¹ Toteni amapi yenu , mebo mwense mwe bantu , bilikisheni kuli ba lesa ne congo cakukomeka. ² Pakuti ba yawe aba pasuntukile baku tinisha , ni mfumu iikulu pacalo conse. ³ Balacefya abantu panshi yesu, ne mishobo panshi yamakasa yesu. ⁴ Balatusalila ubupyani bwesu, ubuleme bwa kwa yakobo uyo uu atemenwe. ⁵ Balesa baya baima nekubilikisha, ba yawe ne congo calupenga . ⁶ Imbeni isha kuba lumba nya ba lesa, imbeni isha kubalumba nya ku mfumu yesu, imbeni isha kuba lumbanya,. ⁷ Pakuti ba lesa ni mfumu pa calo conse imbeni isha kuba lumbanya na mukumfwikisha. ⁸ Ba lesa bala teka pa mishobo, ba lesa balikele pa cipuna cetebe iciswetelele. ⁹ Abana ba mfumu abantu babungana pamo ku bantu baba lesa wakwa Abulaamu, pa kuti ingabo shapa calo shili shaba lesa,` bala suntwilwe ukwa kuti.