¹ Ba Yawe, bombeni nababo abaluku fwayaukubombo nanebo; lweni naboba abalukufwaya ukulwa na nebo. ² Buleni inkwela yinine ne iyi kulu; imeni muilu ne kunjafwilisha nebo. ³ Bomfyeni ifumolyenu nekatamo kakulwilako kuli babo abalensowa; labileni kumweo wandi, "ndipusukilo." ⁴ Lekeni bonse abo abalefwaya umweo wandi balengwe insoni ne kusebana. ⁵ Lekeni bonse abali ne balengulushi ayakunganaula babwelele numa ne nsoni shabo. lekeni babe koti musungu ubalukululusha kumwela ili nkalamba ba Yawe yabaseshepo bonse. ⁶ Lekeni inshila shabo shibe shifitile ne kuteshina ili nkalamba Yawe ilukubasowa bonse. ⁷ Ukwakubula ubwafya baleteyele isumbu ukwebati injikashemo; ukwakubulwa ubwafya banyimba icilindi ukwimbila umweo wandi. ⁸ Lekeni ubonaule bubasangane ukwakubulo ukwishiba. Lekeni isumbu ili bateyele libekate abena. Lekeni bawilemo abene kubonaushi. ⁹ Sombi nkasangululala muli ba Yawe ne kusekelela mwipusuklo lyabo. ¹⁰ Lekeni amafupa yandi yalebila "ba Yawe neli uli koti ni mwebo, mwebapususha abapengele ukubafumya muli babo abali ne makosa pali bo nakuli babo abaculile ili bakukufwaya ukubebila kulyabo? " ¹¹ Ne bantu abipile baiminine bumbani ubwabwafi ne kulabila ifinteshibilepo. ¹² Ne kumbwesesha icibipile paciweme eli bandenga ukuba ne kuilishanya. ¹³ Sombi nebo ili balwele, ifyakufwanya fyandi fyalyalukile insamu; ili nalinine pabo, ne kutembela kwandi kwalimbwelele pa cifuba. ¹⁴ Nalyendaukile mukuyilishanya pamukwabesu nalifukeme panshi ne kutapa ukulila koti muntu ulukulila banjyina. ¹⁵ Sombi ili nalukusunta, balisangalela ne kubungana pamo; ili babungene pali nebo, balimpunine ukwakubula ukwishiba ne kundepaulatupifyatupifya ukukubula ukuleka. ¹⁶ Ukwakubula neli mucinshi balitampile ukucusha nebo; ili basumanya ne meno pali nebo kulince ¹⁷ Mweshikulu, mukatwalila ukundolosha kyekafi? Pusushine umweo wandi bonaushi bwabo eli mupusushe umweo wandi kunkalamo. ¹⁸ Nkamulumbanyeni mwebo mucilonganino icikulu; eli nkamushinshimuna mwebo pamenso yabantu abengi. ¹⁹ Tekwesha ukuleka ababnipile ukusangalala pali nebo; tekwesha ukuleka bapinte imibele yabo iyibipile. ²⁰ Pakuti tabalabilapo umutende, sombi balafwaulisha lukoso ukulabila amashiwi ayabipile kuli babo abekala mu mpanga umutende. ²¹ Belesula utunwa twabo mu kwasamisha pali nebo; ne kulabila ati, " tepapo twali bwenafiweme. ²² Mwalibwena mwebene, ba Yawe mwikutumanapo lukoso; shikuli mwitwlamukapo kuli nebo. ²³ Libusheni ne kwiminine mukumpolola; mwe Lesa wandi mwe shikulu wandi, ne kubusha bubi pali nebo. ²⁴ Mpokololeniko nebo, ba Yawe ba Lesa wandi, kubulungami bweu mwileka basangalale pali nebo. ²⁵ Mwileka balabile mu mitima yabo, "Tepapo twakwata ifitwakufwaya." ²⁶ Lekeni balengwe insoni nekusebana abasangalala pali nebo pa fintu ifibipile ifya ncitikile. Lekeni bpnse abalikusha pali nebo balengwe ukufwala insoni nekusebana. ²⁷ Lekeni bonse basangalale kupunde ukuweme ne kusangalala; lekeni batwalile ukulabila, "ukulenya kwa ba Yawe, " abo abakelwa nekusangalala pa mu bommfi wabo." ²⁸ Pano eli kalbila pa mulinganya wenu ne kulemya ishina lyenu mubutali bwa nshiku.