¹ Kanusangalala muli ba Yawe, mweba lungeme; ukulemya kuli lungeme kuba lungeme. ² Kamubatota ba Yawe ne mesela; kamubembila ishakucindika ne kankoto akantambo ikumi. ³ Bembileni ulwimbo lwa bukumo; kamulisha mukwishibila nekwimba ne nsangalashi. ⁴ Pakuti ishwi lyaba Yawe lilungame, kabili fyonse ifi bacita fiweme. ⁵ Balitemenwe ukulungama nebupingushi. Icalo capanshi ciliswilemo ukucetekelwa kwa cipangano caba Yawe. ⁶ Kwishiwi lyaba Yawe amaulu ali pangilwe, netubangabanga twali pangilwe mukupema kwamukanwa kabo. ⁷ Balabunganisha amenshi amu cishiba pamo koti mupili; balabika ifishiba ifikuli ati matala. ⁸ Icalo capanshi conse ngacibatine ba Yawe; nebantu bonse abekala mu calo capanshi ngacimakane mukuba kankamanina bo. ⁹ Pakuti balilabile nafyokaficitwa; kabafunda nafyo kafimakana pa mupunda apo. ¹⁰ Ba Yawe balafulunganya ukusankana kwa fyalo pamo; balapalanganya ukwanshika kwa bantu, ¹¹ Ukwanshika kwaba Yawe kulemakana ukwakubula ukushila, ukwanshika kwamutima wabo pa fitentekwa fyonse. ¹² Cilishukile icalo ici Lesa wabo niba Yawe abantu abo basalulwile ati bupyani bwabo. ¹³ Ba Yawe balalolesha ukufuma kwiulu balababona abantu bonse. ¹⁴ Ukufuma kacifulo ukubekala, balalollesha panshi pali bonse abekala pa calo capanshi. ¹⁵ Bo abanga imitima yabo bonse balaceta imicito yabo. ¹⁶ Tekupo imfumu ingapulushiwa kubukulu bwebumba lya fita; icita taci pulucilapo pakuti pamakosa akulu. ¹⁷ Kafwalo cakupembela kwa bufi ati cakupulucilamo; nangu abe nemakosa akulu, tekuti aoulushe. ¹⁸ Bona, ishiso lyaba Yawe lilipali babo ababatina, pali bbabo abapembelela mukucetekelwa cipangano cabo. ¹⁹ Mukupulusha imyeo yabo kumfwa nekubalama ne mweo mumpindi ya kaumbo. ²¹ Tulabapembele ba Yawe; ebakutofwako kabili engabo yesu. ²⁰ Imitima yenu ilasangalalila muli bo, pakuti tulapema mwishina lyabo iliswetele. ²² Lekeni ukucerekelwa kwa cipangano cenu, ba Yawe, kube nafwebo ilitwabika ukupembelela kwesu muli mwebo.