¹ Ndimetemenweni, mweba Yawe. mwemakosa yandi. ² Ba Yawe ebwe lyandi, mwakufisama, abobamo abandeta ukwakupulukila; eba Lesa wandi,ibwe lyandi mulilo emomfisama. Engabo yandi, isengo lyakupuluka kwandi, kabili icakwikatako candi icikosele. ³ Nketa paliva Yawe abo abelelwe ukulumbanya, kabili nkapuluka ukufuma kubalwani bandi. ⁴ ntambo sha mfwa shanshinguluka, ne menshi aalekunkisha aatalingilepo ambilimina peulu. ⁵ Intambo shaku Sheoil shanshinguluka; ifiteyo fya mfwa fya nteyamina. ⁶ Mukupenga kwandi nalitele kuli ba Yawe, nalitele ukungofwa kuli ba Lesa wandi. Balyumfwile ishiwi lyandi ukufuma mwitempuli lyabo. ukwita kwandiukwaku ngofwa kwali ku menso abo, kwali na matwi abo. ⁷ Pano ne mushili kautenkana nekututuma; imifolwa ya mapili nayo kaitutuma kabili yalitenkene pakuti ba Lesa bali kalipile. ⁸ Icushi kaciya peulu ukuya kufuma mutupunda twamyona abo, nekufuma ma kwanwa kabo. Amalasha alyakile kuli lyo. ⁹ Baliswile amaulu nekwisa panshi, nemfinshi litikeme yali panshi ya makasa abo. ¹⁰ Kabanina pali ba kelubi nekupalala, bali sansabele pamapindo akabesha. ¹¹ Balipangile imfinshi asasa icibashingulukile, amakumbi amfula aalemene mukati mumakumbi, ¹² Amabwe amfula nemalasha aa mulilo aliponne ukufuma kukampeshi mposhi kuntanshi yabo. ¹³ Ba Yawe kababuluma mukati muma ulu! Ishiwi lya uyo uucilile ukusuntuka kalibilikisha. ¹⁴ Kabalasa imifwi yabo nekupalanganya abalwani babo; ishingi nkakishosha tumpeshimpeshi shali bapalangenye. ¹⁵ Pano ne mupita menshi kamuboneka; imifolwa ya calo yalishele apatubile pakukalipila kwenu, mweba Yawe, pakulefuka ukwa kufuma ukwatufunda twamumyina yebu. ¹⁶ Balifikile panshi ukufuma kwi ulu; bali mbulule kabanyikata! Balintintile ukufumya mu menshi aalebilima; ¹⁷ bali mfulwishe ukufuma kumulwani uwamakosa, ukufuma kuli babo aba mpayile, paukuti bali abamakosa ukuncila. ¹⁸ Balishile ukungalukila pakasuba kakupenga kwandi sombi ba Yawe bali eba ku ngofwa! ¹⁹ Balimbikile uukakulukile mumupunda uupabukile uwisukile; balimpulwishe pakuti bali abakuntemwa nebo. ²⁰ Ba Yawe ba ndambula pakuti pakulungama kwandi, kabili bambweleshamo pakuti amaboko andi ali aabwingino. ²¹ Pakuti ndilamine inshila shaboo Yawe kabilinshicililepo icakubifya icakwaluka ukufumako ukuya uufuma kuli ba Lesa wandi. ²² Pakuti pa fyebo fyabo ifi lungeme fyali kuntanshi yandi; koti fya kufundwa. Nshalukilepo ukufumako kuli fyo. ²³ Ndi kabili uwakubula umulandu kuntanshi yabo, kabili nalilama nemwine ukufuma kububi. ²⁴ Palifyo ba Yawe bambwesesha nebo pakutipakulungama kwandi, pakuti amaboko andi ali aabwingino kuntanshi ya menso. ²⁵ Kuli umo uuli ne icetekelo, mulalangisha mwebene ukuba uwalucetekelo; ku mwalalume uyo uutakwetepo unulandu, mulolangisha mwebene ukuba uwakubula umulandu. ²⁶ Kuli umo uyo uushililile mulalangisha mwebene ukuba uushililile; sombi kuli umo uyo uuli mwaluka, ulalilangisha wemeine ukuba uwakwaluka. ²⁷ Pakuti mulapulusha abapenshiwa, sombi mulabwesha panshi aba matangalo, abali ne menso aemine mwiulu! ²⁸ Pakuti mulapela ukutuba kunyali yandi; ba Yawe ba Lesa bandi balasha insinshi yandi. ²⁹ Pakuti ukupitila muli mwebo ninga butuka ukutolola ibumba ilyacinga; ukupitila muli ba Lesa ningema ukupita peulu lya cibumba. ³⁰ koti niba Lesa - inshila shabo shili ishishililile! ishiwi lyaba yawe lishilile! Bo bali ningabo kuli onse mubulakufisamo muli bo. ³¹ Pakuti ba Lesa nibanani sombi lukoso ba Yawe? Mbe bwe ninani sombi lukoso ba Lesa wesu? ³² Niba Lesa ababika amakosa pali nebo koti mushipi, ababikakapo pa muutu uwakuba la umulandu pa nshila yakwe. ³³ Balalenga amakasa andi ukwangufyanya koti ni mpombo kabili nekuninika apali peulu. ³⁴ Balasambisha amabiko andi ukulwa nemaboko andi ukupeta ubuta ubwa lubemba. ³⁵ Mwampela ingabo yakupulusja kwenu. Ukuboko kwenu ukwakulwine kwango fwelesha, kabili nekutemwa kwenu kwancita ukukula. ³⁶ Mwapanga nshila iipakukile iya makasa andi munshi yandi ifyo ati amakasa andi tekuli ateshimuke. ³⁷ Kambutusha abalwani wandi kabili kambekata. Nshabwelelepo inuma mpaka nkubonala. ³⁸ Ka mbatobanshi ifyo ati babe abakubula ukubuka; baponena panshi ya makasa andi. ³⁹ Pakuti mmwabika amakosa pali nebo koti mushipi wakulwa; mwababika panshi yanndi abo abema ukungalakila. ⁴⁰ Mwalimpele inumashamikoshi nalibaputawila abo abampatile. ⁴¹ Balitile ukubofwa, sombi tapalipo neli umo uyo wakuba pulusha; balibikisheukwita kuli ba Yawe, sombi tababa sukilepo. ⁴² Nali bapamine mufilewa koti lukangu kunyanshi ya kabesha; nalibafutawile koti nmatipa mu misebo. ⁴³ Mwikifumishemo ukufuma mukubula ukumfwana kwa bantu; mwancita umuntu pamishobo; abantu aba nshaishipo ukumbombela. ⁴⁴ Lyonse lyo bangumfwile, balingumfwilile, abena fyalo balipatikishiwile ukwinama kuli nebo. ⁴⁵ Abena fyalo balishile baletutumo ukufuma umo umubekalili ukukosele. ⁴⁶ Ba Yawe balikele; ngabalumbwe ibwe lyandi. ngaba suntulwe ba Lesa abakupulusha bandi, ⁴⁷ Bo niba Kesa abacita ukula ndula kwandi, abacefya imishobo panshi yandi. ⁴⁸ Panwefyo nkapela ukutota kuli mwebo, mweba Yawe, pakati ka mishobo; Nkemba amalumbo kwishina lyenu! ⁴⁹ Nabikwa umukakulukile ukufuma kubalwani bandi! icine, mwalinsuntwile peulu lyabo aba njimine nebo. Mwalimpulwishe ukufuma kuba lalumeba fimfulunganya. ⁵⁰ Ba Lesa balapela ukukomela ukukulu ku mfumu yabo, kabili balalangisha icipangano cakunakila kumusubwa wabo, kuli Davidi nakuli bakamufyalwa bakwe umuyayaya.