¹ Kuli mwebo, ba Yawe, nalila ukubilikisha mwebwe lyandi, mwinsula nebo. Kani tekuti mwasuke kuli nebo. Nkalundwa kuli babo abaya panshi kumanda. ² Umfweni iciunda cakupapata kwandi ili naita ukungofwa ukufuma kuli mwebo, ili nasuntula amaboko andi kwiulu ukulungama ku mupundwe uuswetelele! ³ Mwinkukululula ukufumyako pamo nembifi abo abacita ifibipile abo abalabula umuntende ne bena mupalamano babo sombi bali necibipile mu mutima yabo. ⁴ Bapeleni ifi imicito yabo ilingile kabili nekubabwelesesha ifi ukubifya kwabo kufwaya, babweleseni amalipilo abo ap kobomba kwa maboko abo, nekupela kuli bo ifyabo. ⁵ Pakuti tabaleumfwapo ukubomba kwaba Yawe nangu ukubomba kwa maboko abo, akabalepa wila panshi kabili tabakaikulululapo. ⁶ Ukushuka kube kuli Yawe pakuti baumfwa iciunda cakupapata kwandi. ⁷ Ba Yawe emakosa andi kabli ingabo yandi; umutima wandi ulacetekela muli bo, kabili ndifiwa. Palififyo umutima wandi ukasangalala ukwakuti; kabili nkabalumbanya nekwimba. ⁸ Ba Yawe emakosa aabantu babo, kabili ecubo cakupulukilamo ica uyo uusubillwe uwabo. ⁹ Pulusheni abantu benu kabili sukisheni aba bupyani bwenu. Mube buembeshi babo kabili bafinteni umuyayaya.