¹ Alishikile uyo ukupulaisha kwakwe kufitulukilwe, nekubifya kwakwe nako nekufimbwapo. ² Alishukile uyo muntu uyu ba Yawe tabebelapo ifibipi;e, uyo takwete ukutumpaika mumupashi wakwe. ³ Pakulukukutumene nebo, amafupa yanji nekucekula kukutonela kwanji akasuba konse. ⁴ Pakuti nekasuba nebushiku ulupi lwenu lwalilemene pali nebo. Nebo naliuminine koti nikucilala ca lusuba. ⁵ nalisumine kuli mwebo ifyakubifya fyanji nshinafishile ukusenda ma kwanji, tau. Nebo ati, "Nakufusulula kuli ba Yawe kwanji, lomba mwebo mwalifitulikile ku mulandu wakubifya kwanji. ⁶ Abantu bonse batina ba Lesa ngamutembeleleni ifyo pampindi iyo angamubwenenimo. Icine pakwisulo kwakuti unika ishikulu, amenda taakafika kuli ye. ⁷ Mwebo muli mwakufisamina nebo; mwebo mukalukunduma nebo kufyakukatasha; mukanshinguluka nebo nenyimbi shakupulusha. ⁸ Nkakufunda nekukusambusha muli yeyo nshila umo ungendamo. Ilinso lyanji likakubuula amano. ⁹ Mwiba koti nikafwalo neli ni koti limyuli, ishitashikwete mano; ishingakakwa kucela icakukanwa na pakuti apakubulefyo teti shipalamine kuli webo. ¹⁰ Isoni ishinji shikkaibela imbifi, sombi uyo upemamo muli ba Yawe, inkumb shikalukumushinguluka. ¹¹ Kamutemwa muli ba Yawe, musangalale, mwemulungeme mumitima.