¹ Yehoba wendekele kuli Mosesa ngwendi, ² "Endeka kuli banu ba Isalela, ngwobe, 'Oshe munakathzi emita nakukita mwana wa munalume, cho akapwa wamathzilo ha matangwa atanu na abali, ngwe muje bene akapu wa mathzilo hathimbu ya matangwa aku ngonde yendi. ³ Halitangwa lya muchitanu na atatu uje mubila wa mbututu bapande kuutuula. ⁴ Cho kulijeletha cha ina kutunda ha kwititha maninga chikatwalelela ha matangwa makumi atatu na atatu. Kapandele kukwata chuma cha kuthzila nameme kwija mu mwela wa tabanakele kweta nomu matangwa endi akujeletha akahwa. ⁵ Oloni oshe akakita mwana wa munakathzi, cho akapwa wa mathzilo ha bisunda bibali ngwe omwo akakala hathimbu ya ngonde yendi. Cho kulijeletha cha ina chikatwalelela ha matangwa makumi atanu na limo namatangwa atanu nalimo. ⁶ Omwo matangwa akulijeletha chendi akahwa, a mwana wa munalume nameme wa munakathzi, napande kunena muna maanga wa nkomba ali na mwaka umo kupwa mulambu wa kulumba, na muna liyembe nameme katela kupwa mulambu wa bubi, kubukobelelo bwa tende ya kuliwanena, kuli kapilisitu. ⁷ Cho bakabilambula kuli Yehoba nakumupangela chilika chakulijelethela, cho akajelethewa kutunda kukwita cha maninga endi. Eli linapu lishiko kuli munakathzi uje akakita mwana wa munalume nameme wa munakathzi. ⁸ Oshe kakathele kuwana maanga wa nkomba, cho napande kutwala tutela babali nambe bana ba liyembe babali, umo kupwa mulambu wa kulumba na mukwabo kupwa mulambu wa bubi, cho kapilisitu akamupangela chilika cha kujeletha; cho akapwa wakujela.