¹ Nkalumbanya ba Yawe pampindi yonse, ukulumbanya kwabo kukaba lyonse mu kanwa kandi. ² Nkalumbanya ba Yawe! Ngabasangalale bomfwe abo penshiwa. ³ Lumbanyeni ba Yawe pamo na nebo, ngatusuntule peulu ishina lyabo pamo. ⁴ Nalifwaile ba Yawe nabo balingasukile, kabili balimpele ukukomeka pa mwenso wandi wonse. ⁵ Abo aba lolesha kuli ye balatemaka, kabili nefinso fyabo tafibaponensoni. ⁶ Uyu mwalalume uwa peshiwa kalila kabili naba Yawe balimumfwile nekumupulusha ukufuma kumopensho onse. ⁷ Inkalamba yaba Yawe ilekala nekubashinguluka abo aba batina, kabili nekubapulusha. ⁸ Esheni nekubona ati ba Yawe ba weme. Alishukile mwalalume uukwata ukufisama muli bo. ⁹ Batineni ba Yawe, mwebo mwebantu bakwe abaswetele. Takulipo ukubulisha kuli babo aba mutina. ¹⁰ Utwana twa nkalamo shimbi mpindi tulabisha ifyakulya nekupenga insala sombi abo aba fwaya ba Yawe tabakabilishapo akantu akaweme. ¹¹ Iseni, mwebanabalalume, kutikeni kuli nebo. Ndi nekumusambilisheni ifya ukutina ba Yawe. ¹² Wisa muntu uyo uufwaya umweo nekutemwa inshila ishingi ati angabona ifiweme? ¹³ Pamo lama ulumini lobe ukufuma ku cibipilekabili ulame imilomo yobe ukufuma kukulabila ubufi. ¹⁴ Alulukako ukufuma ku cibepile kabili ucite. Fwaya umutende kabili uukonkaishe. ¹⁵ Amenso aba Yawe ali pabalungeme nematwi abo alatontomeka pali kuko ukulila kwabo. ¹⁶ Icinso caba Yawe cilabalukila abo aba ata icibipile, ukupitila ukufumyapo kwabo ukufuma pa calo. ¹⁷ Abalumeme abalalilisha nabaYawe balomfwa kabili balabafumyamo ukufuma kumapensho abo onse. ¹⁸ Ba Yawe balipalamine kubatibekele imitima, kabili balabapulusha abo aba sansa ikile mu mupanshi. ¹⁹ Ayengi mapensho aabalungeme, sombi ba Yawe balabafumya muli onse. ²⁰ Balalama amafupa akwe onse, neli limo pali o likatobeka. ²¹ Icibipile cikepaya imbifi. Abo abapata umulungeme bakasekwa. ²² Ba Yawe balapulusha imyeo yababomfi babo. Tapalipo ngangu umo uwababo ababula ukufisama muli bo bakasekwa.