Njambi,ku utunditha ku bilinga bya biibi bya banu ba Isalela. ²⁰ Oshe na manetha kwambetha mwela wa kuthzila , tende ya chiwano , na mutula , napande kwetetha membe wa mwonyo . ²¹ Aloni napande kukambeka maboko endi oshe amutwe wa membe wa mwonyo na kwambulula byoshe bubi bwa banu a Isalela, na bufumbukilo bwabo bwoshe, na bibi byabo byoshe . Cho oni a binungwilile a mutwe wauthze membe na kwana uje membe mu maboko a munalume uje na libwaethela kutwala uje membe mushwata. ²² Uje membe napande kwambata bubi bwoshe bwa banu ku mwela wa endilika. Muje mumambo , uje munalume napande kukechela uje membe akathale endilika. ²³ Cho oni Aloni napande kwiluka mutende (mumbalaka) ya chiwano na kushulula buthzalo bwa linyu buje bwana thzalele kanda akobele mu mweela wa kujela , cho napande kuthethzamo buje buthzalo . ²⁴ Napande kujwela mubila wendi mu mema amu mumweela wa kujela; cho na kuthzala buthzalo bwendi bwaka thzala thimbu yoshe; cho napande kutuuka na kwana ng'ombelo yendi ya kwenyeka na ng'ombelo ya kwenyeka ya banu , cho mungila eyi a lyambethe ikeye babenya na banu . ²⁵ Napande kwenyeka mathzi a kutunda ku ng'ombelo ya a mutula . ²⁶ Uje munalume wa twalele membe na kumuthethza mumambo napande ku kusha buthzalo bwendi na kujwela a mubila wendi mu mema ; anima yakulinga echi , natha kwiluka mu chilombo . ²⁷ Uje ngombe wa nkomba wa ng'ombelo ya bubi na uje membe wa ng'ombelo ya bubi , uje maninga endi banenele kwambetha mumwela wa kujela , banapande ku bambata na kuba tundiyha muchilombo. Kuje bilambu byabo , thitu , na mila byapande ku ka byenyeka . ²⁸ Owo munalume a ka byenyeka napande kukusha buthzalo bwendi na kujwela amubila wendi mu mema , anima yebi , athinoni atha kwiluka mu chilombo. ²⁹ Thimbu yoshe likapwa lishiko kuli yeni ngwe mungonde ya muchitanu na bibali a litangwa lya bulikumi mungonde , munapande kulikeetha cho kethi mupange , bapwe ba ka Isalela nambe baka kwija bali na kukala mukati keni . ³⁰ Echi mwafwa a litangwa lije ba ka myambetha, kumi jeletha ku bubi bwoshe cho mukapwa ba ku jela ku mesho a Shukulu. ³¹ Eli litangwa lya kulema lya Sabata lya kuhwima lyeni, cho munapande kulikeetha yeni babenya na kujeneka kupanga . Thimbu yoshe likapwa lishiko akati keni. ³² Kapulisitu wakama , ou umo ibakabwabetha na ku mwimika ku kapwa kapulisitu wa kama kwinga mu mweela wa ishe, napande kulyambetha na kuthzala buthzalo bwa linyu ,ebi, buthzalo bwa kujela. ³³ Napande kulinga chambetho cha mweela wa kujela manene; napande kulinga chambetho cha tende (mbalaka) mwa ku li wanena na mutula, cho napande kulinga chambetho cha tupulisitu na cha banu boshe ba mbunga. ³⁴ Eli likapwa lishiko lyeni thimbu yoshe , kulinga chambetho cha banu ba Isalela mwafwa ya bubi bwabo bwoshe , lumo a mwaka na mwaka." Echi cha lingiwile ngwe omu Shukulu wa kambeyeye Mosesa.