¹ Umutima wandi waisula ulekunkululaka pa cebo iciweme ; ndi ne kupenda ukwa kubilikisha amashiwi andambele pamulandu wa mfumu; ulumini lwandi cilembelo ca mulembeshi uulibambile. ² uliweme ukucila abana ba muntunshi uluse lulitilwemo mumilomo yobe; pali cico tulishiwaati ba Lesa balikushukishe umuyayaya. ³ Bika impoko yobe pakabeya kobe, wewa makosa, mubuleme bwenu namu bufumu bwenu. ⁴ Mu bufumu bwenu munine mwende nemakosa pakuti pakwelelwa ukucetekelwa lwa mukututekanya, nebulungami; ukuboko kobe ukwa kulweni kuka kusambilisha ifintu ifya kutina. ⁵ imifwi yobe ili iitwile; abantu balapona panshi yobe; imifwi yobe ili mu mitima yabalwani ba mfumu. ⁶ icipuna cabufum, mwe ba lesa, ca muyayaya ya na pe; inkoli iyapingula ukuweme inkoli ya bufumu bwenu. ⁷ Mulitemenwe ubulungami nekufititwa icibipile; pano ifyo mweba lesa, ba lesa bobe, bali kusufishe ne mafuta aakutemwa ukucila ifibusa fyobe. ⁸ Ifya kufwala fyobe filanunkila mili, aloi, nakasiya; ukufuma ku meno ansofu akumasano ifilimba ifya ntambo fya kulenga ukutemwa. ⁹ Abana ba mfumu abanakashi balipakatika abnakashi abacindeme, pakubiko kwa kulwine kwaima kana bana mfumu aba fwotr ifya golide fya Ofi. ¹⁰ Umfwa wemwana mwanakshi, elenganya no kuteyamika ukutwi; laba ku bantu bonse na kubanganda ya bawiso. ¹¹ Namuli iyi nshila imfumu ikafwaisha ubusuma bobe; nicibinda obe; mu cindike. ¹² Abana banakashi baku Tari bakaba kulya nefya bupe; abakankala ba mu bantu bakakulombela. ¹³ Umwana mwanakashi wamfumu mwisano lyonse mukatami ifya kufwala fyakwe fyapangwa na golide. ¹⁴ Nafwala ifyabeeka, balemutwala ku mfumu, na banacisungu banankwe balemunkoka balemushindika. ¹⁵ Baleya baleenda ne nsansa pamo ne nshindishi, baingile na mwisano lya mufmu. ¹⁶ We mfumu ukakwata abana abengi bakalapyana ififulo fikolwe fyobe, ukabalasa pa bumfumu ubwa kuteka icalo conse. ¹⁷ Ca cine, ulwimbo lwandi lukakulenga ukulumbuka ku nkulo shonse, na bantu bonse bakalakulumbanya pe na pe.