¹ Ba Yawe ekutuba kkwanji kabili ekupulusha kwanji; Ba Yawe emwakufisamika umweo wanji; nganinani ynga manamika? ² Pakwisa abakubifya kuli nebo mukulya unefu wanji, abapate netupondo twanji kabolitutula kabawa panshi. ³ Nangabati ifita fikanshinguluke, umutima wanji taukatinapo, nangu ba inkondo ikese pali nebo, nangu nifyefyo nkalukwikele umushipile. ⁴ Icintu cimo ndukulomba kuli ba Yawe, kabili nkalukucifwaisha ico; ati nkekalilile mu ng'anda yaba Yawe inshiku shonse ahe mweo wanji, ukubona ubulombe bwaba Yawe nekulukulomba mwitempuli lyabo. ⁵ Pakuti pakasuba kamapensho bakamfisa mwisema lyabo; mucinto ica mwisema lyabo baka mfimbilisha. Bakansutwila nebo apatala pacibwe! ⁶ Penka umutwi wanji ukunucila peulupabapate banji abanshingulucile nebo, nkapela lyabo! Nkalukwiba neshakubembila inyimbo ba Yawe. ⁷ Mumfwe, mweba Yawe, ishiwi lyanji pakulila nebo! Nchitileni nkumbu nebo, kabili mungasuke nebo! ⁸ Umutima wanji ulalabila ifi pali mwebo, "fwaya fwaya icinso cenu, mweba Yawe! ⁹ Mwilukufisa icinso cenu ukufuma kuli nebo; tenkuntamfya ne musha wenu mubukali! Mwebo mwali bakungofwako nebo, tekundeka nebo neli kusha nebo, Lesa wakupuluka kwanji! ¹⁰ Nangaba batata naba mayo bansule nebo, ba Yawe bakampokelela. ¹¹ Sambilisheni inshila yenu, mweba Yawe! Ntangilileni munshila iyiwenme pakuti pa ba lwani banji. ¹² Tekundekela nebo kukufwaya kwaba lwani banji, pakuti nekunjeba ifyakutinisha? ¹³ Kanshi nindo yati inkacitikile nebo nga nshacetekele ati nkabona ukuwama kwaba Yawe mu calo cabalabi? ¹⁴ Kamupempelela ba Yawe; koseni, nemitima yenu ngaishipa! Kamupembelele ba Yawe!