¹ Mu sololote na nebo mweba Yawe, pakuti nakwenda mukulungama kwanji; kabili nalikupemamo muli ba Yawe, newakubulo kukanika. ² Munsalale, mweba Yawe, mungenshi. Esheni imfwa shanji ne mutima wanji. ³ Pakuti uluse lwenu ulwakulelesa luli pamenso yanji; kabili nebo nalukwenda muli bucine bwenu. ⁴ Nshinalukwikala ne bantu balukoso, kabili nshikenjilamo pamo nebakutumpaika. ⁵ Ndafitilwa ibungano lyabakubifya, teshi nkalukwikala pamo nembifi. ⁶ Nksamba kuminwe yanji enwakubulo mulandu, fyefyo fifya nkashinguluka iconto cenu icamulambu mweba Yawe. ⁷ Ati nkaliumfwanikishe ishiwi lyakutota, nekutulisha imilimo yenu yonse iyakukankamika. ⁸ Mweba Yawe, ndukutemwa ukwikala ukwamung;nda yenu, na pantu apalukwikala ubuleme bwenu. ⁹ Tekubunganya umutima wanji pamo nebakubifya, neli mweo wanji pamo nabantu aba pokomoshe milopa. ¹⁰ Fyefyo miminwe yabo emuli ukushikwa, namulupi lwabo ulwakulwine emuli amashinkakanwa. ¹¹ Sombi nebo, nkalukwenda mukulungame kwanji; mundubule mucitile nkumbu. ¹² Ulukasa lwanji lukukwimakana apaselebele; mumabungano nkalukubbatemwa ba Yawe!