¹ Ummfweni ukulomba kwanji ukwabupingushi, mweba Yawe; kutikeni ukwita kwanji ati mu ngofwe! Mymfwishe ukutembela kwanji ukulufuma pamilolomoyakubuka kubepa. ² Pamenso enu ngapafumine ukusololola kwanji; amenso enu ngabone ifyo ifilungeme! ³ Kani mweshe umutima wanji, mwise kuli nnebo mubushiku, mwakunswesha ekubula ukusangamo ukwanshika ukubipile; akanwa kanji takakabifyapo. ⁴ Ifyaku milimo ya bantu, nipakuti pe shiwi lya pamilomo yenu epo nalikanisha ku nshila shabungwa. ⁵ Mukwenda kwanji ndikakatile mu nshila shenu amakasa anji ta atelemucile. ⁶ Ndamwiteni pakuti mulangasuka, mweba Lesa; Teyeni amatwi kuli nebo mungumfwe pakulabila. ⁷ Langeni ukucetekelwa mucipangano munshila iyiwaminine, mwebapulusha kubalwani abi aba fisama muli mwebo kukuboko kwenu ukwalwine! ⁸ Mundame koti lubonii lweshiso lyenu; mumfise mucinto camapindo enu. ⁹ Ukufuma pamenso aba lukumpesha nebo utupondo utu nshingulukile. ¹⁰ Tabakwete inkumbu ku uli onse; utunwa twwabo tulabila mukulitota. ¹¹ Bo bashinguluka kwenda kwanji. Balaceta ifyakungwisha panshi. ¹² Balikoti ni nkalamu iyilufwaya ifyakulya fyaiko, koti mupempela wankalamu uwabelama apasacile. ¹³ Imeni, mweba Yawe! Balwishen! Mubawishe panshi ubwitubeme! Mulamwine umweo wanji kumbifi ku mpoko yenu? ¹⁴ Mpulusheni ku bantu muminwe yenu mweba Yawe, ukufuma ku bantu bamuno mu calo abo ububile bwabo bwa mu mweo uno wenka! mukesusha amekashi abasalulwilwe benu ne bubile bakaba ne bana abenji nekusha ububile bwabo ku bana babo. ¹⁵ Sombi nebo, nkabona icinso cenu mukulungama; nebo nkekuta, ili nkabuka, pakumuboneni mwebo.