¹ Njambi wendekele kuli mosesa na Aloni, ngwendi. ² "Endekeni kubanu ba Isalela, ngweni, 'Ebi bikebyo byuma byakuyoya bimwatha kulya akati ka yuthitu boshe aba bali athi. ³ Mwatha kulya kathitu woshe uje ali nabimbemba bya kulyabununa cho uje lalo mukakulekula mwila na kuutheka. ⁴ Nambe ngocho, tuthitu bamo kubethi kuleula mwila nambe kujeneka bimbemba bibali byakulyabununa, cho kethi muka balye, tuthitu ba chifwa cha kamelu, mwafwa akalekula nakuthseka mwila oloni kethi nabimbemba byakulyabununa. Cho kamelu kethi bwakujela kuli yeni. ⁵ Cho lalo lisheha, mwafwa akalekula na kuthseka oloni kethsi na bimbemba bya kulyabununa ,,kethi lalo wa kujela kuli yeni. ⁶ Kalumba, mwafwa a kalekula na kuthseka,oloni kethi na bimbemba bya kulyabununa,kethi wa kujela kuli yeni ⁷ .Ngulu nameme wakala na bimbemba bya kulyabununa , kethi kulekula na kuthseka ,kethi wa kujela kuli yeni. ⁸ .Kethi mukalye ku thitu yabo ili yoshe ,nambe kukwata mibila yabo ya kuthsa. Kethi bakujela kuli yeni . ⁹ Tuthitu bakayoyela mu mema baje ba mwatha kulya baje boshe bali na matendo na mabanda, bapwe ba mu kalunga mema nambe mu bindonga. ¹⁰ Oloni byoshe bije bili na mwonyo bije kubyethi na matendo na mabanda ku kalunga mema nambe mu bindonga, kwakelako na byoshe bije bikende mu mema cho na byoshe bije bili na mwonyo bije bili mu mema— yeni mwapande ku bibyana. ¹¹ Akupwa bya tela ku bi byana,kumwapandele kulya ku thitu yabyo;lalo,bithitu byabo mu bi byane. ¹² .Byoshe bije bya yoya mu mema cho ku byethi na matendo na mabanda ba bibyanetha kuli yeni. ¹³ Aba bakebo tuthzila mwapande kubyana — cho ku mwatpandele kubalya mwafwa ba babi kuli yeni : ngonga , likubi , na likwika, ¹⁴ kambembe,muyati woshe wa bithelel, ¹⁵ muyati woshe wa makololo, ¹⁶ inabilanda na mwimbi,lyanda,nana chifwa choshe cha bithelele ¹⁷ Mwapande kubyana likungulu wamundondo nowu wakama,nyumbu, ¹⁸ likungulu wa kutoka na kang'ulumapanda,limbondo, ¹⁹ kanyangenyange,chifwa choshe cha limenekela,lalo na ndimandima. ²⁰ Boshe tulongolo ba mambaba baje ba kende a mendi a wana kethi mubalye. ²¹ Oloni mwatha kulya tulongolo bali boshe baje ka kupulula baje balalo bakende a mendi a wana oshe bali na mendi a kulinungathana a ku motoketha athi. ²² Mwatha lalo kulya chifwa choshe cha bimbimba mukumbi,mabongololo, tujenje, nambe bimbimba. ²³ Oloni tulongolo boshe baje bali na mendi awana yeni mwatela ku ba byana. ²⁴ Mukapwa ba kujeneka kujela kweta na ku mangweyhzi mwafwa yaaba tuthitu oshe mukwata mubila wa kathitu wa kuthsa wa umo wabo. ²⁵ Cho woshe owo akambata mubila wa kathitu wa kuthsa napande ku kusha buthzalo bwendi na kupwa wa mathzilo kweta nathimbu ya mangwethzi. ²⁶ Kathitu woshe ali na bimbemba bya kweneka kulipanga nambe kethi kulekula mwila na ku wuthseka kuli yeni kethi wa kujela. WOshe munu a mukwata apwa wa mathzilo. ²⁷ A kati ka tuthitu boshe ba kende a mendi a wana baje bali na bituto ,kethi ba kuthzela kuli yeni. Woshe a kwata mibila ya kuthsa ya tuthitu ba chifwa echi apwa wa kweneka kujela kweta na thimbu ya mamgwethzi. ²⁸ Owo woshe a ambata mubila wa kuthsa wa chifwa echi na pande ku kusha buthzalo bwendi cho apwa wa mathzilo kweta na thimbu ya mangwethzi .Aba tuthitu ku ba kapu ba kujela kuli yeni. ²⁹ A tuthitu baje ba kalikoko athi, a ba bakebo tuthitu ba kuthzeneka kujelakuli yeni: mung'ondo,muku,na chifwa choshe cha muthanga wa kama, ³⁰ muthanga wa mundondo, mbulu,muthanga,muthanga wa mwihi mendi, na chongono. ³¹ A tuthitu boshe baje ba ka likoko, a ba bakebo tuthitu ba kapwa ba kweneka kujela kuli yeni. Woshe owo aba kwata umona ba nathsi apwa wa kweneka kujela kweta na thimbu ya chingwethzi. ³² Oshe umo wawbo athsa cho na kuwila a chuma chili choshe, chije chuma chikapwa cha kweneka kujela,nambe ba chipanga a maaka a maanga,nanga nameme saka. Chili choshe na mwoshe omwo ba ka chipangethela, chapande ku chaka mumema; chipwa cha kweneka kujela kweta na chingwethzi.cho athinoni chipwa cha kujela. ³³ A ndeo ya buma yoshe awilamo nambe awilao kathitu wa kweneka kujela,cho ije ndeo muyithsiye. ³⁴ Chakulya choshe chije chathiwa kulya oloni chili na mema a kutunda mundeo ya chifwa chije chipwa cha kweneka kujela.Byoshe bije bya kunwa bya mema mema kutunda mundeo ya chifwa chije bipwa bya kweneka kujela. ³⁵ Ali choshe aje awila umo wa mibila ya kuthsa ya tuthitu chipwa cha kweneka kujela; oshe liko lya bwangala nambe chitofu cha chindondo, byapande ku bipathzothzola.Kethi bya kujela cho bipwe bya kweneka kuthzela kuli yeni. ³⁶ Kabwelu-bwelu nambe chikwata cha ku kwatela mema chipwa cha kujela, oloni oshe owo akwata mibila yabo ya kuthsa apwa wa kweneka kujela. ³⁷ Oshe chilyo chimo cha mibila yabo ya kuthsa chiwila abi mbuto bili byoshe bya ku kuna, bije bimbuto hanga bipwa bya kujela. ³⁸ Oloni oshe mema bawaka abije bimbuto,cho oshe chilyo chili choshe cha ku mibila ya kuthza chiwilao ,cho oni bikapwa bya kweneka kujela. ³⁹ Oshe kathitu ali woshe yi mukali alithsila,woshe a kwata a uje mubila wa kuthsa a ka kala wa kweneka kujela kweta na thimbu ya mangwethzi. ⁴⁰ Woshe alya thitu ya kathitu wa kulithzila napande kukusha buthzalo bwendi cho apwa wa kweneka kujela kweta na thimbu ya mangwethzi. Woshe ambata mubila wa kathitu wa kuthsa wa chifwa chije akakushe buthzalo bwendi cho akapwa wa kweneka kujela kweta na mangwethzi. ⁴¹ Kathitu woshe uje a ka likoko athi mumubyane; kethi wakulya. ⁴² Ali woshe akendela a lifu,na uje woshe akendela a mendi awana,nambe uje woshe ali na mendi amengi-tuthitu boshe ba ka likoko athi, aba kethi mulye, mwafwa ba babi. ⁴³ 43 Kethi mulipwithe ba kweneka kujela yeni babenya akulya tuthitu baje ba kalikoko athi;kethi mulipwithe ba kweneka kujela a kubalya bakebo,ngechi ba mipwithe ba kweneka kujela mwafwa yabo. ⁴⁴ Mwafwa yange nji Shukulu njambi yeni.Lipwitheni bakuthzila,omu oni,cho pweni ba kuthzila,mwafwa njapwa wa kuthzila.Kethi muli pwithe ba kweneka kujela yeni babenya na tuthitu ba chifwa choshe baje ba kende athi. ⁴⁵ Mwafwa yange nji Shukulu, na mitunditha mulifuti lya injipitu,kupwa njambi yeni.Mukemwo'ni mwapande kupwa ba kuthzila, mwafwa njapwa wa kuthzila. ⁴⁶ Eli likelyo lishiko kwetheketha na tuthitu,tuthzila, na choshe chili na mwonyochikende mumema,na choshe chije chi ka likoko athi, ⁴⁷ mwafwa yechi ku kale kwabununa akati ku bya kweneka kuthzela na bya kujela, na akati ka bya kuyoya bije byathiwa kulya na bya kuyoya bije ku mwatha kulya.'''