Kungomba nkalamba. Ilumbo lya mwana mwaume wakwa Kora; 1 Lesa ecubo cesu kabili amaka, 2 kanshi tatwakatine, nangula icalo cikacinja nangu impili shikasunkanishiwa mumutima wababemba, 3 nangula amenshi yauko yabuluma nokufulwa, kabili nangula impili shitutume kututumuka kwashiko. Selah 4 Kuli umumana uo utumilonga twatuko tulenga umusumba wakwa Lesa ukusansamuka, icifulo camushilo umo Uwasumbukisha ekala. 5 Lesa pakati kakwe; takaseshiwe; Lesa akamwafwa, kabili akacita ico kukuca kwalucelo. 6 Inko shskalipa kabili amabufumu yasunkana; aimya ishiwi lyakwe, kabili isondde lyasungulika. 7 Yawe wamabumba ali naifwe; Lesa wakwa Yakobo ecubo cesu. Selah 8 Iseni, moneni imilimo yakwa Yawe, uwa pekanya ifintu fyakutinya pesonde. 9 Alenga inkondo ukupwa mumpela yesonde; afunaula ubuta nokuputaula umufwi mutupimfya; aoca imwela. 10 Talaleni tondolo nokwishiba ukuti nine Lesa; nkacindika pakati ka nko; nkacindikwa pesonde. 11 Yawe wamabumba ali naifwe; Lesa wakwa Yakobo ecubo cesu. Selah